Amota 2:8 - Te B'aib'ara

⁸ Ao a wene ni matu i rarikin taabo n taromauri i aon kunnikai aika a anaaki mai rouia aika a kainano b'a b'aai ni kakoaua. Ao anai naba m'aane ake a reke man tuaaia aomata mani kabooa te wain iai, man nim i nanon au tembora.”

Amota 2:8 Iomraidhean Croise

Te Otinako 22:25

Kam na aki tangira rakan te m'ane ae kam anga b'a e na taarauaki irouia aomata nako aika a maiu ni kainano.

Itaia 57:7

Kam a tia n taakin ami kainiwene i aon taubukin maunga aika a rietaata, ike kam angakarea iai nakon taian bouannanti.

Etekiera 18:12

e burebureia aika maiu ni kainano, ao e kimoaia aomata. E taui b'aai ake e anganaki b'a b'aai ni kakoaua i bukin te roun. E taataromaurii bouannanti, ao e karaoi b'aai aika a rangi n ribaaki,

Etekiera 18:7

E aki konaa ni burebureia aomata ke ni kimoa ana b'ai temanna ao e aki toki ni kaakaokii b'aai ake a katukaki i rouna b'a taiani b'ai ni kakoaua i bukin te roun; e angaanga taiani kunnikai nakoia aika a maiu ni kainano

Etekiera 23:41

A tekateka i aon kaintekateka aika maraurau, ao te taibora i mataia i bukin b'aan te oriwa ao te b'ai ni kaboiarara are Au b'ai.

Otea 4:8

Kam kaungai nanoia tabem'aang b'a a na bure, b'a kam na konaa ni kaoningkami n aia karea ni kab'ara bure.

Otea 7:14

A bon aki naba tataro nako iu; a ti tang ni korakai i aon aia kainiwene. A ribaai i bukin B'aara ao a korobiti rab'ataia i bon irouia, ma te kaantaninga b'a B'aara e na kakab'aia arokaia.

Amota 3:14

“Ngkana I oroia Iteraera n te bong arei i bukin aia bure, ao n na urua baonikarean Betaera. Ana bane ni b'aka i aontano koron taian baonikarea.

Amota 4:1

Kam na kakauongo nakon aei, ngkami aika ainen Tamaria aika kam marikarika n ai aroia kaon Batian aika kamarikaaki aika kam karaoa ae e buakaka nakoia aika a mamara, kam karawawataia aika a kainano ao man tuangiia buumi b'a na uotii nimami taian kamanging!

Amota 6:4

Bon te bong ae rangi ni kakamaaku nakoimi ngkami aika kam ni wenewene i aon kiemi aika a katamaroaaki, ma n am'am'arake n irikoia kaao ma tiibu aika ataei!

Amota 6:6

Kam momooi wain n taian boora ao kam kabiri ngkami ni kabira aika a rangi ni boiarara, ma kam aki nanokawaki i bukin uruan Iteraera,

1.I-Korinto 10:21

Kam aki kona ni moi man ana m'angko te UEA ao man aia m'angko taimonio. Kam aki kona n uaia n am'arake n ana taibora te UEA ma aia taibora naba taimonio.

1.I-Korinto 10:7

Kam na tai riki b'a taan taromauri bouannanti n ai aroia tem'angina i buakoia. N ai aron are koreaki ni kangai, “A tekateka aomata b'a a na am'arake ma ni moi, ao a tei rake b'a a na m'am'aie.”

1.I-Korinto 8:10

B'a ngkana ko noraki, ngkoe ae iai am “atatai”, iroun temanna ae mamara mataniwin nanona b'a ko rarikiriki n am'arake i nanon te tabo are e tataromauriaki iai te bouannanti, ao tiaki e na buokaki iai nanona n noram i rouna b'a e na kang am'arake ake karea nakoni bouannanti?

Tani Motiki-taeka 9:27

Ao e a roko tain taian uaan te kureebe, ao a bane nako kaain Tekem nakon aia nne n aroka ni kureebe ma ni kiniki uaan aia kureebe. A katikui aia kureebe n te tabo ni kamanti kureebe, ao a nakonako i aoia ni katinakoi raniia i bukin karaoan te wain. Ao i mwiina, a nako n rin n temboran atuaia ao a karaoa te bootaki n am'arake ae korakora. Ao a m'aiti ake a am'arake ma ni mooi, ao a karereantia Abimereka.