Amota 1:2 - Te B'aib'ara

² E taku Amota, “E bekorara te UEA man te maunga are Tion; E rurunga b'anaana mai Ierutarem. A rai tawaana nako, ao a b'ata uteuten te maunga are Karemera.”

Amota 1:2 Iomraidhean Croise

Taian Areru 29:4

E m'aaka b'anaan te UEA; moan te mimitong b'anaan te UEA.

Taian Areru 46:6

A kiriwe botannaomata b'a a maaku, a nako buaka waaki n tautaeka n aaba ake iai ueaia; E taetae te Atua n te b'anaa ae korakora, kanga ai aron rebwen te baa, ao e riki n ran aonnaba.

Taeka n Rabakau 20:2

Te tia tautaeka ae e un bon kaanga ai aron te raian ae e bekorara ae e na manga kauna temanna, ao kam a mate.

Itaia 33:9

A m'au ma n akea arokan aon taian tawaana; E mauna raoiroin te Maunga are Reb'anon n te maamaa. E a riki b'a te rereua te M'arua are Tiaron; a mrara baan arokan buakonikain Batian ao Karemera.

Itaia 35:2

Ane a na ure ueen taian rereua n taabo nako ao a na anenei kuuna aika a kakukurei. A na kakannato n ai aron te Maunga are Reb'anon, ao ni mimitong kaanga te Maunga are Karemera ke te M'arua are Tiaron. Ane a na bane aomata nako n noora kamimiin mimitongin te UEA ae Atuara.

Itaia 42:13

E m'ananga n oti nako te UEA kaanga te tia buaka ae e un, ma ni kabanea takaaruana ngke e tabe ni un ma ana kairiribai nako.

Ieremia 12:4

A na maanra riki te tai ae e na tiku iai te tano ni m'auteretere ao ni b'atakataka taabo n uteute? Ane a na mate mannikiba ma maan nako ao a aki manga oki. Ao a bane n riki baikai ni kabane i bukin aia bure Iteraera. A boni kakaniko naba ni kaangai, “E aki noora te bure ae ti karaoia te Atua.”

Ieremia 14:2

A tang Iuta ma Ierutarem ngke e a m'autakataka te aba.

Ieremia 25:30

E taku te UEA nako iu: N na bekorara kaanga te baa man au Tembora, ngkana I kamanatuaia au aomata ma aomata nako kaanga ai aron taiani kureebe.

Ieremia 28:8

b'a i m'aain bungiakira, ao burabeti a taetaekina te abanuea ae e korakora ae e na oreaki n te buaka, te kabuanib'ai, ao te aoraki.

Ieremia 50:19

Ma N na uota Iteraera ni kaokia nakon oin abana. A na riki aomata b'a kaanga tiibu aika a am'arake ni kaon raoi birotoia i aon te Maunga are Karemera ao i B'atian, n aba are tabukibuki are i Eberaim ao i Kireata.

Otea 11:10

N na bekorara kaanga te raian, Ngai ae te UEA, a na oki natiu, ma te ruru mai maeao.

Otea 13:8

ao n na raebitingkami kaanga te bea aine ae e iraeaki natina, n na kakerui riimi b'a kaanga aongkoa Ngai te raian ke maan ake a aki manana ake tabeua.

Ioera 1:19

I tangi ni weteiko te UEA. A kanaki taabo n uteute ao taiani buakonikai n te ang ae e kabuebue.

Ioera 2:11

E kairiia te taanga ni buaka aei te UEA ae te Atua ae e aki konaa ni warekaki, ao a ongotaeka nakon ana kaetieti. E rangi ni kakamaaku ana bong ni motikitaeka n te aro are akea ae e konaa moana.

Ioera 3:16

E na bekorara te UEA kaanga te raian mai nuukan Ierutarem e na karurua aonnaba ma karawa. Ma te UEA bon te nono, te tabo ni katantan i bukiia ana aomata aika Iteraera.

Amota 9:3

Ngkana a karabaia i aon te maunga are Karemera, N na bon ukoriia naba ma n raweia. Ngkana a karabaia mai rou i aan taari, ao N na tuangiia ika ni kaakang b'a a na kaniia.

Naum 1:4

E tua ao e ora taari. E kaorai taiani karaanga. A rai uteuten tawaanan Batian. Ao Maungan Karemera e bitaki nakon te buraun, Ao a b'ata ueen Reb'anon.

1.Tamuera 25:2

Iai temanna te rorobuaka ae kaain te kaainga are Kareb'a ae arana Nab'ara, ae kaain te kaawa are Maon, ao iai abana i rarikin te kaawa are Karemera.