Amota 1:14 - Te B'aib'ara

¹⁴ Ngaia are N na kab'aka te ai i aon oon te kaawa man kabuoki nonon nako Raab'a. Ao Kairiribai a na takaakaa n te bong ni buaka, ao e na mangaongao te bo-ni-buaka kanga ai aron te ukeuke-n-anti.

Amota 1:14 Iomraidhean Croise

Amota 2:2

N na kab'aka te ai i aon te aba ae Moaba, man kabuoki nonon Keriota. A na mate kain Moaba ni karongoaan te buaka, ngke a takarua tautia man katanga te buu.

Ieremia 49:2

A na roko boong are N na kanakoa iai te taanga ni buaka b'a e na buakana Rab'a, are ami kaawa n tautaeka. E na tiku n uruaki, ao a na wene ni mannang kaawa aika a uarereke ake i rarikina nako. Kam anai tabeua abaia Iteraera, ma n te bong arei a na anai ami b'ai Iteraera.

Te Tua-Kaua 3:11

Te uea ae Oka bon te kabanea mai buakoia taian Rebaim E karaoaki man te b'a ae roro ae matoatoa, ao bon 13.5 te buuti ab'akina ao 6 te buuti rababana.

Itaia 30:30

E na rangi ni un te UEA. E na ongo te aba b'anaana ae e kakamaaku, ao e na nooraki baina ae e tauraoi n oro, ao e na riki unna b'a kaanga te ai ae e urub'ai, ae e irianaki ma rebwen taiani baa ao taiani karau atiibu.

2.Tamuera 12:26

I nanon te tai anne, e a tia ni mena Ioaba n te aba are Ammon, b'a e buakana te kaawa are Rab'a. E reke i rouna ana oo te uea

Tekaria 7:14

Ao bon anne bukina ngkai I roko ma te ukeuke n anti ao I kamaaenikuniia nakon aia botannaomata nako ianena, ma ni kiitana abaia ae e tangiraki n akea kaaina ao n urubekebeke.

Taniera 11:40

“N te tai are e nang roko iai n tokina uean Tuuria, ao ane e na teirake iai uean Aikubita ni buakanna, ao e na manga teirake uean Tuuria ni kaitaraa ni buakanna ma korakorana ni kabane. E na kamanenai ana kaa ni buaka, ana aoti, ao ana kaibuke aika a bati. E na eekinakoi man taui aaba aika a bati n ai aron rokon te ieka.

Etekiera 25:5

E na riki kaawan ami tautaeka are Rab'a b'a te tabo ae akea boongana ma ana riki taabo n uteute i bukiia kaamero, ao nikiran te aba b'a te tabo n uteute i bukiia tiibu. Ao ane kam na ataai iai b'a bon te UEA Ngai ae te Atua.

Itaia 9:5

E a tia n urarake ao ni kanaki n te ai aia kauniwae taani buaka ake a m'aati ao aia kaboraoi ake a memea n te raraa.

Taian Areru 83:15

Ao ai bon arom naba ni kakioia nako n am Ukeukenanti, ao ni kakamakuia iai.

Iobi 39:25

A katoa tangin te bu ma tangin ikeikeia; ao a kaman aroka boin te bo ni buaka i m'aain rokona, ao a ataa naba takaruan te mataniwi nako ia ana tautia.

2.Tamuera 11:1

E a kaan banen bongin te aumeaang, bon taai are a naanako iai taian uea ni buaka. E kanakoa ana taanga ni buaka Iteraera ae e b'anin i aan ana kairiiri te kam'anta are Ioaba ma ana aobitia. A kamaunaa ana taanga ni buaka Ammon ao a otab'aninia atuun kaawan te tautaeka are Rab'a, ma e tiku Tawita i Ierutarem.

1.Rongorongo 20:1

Ngke e a manga roko tain te aumeaang are i mwiina, te tai are e nako ni buaka iai taiani uea, ao e m'ananga nako Ioaba ni kaira ana taanga ni kamaunai kaawan Ammon ni kabane. E buakana te kaawa n tautaeka are Rab'a ma ni kiitanna ngke e a urubekebeke. Ma e bon tiku Tawita i Ierutarem.

Itaia 29:6

N na roko ni kamaiuko ma m'aiei ao te baa ma te ukeukenanti Ngai ae te UEA ae Moan te M'aaka.

Ieremia 23:19

A a buakaka! Ma ngaia are N na oreia n unu n ai aron te angibuaka ae e korakora.

Etekiera 21:20

Kaota raoi te tabo ike a nako iai kawai akanne. Teaina e nako Raba ao teaina e nako Ammon, ao teaina e nako Ierutarem, ana kaawa n tua Iuta are e nonoaki.

Etekiera 21:22

E na kanakoa baina are te atai ni kanakoa te kainikoto are e koreaki iai ae kaangai “Ierutarem”. Ao e na waekoa n anga te kanikina ae na kanakoa i bukin te takaakaa ni buaka, ma ni kateaki taian tabuki i bukin tam'arakean oon te kaawa, b'a e na uruakaki oona ni kab'akaaki ma ana mataroa n taian b'ai n uru mataroa aika boua aika a korakora, ma n tiringaki aomata.

Etekiera 25:7

Ma ngaia ae N na anga ngkami nakoia kairiribai aika a na kimoaingkami. N na kamaunaingkami ni kabane. E na aki tau nikiraia ami aomata ni manga karika riki ami botannaomata, ao ane kam na ataai iai b'a bon Ngai ae te UEA ae te Atua ae I karaoi baikai ni kabane.

2.Tamuera 12:31

Ao e kam'akuriia kaain Rab'a Tawita b'a a na urua oon te kaawa n taian beke ao taian tanai aika taiani biti, ao e a manga tuangiia b'a a na karaoi taiani buriki. E karaoa naba te aro arei nakon kaawan Ammon ni kabane. E a manga okira Ierutarem Tawita, ao a okiri mwengaia nako Iteraera.

Etekiera 21:25

E a roko ngkai bongin kabanean katuaaeakimi ikai.