Amota 3:12 - Te B'aib'ara

¹² E taku te UEA, “Ai aron te tia kawakin tiibu ae kunei tii uaai rangan ke tii taningan te tiibu ae e kanaki iroun te raian ao ai aroia naba I-Tamaria b'a tii tabeman ake ana reke maiuia mai buakoia. A na reke aia tai ni uoti b'ain aia auti.

Amota 3:12 Iomraidhean Croise

1.Uea 20:30

Ao a biri rikaaki nikiraia kaain Turia nako Abeki, ma e a manga b'aka oon te kaawa ao a manatua ni mate iai 27,000. Ao e biri nako naba Benatata nako Abeki ao e karabaa n te ru teuana i tinanikun te auti.

1.Uea 20:34

Ao e taku Benatata, “N na kaoki taiani kaawa ake e anai tamau mairoun tamam. Ao ko konaa naba ni katei am tabo ni kabob'ai i Tamateko n aron tamau ngkai iai naba ana tabo ni kabob'ai i Taamaria.” Ao e taku Aaba, “Ngkana ko karaoi akanne nako iu, ao N na kanakoko ni kainaomatako.” Ao i mwiin arei, ao a tiainaa aia boraraoi n raoi, ao e kainaomata Benatata te uea are Aaba.

1.Uea 22:25

Ao e taku Mikaia, “Ane ko na nooria n te bong arei b'a ane ko na karabako i kabin te ru n te auti teuana.”

2.Uea 16:9

Ni bon te tai naba are e reke iai te rongorongo iroun Tikerata Biretia, ao e a m'ananga naba ma ana taanga ni buaka nako Turia. E taua te kaawa n tua are e buubura are Tamateko, ao i mwiina, e anaiia aomata ake a maeka n te kaawa arei nako Kira b'a taian taenikai, ao e tiringa te uea are Retin.

Etita 1:6

E katamaroaaki ana bareti te uea n taiani keeten aika a buruu ma ni mainaina, ao a kabaeaki ni karain rinen aika a taim'anuokai aika a raraoi, aika a bae nakon taian m'am'a aika tirewa aika a mena i aon taiani maabora aika a tei ni rinan. Ao a kaotinakoaki taiani kainiwene aika koora ma tirewa nako nanoni m'aneaban te bareti, are e katamaroaaki nanona n taian maabora aika a kiriin ao a mainaina, ma atiibu aika a tamaroa, ma taiani b'aeao aika a raneanea. Ao a rabunaki kaintekateka aika a ab'ab'aki ni kunnikai aika a maraurau aika a bati mataia, ao a mena taian rooti i mataniwiia.

Etita 7:8

E eeinako nako aon ana kaintekateka Nei Etita, b'a e na buubuti nanoangaana, ao ngke e oki te uea nakon te ru man te nne n aroka, ao e nooria n arona arei, ao e takaarua ni kaangai, Tera ae e kataia ni karaoia te m'aane ae e buakaka aei? E na kataia n taua te ueanaine i matau ikai, i nanon oin au bareti? Ngke e tabe n taetae te uea, ao e a roko naba te toro temanna n rabuna atuun Aaman.

Taian Areru 132:3

N na aki okira mwengau ke nneu ni wene:

Itaia 17:7

Ane a na tanrikaaki aomata n te tai anne n onimakina te Tia Karikib'ai, Atuan Iteraera ae e tabu.

Itaia 31:4

E taku nako iu te UEA are Moan te M'aaka, “N na bekorara ao ni buakaniia kaanga te raian ae e aki konaa ni maaku ae e aki konaa ni kubanako n takaaruaia taani kaawakin tiibu ake a kataia ni kaawakiniia aia nanai n tiibu. Ao anne arou n roko n ruo ma ni buakaniia i aon te Maunga are Tion.

Itaia 8:4

i bukina b'a i m'aain ae e konaa n taekina ae e kaangai ‘Mamma’ ke ‘B'ab'aa’, ao e na roko uean Aturia ni buaka man uotinako b'aai ni kabane aika a kakaawaki i Tamateko ao Tamaria.

Amota 6:4

Bon te bong ae rangi ni kakamaaku nakoimi ngkami aika kam ni wenewene i aon kiemi aika a katamaroaaki, ma n am'am'arake n irikoia kaao ma tiibu aika ataei!

Amota 9:8

Boni Ngai te UEA ae rietaata ae I aki toki n nonorii aia m'akuri aika a bure aomatan te aba ni uea ae Iteraera, ao N na bon kamaunaia mai aon te aba. Ma N na bon aki kabaneia ni kamaunaia kanoan Iakob'a.