Amota 2:7 - Te B'aib'ara

⁷ A toubekaia aika a mamara aika akea aroia, ao a butuia nako aika a kainano mai m'ain kawaia. Ane ana uaia, te karo ma te nati, ni kawara te toro ae te aine ae ti temanna ao ana kamatauninga arau ae tabu.

Amota 2:7 Iomraidhean Croise

2.Tamuera 12:14

Ao e taku Natan, “Eng, ko a tia! Ko bon aki tabe ma te b'ai ae e tangiria te UEA. E a tia ni kab'araa am bure, ma ngaia are, ko na aki mate. Ma e na mate natim are e a tia ni bungiaki.”

1.Uea 21:4

Ao e a okira mwengana Aaba ma te marakinnano ao te rawawatannano i bukin ana taeka Naabota ake e taekin nakoina. E wene i aon ana kainiwene ni kaaitaraa te o ma n rawa n am'arake.

Taeka n Rabakau 28:21

E bon aki raoiroi b'a ko na karaoa ae e aki riai, ma tabeman a konaa ni karaoa te kamaraato ti n te m'akoro ni kariki ae e uarereke.

Itaia 10:1

Kam a reke n te kangaanga aomata! Kam a tia ni karaoa te tua ni iowawa ae aki eti

Itaia 10:2

are kam na karaoa iai ae e aki raoiroi nakoia aomata aika a maiu ni kainano aika a tangira buokaia ao aine aika a tia ni mate buuia ao ataei aika akea aia karo.

Itaia 3:14

E na bon motikitaekami naba ngkami taan tautaeka ao taani kairiiri i aoia ana botannaomata. Kam tiringa arokana taiani kureebe ao kam kaon ami auti nako ni b'aai aika kam kimoai mairouia aomata aika a maiu ni kainano.

Itaia 3:15

E taku te UEA ae Moan te M'aaka, “Kam a tia ni kamanatuaia au aomata mani kabaarekai mataia aomata aika a maiu ni kainano.”

Etekiera 22:11

ke ma buuia tabem'aang. Ao tabeman a manga matu ma oin ai m'aaneia natin tamaia ke tinaia ma temanna.

Etekiera 36:20

E kamatauningaaki arau n taabo nako ake a nako iai, i bukina b'a a kab'ainrangiia Au aomata ianena n aia taeka are a taku b'a I a tia ni kairoroia Au aomata b'a a na kiitana oin abaia.

Otea 4:14

Ma I aki katuaaia. Boni ngkami aika m'aane aika kam riai ni bukinaki, i bukina b'a kam nako ni kawariia ainen matawa ao kam anga karea ma ngaiia n aia baangota nako beekan. E na uotingkami nanobabami nakon uruakami.

Nakoaia Ibonga 18:15

Ko na tai iein ma neiene ai natim, ane buun natim te m'aane,

Nakoaia Ibonga 18:21

Ko na tai anga natim nakon taromaurian te atua are Moreka, b'a anne boni kamaamaean aran te Atua, are te UEA.

Nakoaia Ibonga 18:8

Ko na tai kamamaaea tamam n iein ma temanna i buakoia buuna.

Nakoaia Ibonga 20:3

A tia ni kamaamaea te tabo ike I taromauriaki iai ni ikotaki ma Arau ae e tabu. Ma ngaia are, N na ekinakoia ao a na aki manga riki b'a raoia au Aomata.

Amota 4:1

Kam na kakauongo nakon aei, ngkami aika ainen Tamaria aika kam marikarika n ai aroia kaon Batian aika kamarikaaki aika kam karaoa ae e buakaka nakoia aika a mamara, kam karawawataia aika a kainano ao man tuangiia buumi b'a na uotii nimami taian kamanging!

Amota 5:11

Kam a tia ni karawawataia aika kainano ao ni kurib'ai aia uita. Ao kam na bon aki maeka n auti atibu aika tamaroa aika kam karaoi ke ni mooi ni wain man ooni kureebe aika kam uniki

Amota 5:12

Ao I atai aron ami bure aika nang riao aika kam a tia ni karaoi. Kam b'ainikiriniia aomata aika raoiroi, kam kamaraato, ao kam totokoia aika kainano nakon te motikitaeka ae eti n te bowi.

Amota 8:4

Kam na ongora n aei ngkami aika kam kamanatuaia aika a kainano, ma ni kamaunaia aika akea aia b'ai n te kaawa.

Mika 2:2

Ngkana a mataiakina te tawaana, ao a taua naba. Ngkana a mataiakina te auti, ao a anaia naba. Ao a akea inaomataia aomata n aia utu, ao aia b'ai naba.

Mika 2:9

Kam kakionakoia ainen au botannaomata mani mwengaia aika a mwengaraoi iai, ao kam iraei naba kab'aiaia aia ataei ake I a tia n anganiia.

Teb'ania 3:3

A bekorara aia mataniwi n ai aroia raian. Ai aroia kameanti aika bora ni baki ana taan motikitaeka, e aki kona n tiku nikiran kanaia nakon te ingabong.

I-Rom 2:24

B'a e koreaki ae kaangai: “I bukin aromi, ngkami aika I-Iutaia, ao e a riki n taetaebuakaki iai aran te Atua irouia aomata aika tiaki I-Iutaia.”

1.I-Korinto 5:1

A taku aomata b'a bon iai te wene ni bure i buakomi, ae te aeka ni wene ni bure ae akea n ai arona i buakoia aomata aika tiaki I-Iutaia b'a e buuna buun tamana te aomata.