Amota 3:13 - Te B'aib'ara

¹³ Ongora ngkai ao kauringiia kanoan Iakob'a,” bon ana taeka te UEA ae m'aaka.

Amota 3:13 Iomraidhean Croise

2.Uea 17:13

Ma ngaia are, E tuangiia burabeti te UEA b'a a na bon riai ni kauringiia Iteraera ao Iuta n taeka aikai, Boni Ngai ae te UEA, ao I tuangkami b'a kam na katoka karaoan taiani bure, ma ni manga moana te ongotaeka nakon Au tua ma au reirei. I anganiia ngkoa ami bakatibu, ao I a manga tuangiia Au taani m'akuri ake burabeti b'a a na manga kaoki n taekini nakoimi.

2.Uea 17:15

A katinanikua ana taeka ni kauring te UEA ma ana babaaire, ao a kaaki taekan te boraraoi are e a tia ni karaoia ma aia bakatibu. A taromauri bouananti ake akea maneia, ao a boni kakeai manenaia. E a tia n tuangiia b'a a na aki katotoongia botannaomata ianena ake i rarikiia ni b'aai aika a karaoi, ma a aki ongo Iteraera b'a a boni katotoongia naba.

2.Rongorongo 24:19

ma E bon teimatoa naba ni kananakoia burabeti ake a na kauringiia b'a a na rairaki nako ina. Ma a aki kan ongo aomata.

Itaia 1:24

Bon te UEA Ngai ae Moan te M'aaka, ae te tia tautaekana Iteraera ae e korakora, ao I karaoa au berita nakoimi ae e kaangai: Bon au kairiribai ngkami ngkai, ao N na kaota uniu nakoimi ni kaoka kaiu iroumi.

Etekiera 2:7

ao ko na taetaekina Au taeka nako ia, e aoria ngkana a taku b'a a na ongora ke a na aki.

Amota 3:14

“Ngkana I oroia Iteraera n te bong arei i bukin aia bure, ao n na urua baonikarean Betaera. Ana bane ni b'aka i aontano koron taian baonikarea.

Amota 5:27

ngke I kairingkami b'a taenikai nakon te aba ri aon Tamateko, bon ana taeka te UEA ae m'aaka.

M'akuri 2:40

A bati riki ana taeka Betero nakoia, ao e butiia ni kaangai, “Kam na kamaiungkami man te rekenikai ane nang roko nakon te roro ae buakaka aei!”

M'akuri 20:21

I kamatoa au taeka nakoia I-Iutaia ma I-Erene n tuangiia b'a a na rairi nanoia nakon te Atua, ao a na onimakina ara UEA are Iesu.

I-Ebeto 4:17

Ma ngaia ae aei au taeka, ae I kamatoa nakoimi n reitaki ma nanon te UEA, b'a kam na tai manga katotongiia aomata aika tiaki I-Iutaia n aroni maiumi, ngkai a maiu ma aia iango aika akea bonganaia;

Te Tua-Kaua 8:19

Ma I kauringngkami—b'a ngkana kam m'aninga taekan ami UEA ae Atuami, ao kam a manga taromauriia atua tabeman, ao E na tiringingkami te UEA, n aron tiringaia botannaomata ake kam buakaniia.

1.I-Tetaronike 4:6

E na aki bure temanna nakon raona ke ni babakanikawaia ni baika kaeti ma aron te mm'aane nakon te aine b'a te Uea boni Ngaia te tia kareke-kai i bukini baikai ni kabane, n ai aron are ti tuangngkami rimoa, ma ni kaotiotia naba.

Iotua 22:22

“Ti bon kaotia ma te koaua i matan te UEA ae te Atua ae m'aaka ae ara tia kakoaua. E ataa bukin karaoan aei iroura, ao ti bon tangiriia naba aomatan Iteraera b'a a na ataa bukin karaoan aei iroura.