Amota 2:11 - Te B'aib'ara

¹¹ I rineia tabem'aang mai buakoia natimi mm'aane b'a burabeti ao tabem'aang b'a Natiraite. Tiaki bon te koaua aei Iteraera? Bon ana taeka te UEA

Amota 2:11 Iomraidhean Croise

1.Uea 17:1

Eria bon te burabeti mai Titibe i Kireata. Ao e nakon Aaba n te bong teuana ao e taku, Bon ana Toro te UEA ae E maiu, ae Atuan Iteraera ngai. Ao I tuea n arana b'a e na bon aki b'aka te karau ni karokoa te tai are I a manga taetae iai b'a e na b'aka. Ao a na bon akea naba te aoi ae e na ruo nako aon te tano.

1.Uea 18:4

Bon Ob'aria are e karabaia 100 Ana burabeti te UEA n taian nangananga ni b'a ake uoua ao e kakarekei kanaia ma nimaia ngke e kataia Nei Ietebera n tiringiia. Ao e kanaanako wetean Ob'aria te uea are Aaba

1.Uea 19:16

Ao i mwiina, rinea Ieu are natin Nimti b'a e na uea i aon Iteraera, ao Eritai are natin Tiabata b'a e na onea mwiim ni burabeti.

1.Uea 20:13

Ao ni bon te tai naba arei ao e biri rake te burabeti nakon Aaba ao e taku, “I nooria b'a e rangi ni korakora ana taanga ni buaka Benatata. Ma E a tia te UEA ni berita b'a E na buokiko ni kataenikaiia n te bong aei. Ao ko na ataia ikanne b'a E bon baairei b'aai ni kabane te UEA.”

1.Uea 20:35

Ao n te tai aei e a tuangaki te burabeti iroun te UEA b'a e na kaangai nakon raoraona, “Oreai.” Ma e rawa raoraona arei n oreia,

1.Uea 20:41

Ao e kawaekoa n taekaanako kabaean ubuna teuarei, ao e a kinaa Aaba b'a ngaia bon temanna mai buakoia burabeti.

1.Uea 22:8

Ao e taku Aaba, “Ti konaa naba n titirakina te burabeti are Mikaia are natin Imra, ma I rangi n ribaia b'a e aki toki n tataekin taeka aika a aki kakukurei nako iu.” Ao e taku Iotiab'ata, “Ko na aki taetae ni kaanganne.”

2.Uea 17:13

Ma ngaia are, E tuangiia burabeti te UEA b'a a na bon riai ni kauringiia Iteraera ao Iuta n taeka aikai, Boni Ngai ae te UEA, ao I tuangkami b'a kam na katoka karaoan taiani bure, ma ni manga moana te ongotaeka nakon Au tua ma au reirei. I anganiia ngkoa ami bakatibu, ao I a manga tuangiia Au taani m'akuri ake burabeti b'a a na manga kaoki n taekini nakoimi.

2.Uea 6:1

N te bong teuana a taetae taiani burabeti nakon Eritai ni kaangai, “E rangi ni uarereke te tabo are ti kaboowi iai ma ngkoe.

2.Rongorongo 36:15

Ma e nanoangaiia ana aomata te UEA ae te Atua, ao e aki uruaka te Tembora, ma e a kanakoia taiani burabeti are e aki toki ni kauringiia aomata i bukin aia bure.

Ieremia 11:21

Ao i mwiina, e taku te UEA: Ieremia, a taku tabeman m'anen Anatota b'a a na tiringko, ngkana ko teimatoa n taetae i buku.

Ieremia 2:31

Ao ngkai kam na ongo nakon te b'ai ae I taekinna! Iai te tai ae I kiitaningkami iai i nanon te rereua ke I katobibingkami n te rootongitong? Bon au aomata ngkami, ao i rarikin anne kam a tia ni kaangai nako iu, “Ti na karaoa te b'ai ae ti tangiria, ao ti rawa n taromauriko!”

Ieremia 2:5

ao N na taetae Ngai ae te UEA. I aki roko n te karaoa ae e buakaka nako ia ami bakatibu, ma a kiitanai ao a riki n aki manena ngke a iriia bouananti aika akea manenaia.

Ieremia 26:11

Ao ngke a tabe n ongora, ao a roko ibonga ma burabeti ao a taku, “Kam bon bane n ongo ana taetae ni burabeti Ieremia ngke e taku b'a e na uruaki Ierutarem. E bon riai tiringakina.”

Ieremia 7:25

Man te tai are a kiitana iai Aikubita ami bakatibu, I kanako ia au taani m'akuri aika burabeti b'a a na taetae i buku.

B'aeb'aeti 4:7

A itiaki riki ara uea n aine nakon te tinoo. A ura ribaia n ai aron te ane, ao a takiakia ni maiureirei n ai aron te tabeiro.

Mika 2:6

A manga reireiai aomata ao a kaangai, “Tai kab'arab'ara nakoira. E na bon aki kab'ainrangiira te Atua.

M'akuri 4:18

Ao a wetea Betero ma Ioane, ao a tuangiia b'a a na aki manga taetae teutana n Aran Iesu, ao a na aki reirei naba iai.

M'akuri 5:28

“Ti anganingkami ngkoa ara taeka ae matoatoa b'a kam na aki reirei n te ara ae Iesu. Ao noria! kam kaona Ierutarem n ami reirei, ao kam tangirira b'a ti na bukinaki ni matena.”

M'akuri 7:51

E reita nako ana taeka Tetebano ao e taku, “Aomata ngkami aika a matoatoa nanomi, n ai aron nanoia aomata aika aki onimakina te Atua; ao kam bonoti taningami n aki kan ongo ana taeka te Atua! Kam aki toki n rarawa ni kan ongo iroun te Tamnei are Raoiroi. Kam a manga karaoa naba are a karaoia ngkoa ami bakatibu!

Te Tua-Kaua 18:18

B'a ngkana I kan taetae nakoia aomata, ao N na rinea temanna te burabeti mai buakoia ae ai arom. N na anganna Au rongorongo nakon te burabeti b'a e na manga tuangiia raoi aomata te b'ai are I tuangnga.

1.Tamuera 19:20

ma ngaia are, e kanakoia tabeman rorobuaka b'a a na katikia. A nooriia koraki ni burabeti aika a m'am'aie ma n tatakarua, ae a kairaki iroun Tamuera. Ao e niiniia ana rorobuaka Tauro Tamnein te Atua, ao a manga ira te m'am'aie ma n tatakarua.

1.Tamuera 3:20

Ao e bane n ataaki irouia aomata ni kabane man te kaawa are Taan are i meang nakon te kaawa are Beerateb'a are i maiaki, b'a Tamuera bon Ana burabeti ni koaua te UEA.