Amota 1:8 - Te B'aib'ara

⁸ N na kam'aeia nako taan tautaeka n te kaawa ae Atitota ao Atikeron. N na orea te kaawa ae Ekeron, ao nikiraia I-Biritia ake a maiu ana bane ni mate.”

Amota 1:8 Iomraidhean Croise

2.Rongorongo 26:6

Ngke e uea Utia, ao e waakina te buaka ni kaitaraia kaain Biritia. E urui oon taiani kaawa aika a buubura ake Kata, Iabene, ao Atota, ao e a manga karaoi taiani kaawa ake i rarikin Atirota ao ni m'akoron Biritia ake tabeua.

Taian Areru 81:14

Ngkana a konaa, ao N na katae aia kai aia kairiribai n te tai ae waekoa: N na ekianako nako aiaia.

Itaia 1:25

N na katuaaingkami n ae e korakora mani kabuoki b'aai ni kabane aika kam riki n aki raoiroi iai nakon taromauriau.

Itaia 20:1

Ao e anga ana taeka Uean Aturia are Tarekon nakon ana mataniwi n taanga ni buaka b'a e na tauaki te kaawa ae e buubura are Atetota.

Ieremia 47:1

I m'aain buakanakin te kaawa are Kata i roun uean Aikubita, ao E tuangai te UEA b'a N na taetae nako ia kaain Biritia ni kaangai:

Etekiera 25:16

Ao ngkai manga au tai ni karaoia kaain Biritia b'a Au kairiribai ma n tiringiia ni kabane aika a maeka n taiani kaawa ake i mataniwiin taari.

Ioera 3:4

E aera ngkai kam karaoa aei ngkami aika kaain Turo ao Titon? Kam kataia ni karokoingkami Irou? N na kabooa mwiin ae ko karaoia i m'aain ae ko ataa te b'ai ae e na riki.

Amota 1:7

Ma ngaia are N na kab'aka te ai i aon oon te kawa ae Kata, mani kabuoki nonona ni kabane.

Amota 3:9

Tuangiia ake a maeka ni bareti ake i Aikubita ma Atitota b'a ana bane n roko n ikotaki i aon maunga ake a katobibia Taamaria b'a ana noori taiani bure ma kairua ake a karaoaki i nanona.

Ob'aria 1:18

Aia botannaomata Iakob'a ma Ioteb'a a na riki kaanga ai aron te ai; A na kamaunaia kanoan Etau n ai aron te nikira ni uita i aontano ngkana e buee. Bon akea nikiraia kanoan Etau aika ana tiku ni maiu. Bon Ana taeka te UEA!

Tekaria 13:7

E taku te UEA ae Moan te M'aaka: Uti, Au kabaang! Buakana au tia kaawakin tiibu ao raoraou. Orea te tia kaawakin tiibu ni kab'akaa! Kamaaenakoia tiibu aika uarereke, ao N na uruaniia.

Tekaria 9:5

A na kaai n ruru ni maaku Atikeron ao Kata. E na b'ara nanon Ekeron. E na tiringaki uean Kata, ao e na akea kaain Atikeron.

Tekaria 9:6

Aomata aika bon aekaki tabeua, a na tekateka i Atitota ao bon te UEA n ti Ngaia ae E na kimoa Biritia man kakatongana.

1.Tamuera 6:17

Ao anne aroia kaain Biritia n anga aia b'aintangira i bukin kab'araan aia bure i bukina ngke a anaa te Atiniberita. Ao a kanakoi taiani kinaka ake koora ake nimaua nakon aia kaawa n tatabeua nako ake Atitota, Kata, Atikeron, Kata, ao Ekeron.