Amota 1:3 - Te B'aib'ara

³ E taku te UEA, “A teimatoa ni kakaraoa te bure kain Taamateko ao N na bon katuaaia i bukin aei. A karaoa te m'akuri n iowawa nakoia kaain Kireata.

Amota 1:3 Iomraidhean Croise

1.Uea 19:17

Ataera are e na moana tiringaia ake a taromauria B'aara. Ao Ieu e na tiringiia koraki akana a birinako mairoun Ataera, ao Eritai e na tiringiia akana a birinako mairoun Ieu.

2.Uea 13:3

E un te UEA irouia Iteraera, ma ngaia are, e karika uean Turia are Ataera ma natina te m'aane are Benatata b'a a na tautaekaniia n te tai ae e maan.

2.Uea 13:7

A teimatoa Iteraera ni buubure ma ni katotongiia ana utu Ieroboam. A aki roko n te urui taiani bouananti ake a tia ni kateaki i Taamaria i bukin taromaurian te anti are Nei Aatera.

2.Uea 16:9

Ni bon te tai naba are e reke iai te rongorongo iroun Tikerata Biretia, ao e a m'ananga naba ma ana taanga ni buaka nako Turia. E taua te kaawa n tua are e buubura are Tamateko, ao i mwiina, e anaiia aomata ake a maeka n te kaawa arei nako Kira b'a taian taenikai, ao e tiringa te uea are Retin.

2.Uea 8:12

Ao e taku Ataera, “Teuae ko karineaki, E aera ngkai ko a tang?” Ao e kaeka Eritai ni kaangai, “I bukina b'a I atai b'aai aika a kakamaaku aika ko nang karaoi nakoia Iteraera. Ko nang kabuoki aia kaawa aika a nonoaki ma n tiringiia aia rorobuaka n ataei. Ao ko na boni kamanatuai atuuia ataei aika a uarereke ma n raebitiia aine aika a bikoukou.”

Iobi 19:3

E aki tau tebwina te tai ni kamamaaeai? ma kam aki mamaa iai?

Iobi 5:19

E na kamaiuko te Atua man te b'ai ae kamamate n te tai teuana ma teuana.

Taeka n Rabakau 6:16

Bon iai onoua ke itiua aekakiia aomata aika e ribaia te UEA:

Te Minita 11:2

Tib'ai nako baikana iai iroum nakoia itiman aomata ke waniman, b'a ko aki kona n ataa te tai ae e na roko iai te kabuanib'ai ae e karina.

Itaia 28:27

Ao ngke a tia n taiiaki taiani kumino aika a roro ma ake a aki roro ao a oreaki ni kanakoaki mani kaiia, ma a aki kamanatuaaki n taiani kaa ni b'ai aika a katikaki irouia maan.

Itaia 41:15

N na kairiko kaanga te kai ae e onrake n taian ing. Ao ko na kamanti ma ni kamanatui taiani maunga ma tabuki ni karokoa a riki b'a te taaurouro.

Itaia 7:16

ao e na kaakang miriki ao ana karewe te manibeeru, ao a na kamaunaaki abaia uea ake uoman ake ko maakuia.

Itaia 7:8

Bon ana kaawa n tautaeka Turia Tamateko, ao e tautaeka te Uea are Retin i Tamateko. Bon ana kaawa n tautaeka Iteraera Taamaria.

Itaia 8:4

i bukina b'a i m'aain ae e konaa n taekina ae e kaangai ‘Mamma’ ke ‘B'ab'aa’, ao e na roko uean Aturia ni buaka man uotinako b'aai ni kabane aika a kakaawaki i Tamateko ao Tamaria.

Amota 1:11

E taku te UEA “A teimatoa ni kakaraoa te bure kain Etom, ao N na bon katuaaia i bukin aei. Aki toki n ririmwiia aia utu, Iteraera, ao a kaota te aki nanoanga. Ngkana a un e bon kanganga tokina, ao aki kona ni kakerikaka uniia.

Amota 1:13

E taku te UEA: N na katuaaia kaain Ammon i bukin aia bure aika bati, ao N na bon aki bita au iango. A tia n tiringiia aomata aika a m'aiti i bukin aia rawe aba, ao a tiringiia naba aine aika a bikoukou i Kireata.

Amota 1:6

E taku te UEA “A teimatoa ni kakaraoa te bure kain Kata, ao N na bon katuaaia i bukin aei. A tia ni uotia nako au botannaomata man kabooia nakoia I-Etom b'a tooro.

Amota 1:9

E taku te UEA “A teimatoa ni kakaraoa te bure kain Turo, ao N na bon katuaaia i bukin aei. A uotiia nako botannaomata nakon te kataenikaiaki nako abaia I-Etom, ao aki kawakina te berita n iraorao are a tia ni karaoia i marenaia.

Amota 2:1

E taku te UEA, “A teimatoa ni kakaraoa te bure kain Moaba, ao N na bon katuaaia i bukin aei. A tia ni kamatauninga riia uean Etom, ngke a kabuoki ni kamannangii.

Amota 2:4

E taku te UEA, “A teimatoa ni kakaraoa te bure kain Iuta ao N na bon katuaaia i bukin aei. A tia ni katinanikua au reirei, man aki kawakin au mwioko. A manga okira aroia aia bakatibu n taromauria antiia.

Amota 2:6

E taku te UEA, “A teimatoa ni kakaraoa te bure Iteraera, ao N na bon katuaaia i bukin aei. A kabooia nako aomata aika aki kona ni kab'arai aia tarau, aomata aika a kainano aika aki koro boon aia kauniwae.

Tekaria 9:1

Aio te rongorongo mairoun te UEA: E mena matana i aoia aomata ni kabane, ai moara ra riki barongan Iteraera. Ma ngaia are, e katanoataa te motikitaekaia kaawa aika Ateraka ao Tamateko.

Tekaria 9:2

E na motikaki naba taekan te kaawa ane i rarikina ane Amata, ao ai uana naba ma Turo ao Titon, ake a wanawana kaaina.