Amota 1:5 - Te B'aib'ara

⁵ N na urua mataroan te kaawa ae Taamateko, ao N na kam'aeia nako kain te m'arua are Awen ma te tia taua taekan Beta-eten. Ana anaaki kain Turia b'a taenikai nakon te aba are Kira.”

Amota 1:5 Iomraidhean Croise

2.Uea 14:28

A bane ni tauaki rongorongoni b'aai ni kabane ake e karaoi Ieroboam ngke e uea n reitaki ma ana m'akuri n ninikoria, ao arona n taui kaawa ake Tamateko ao Amata.

2.Uea 16:9

Ni bon te tai naba are e reke iai te rongorongo iroun Tikerata Biretia, ao e a m'ananga naba ma ana taanga ni buaka nako Turia. E taua te kaawa n tua are e buubura are Tamateko, ao i mwiina, e anaiia aomata ake a maeka n te kaawa arei nako Kira b'a taian taenikai, ao e tiringa te uea are Retin.

Itaia 22:6

A na buaka kaain Eram ao Kiri ma taian kaanibuaka ao a na uoti naba taian otanga.

Itaia 43:14

Bon Ngai ae te UEA ae N na kamaiungkami! Bon Atuan Iteraera ae e tabu Ngai, N na kanakoa te taanga ni buaka nako B'aburon i bukimi b'a e na uaakiniia nako aomatana, ao a na tang ngke e tabe n nako.

Itaia 8:4

i bukina b'a i m'aain ae e konaa n taekina ae e kaangai ‘Mamma’ ke ‘B'ab'aa’, ao e na roko uean Aturia ni buaka man uotinako b'aai ni kabane aika a kakaawaki i Tamateko ao Tamaria.

Ieremia 50:36

E na kakoauaaki n te buaka aei b'a bon taani kewe ao taian nanobaba ami burabeti. Ao ane e na kakamaakuia ami taani buaka.

Ieremia 51:30

E a tia ni mauna korakoraia ao ninikoriaia tautian B'aburon. A tiku n aia nono, n aki konaa ni buaka, ngke a roko kairiribai n ninia mataroan nako te kaawa, ma ni kabuoki taiani mwenga ni kabane n te ai.

B'aeb'aeti 2:9

A na m'akoroua ma n inako atiibun mataroana n te tano, E na otouai kaai ake b'ain kainan te mataroa. A uotaki nako ngkai b'a taenikai uea ma aomata ake a kakannato. Akea te reirei n te tua, ao akea naba te kaotioti mai iroun te UEA nakoia Ana burabeti.

Etekiera 27:23

Ko bon karikirake naba ma taan kabob'ai man kaawa aika Aran, Kanne, Eten, Tieba, Atura, ao Kiremata,

Etekiera 30:17

A na mate man te buaka tautian Erioboriti ao Bubatiti, ao nikiraia aomata a na uotaki nako b'a taenikai.

Otea 10:8

A na uruakaki taian baonikarea ake i Betaera are e bure korakora i bukin karekean Iteraera n te bure; a na rabunaki nako n aroka aika a kateketeke ao taian aroka aika a kateketeke baaia. Ao ane a na bane aomata ni butiia taian maunga ma taian tabuki b'a a na rabuniia ma ni kaawakiniia.

Amota 5:5

Tai nako n taromauri i Beera-teba. Tai ukoukorai i Betaera-N nang kakeaa manen Betaera. Tai nako Kirekara-ana tiringaki man uotaki nako kaaina b'a taenikai.”

Amota 9:7

E taku te UEA, “Ngkami aika Iteraera, I aki kaokoroa are I karaoia nakoimi ma are I karaoia nakoia I-Tiobia. I kaotinakoia I-Biritia mai Kabetora, ao I-Tuuria mai Kira, n ai aromi ngke I kaotinakoi ngkami mai Aikubita.

Naum 3:13

Am tautia kanga ai aroia aine, ao abam a na kona n tuukia aiana. E na urui biiti ake i aon ami mataroa nako te ai.