Akai 2:9 - Te B'aib'ara

⁹ I a tia ni berita b'a e na mimitong riki te Tembora ae e boou aei nakon are mai m'aaina. N na kakab'aiaa naba te kaawa aei n anganna te rau.

Akai 2:9 Iomraidhean Croise

Itaia 60:7

A na bane n nakoim tiibun Keta; taian tiibu m'aane mai Neb'aiota a na riki naba b'a am B'ai. N na butim'aai b'a taian angab'ai ao a na uota te karineaki nakon au Tembora.

Itaia 66:12

E a tia ni berita te UEA: “N na kataonakoa Ierutarem ni kaub'aia botannaomata nako ao N na karika te kaawa b'a te tabo ae e mari. E na kammammaingkai Tion ni mammana, ao e na uouotingkami ni baina, ao e na b'ab'akoingkami i m'anokana.

Etekiera 43:5

E kateirakeai Tamnein te UEA, ao e uotai nakon katawanangin te Tembora, ike I a nooria iai b'a ngaia E a kaona nanon te Tembora mimitongin te UEA.

Mika 5:5

ao e na karekea te rau. Ngkana a na roko I-Aturia ni buakana ara kaawa ma n ninii nako ara nono, ao ti na kanakoia ana taani kairiiri aika a korakora b'a a na totokoia.

Akai 1:8

Ma te moan b'ai ae ko na karaoia, ko na nako nakon taian tabuki ao karekea te kai i bukin au Tembora, b'a I aonga ni kakatia iai ma n taromauriaki iai.

Akai 2:3

Iai iroumi ae e uringa mimitongin te Tembora ngkoa aei? Ngkai e taraa n akea bongana.

Tekaria 2:5

E a tia ni berita te UEA i bon i rouna b'a E na riki b'a te oo te ai ni kaawakina Ierutarem, ao e na riki b'a te mimitong ae e raneanea i nuukan te kaawa.”

Ruka 2:14

“E na neboaki te Atua ike moan te rietaata! Ao e na mena te rau i aon te aba irouia aomata ake E kukurei i rouia te Atua.”

Ioane 1:14

E riki n aomata te Taeka, ao E maeka i buakora. E on n te akoi ma te koaua, ao ti nora mimitongina, are mimitongina n arona b'a ti Ngaia Natin te Atua.

Ioane 14:27

“I katuka te rau iroumi; I anganingkami au rau: I aki anganingkami n ai aron te aba, ngkana e anga. A na tai rawawata nanomi, ao a na tai maku.

M'akuri 10:36

Kam ata te taeka are E kanakoa te Atua nakoia te botannaomata ae Iteraera, are taekan euangkerion te raoi i nanon Iesu Kristo, are aia UEA aomata ni kabaneia.

1.Timoteo 3:16

Ao ti kaotia b'a e kakannato te baere raba are b'ain te Aro ni Kristian: E kaoti n rab'ata, E kakoauaki iroun te Tamnei b'a e eti arona, E noraki irouia anera, E tataekinaki nakoia aomata ni kabaneia; E onimakinaki irouia aomata nako i aonnaba, E uotaki rake ni mimitong.

Iakobo 2:1

Tariu, kam na tai b'aina te nanonano nakoia aomata ngkai taan onimakina te Uea are Iesu Kristo ngkami, are te Uea are ana b'ai te neboaki.