Amota 1:13 - Te B'aib'ara

¹³ E taku te UEA: N na katuaaia kaain Ammon i bukin aia bure aika bati, ao N na bon aki bita au iango. A tia n tiringiia aomata aika a m'aiti i bukin aia rawe aba, ao a tiringiia naba aine aika a bikoukou i Kireata.

Amota 1:13 Iomraidhean Croise

2.Tamuera 12:31

Ao e kam'akuriia kaain Rab'a Tawita b'a a na urua oon te kaawa n taian beke ao taian tanai aika taiani biti, ao e a manga tuangiia b'a a na karaoi taiani buriki. E karaoa naba te aro arei nakon kaawan Ammon ni kabane. E a manga okira Ierutarem Tawita, ao a okiri mwengaia nako Iteraera.

2.Uea 15:16

A bane n tauaki rongorongoni b'aai ni kabane ake e karaoi Tiarum n ana tai ni uea i nanon te boki are Rongorongoia Uean Iteraera.

2.Uea 24:2

N te tai anne, ao E a kanakoia tautia te UEA b'a a na iraea ma ni kamaunaa kaawan nako Iuta. Tabeman mai buakon te taanga ni buaka aei bon mai B'aburon, ao tabeman mai Turia, ma Moaaba, ao Ammon. E a tia te UEA ni kanakoa ana toro are te burabeti ni kauringa Iuta i bukin aei,

2.Uea 8:12

Ao e taku Ataera, “Teuae ko karineaki, E aera ngkai ko a tang?” Ao e kaeka Eritai ni kaangai, “I bukina b'a I atai b'aai aika a kakamaaku aika ko nang karaoi nakoia Iteraera. Ko nang kabuoki aia kaawa aika a nonoaki ma n tiringiia aia rorobuaka n ataei. Ao ko na boni kamanatuai atuuia ataei aika a uarereke ma n raebitiia aine aika a bikoukou.”

2.Rongorongo 20:1

Tabeua te tai i mwiina, ao a bootaki taian taanga ni buaka mai Moaba, Ammon, n reitaki ma kaain Meun, ao a nako ni buakana Ieotiab'ata.

2.Rongorongo 20:10

Ko bon nooria b'a ae a buakaniira aia taanga ni buaka Ammon, Moaba, ao Etom! Bon botannaomata aikai ake ko aki kariaia ngkoa b'a a na buakanaki irouia ara bakatibu i aon kawaia mai Aikubita, ma ngaia are, a bon aki mauna nako botannaomata aikai.

Neemia 2:19

Ao ngke a ongo Taneb'arata, Tobia ao Ketem are kaain Arabia ara iango ao a waakina aia taetae ni kamaraki nanora ao a taku, “Ani bon taraingkami! Kam iangoia b'a kam na manga katea oon te kaawa ma n kaaitaraa te uea?”

Taian Areru 83:7

ma kaaini Keeb'ara, ma kaain Ammon, ma taian Amareka, ma kaain Biritia, ma kaain Turo.

Itaia 5:8

Kam a reke n te kaangaanga ae buubura! Kam anaa te auti teuana i mwiin teuana ao te tawaana teuana i mwiin teuana, ni karokoa akea nikiran te tabo i bukiia riki tabeman i aon te aba ni kabutaa.

Ieremia 25:21

Ao i mwiina, I nako ia uean Etom, Moaba, Ammon,

Etekiera 21:28

E taku te UEA ae te Atua: Etekiera ae natin te aomata, a kab'ainranga Iteraera kaain Ammon, ma ngaia ae ko na kabuakakaia ma n tuangiia ni kaangai: E a b'aka te kabaang, e tauraoi n tiritiri; e karaneaneaaki ao e katauraoaki nakon te tiritiri ae e biri m'aaka n aron te iti.

Etekiera 25:1

E taku te UEA ae te Atua:

Etekiera 35:10

Kam taku b'a ami b'ai te botannaomata ae Iuta ao Iteraera, ao ko konaa n taua taekan abaia. Ma bon Atuaia Ngai,

Otea 13:16

E na katuaaeaki Tamaria i bukina ngke e manga kaaitaraai. E na uruakaki n te buaka a na oreaki ataeina ma taiani b'aa, ao a na katabwenaaki birotoia aine aika a bikoukou.

Otea 14:1

Iteraera, rairaki! Oki rikaaki nakon te UEA, ae Atuam. E a tia ni kab'akako te bure.

Amota 1:3

E taku te UEA, “A teimatoa ni kakaraoa te bure kain Taamateko ao N na bon katuaaia i bukin aei. A karaoa te m'akuri n iowawa nakoia kaain Kireata.

Te Tua-Kaua 2:19

nako Ammon. Ma kam na aki buakaniia kaain Ammon. I anganiia abaia, ao bon akea teutana ae N na anga nakoia Iteraera.”