Akai 2:4 - Te B'aib'ara

⁴ Ma kam na kukurei! I bukina b'a N na mena ikai Ngai ae te UEA ae Moan te M'aaka ni buokingkami n te m'akuri,

Akai 2:4 Iomraidhean Croise

2.Tamuera 5:10

Ao e riki b'a te uea ao te tia tautaeka Tawita ae e korakora, i bukina ngke E mena te UEA ae Moan te M'aaka i rarikina.

1.Rongorongo 22:13

Ngkana ko ira nanon Ana tua nako ma ana reirei ake E a tia te UEA n angan Moote, ao ko na bon tetekeraoi. Ko na korakora ao ko na ninikoria ao e na aki b'ab'ara nanom ke ni maaku ni b'aai nako.

1.Rongorongo 28:20

Ma ko riai ni kakoaua b'a a na karaoaki b'aai ni kabane n aron taian tamnei aikai. Ko na korakora ao ko na aki maaku n te b'ai teuana ke ni b'arannano. E na buokiko te UEA ae Atuau ni b'aai ni kabane akana a tangiraki i bukin katiaan te Tembora, b'a e aonga ni konaa ni kamanenaaki i bukin taromauriana.

Etira 10:18

Ao aikai araia ibonga ake a tia ni kariaia n raure ma buuia aika Ianena ma n kareana te tiibu te m'aane b'a te karea ni kab'arabure: Maateia, Erietera, Iariba, ao Ketaria man ana utu Iotua are natin Iotataka ma tarina m'aane;

Etira 5:2

Ma ngaia are, a tuangiia aomata Terub'abera are te koowana ao Iotua are te ibonga b'a a na moana karaoan te Tembora, ao a kaungaaki irouia ana burabeti te Atua.

Te Otinako 3:12

Ao E kaeka te Atua ni kaangai, “N na memena i roum. Ao ane ko na ataia b'a boni Ngai ae I kanakoko, ngkana ko taromauriai i aon te maunga aei ngkana ko tia ni kaotinakoia Au aomata mai Aikubita.”

Akai 1:13

Ao e tuangiia Akai b'a E a tia ni berita te UEA b'a E na meemena irouia.

Tekaria 4:6

Ma ngaia are, e kab'arab'araa te anera b'a bon reitan taian rongorongo mairoun te UEA nakon Terub'abera. Bon te UEA Ngai ae Moan te M'aaka. Ma ngaia are, kam na aki onimakina korakorami ma marurungimi, ma kam na onimakina Tamneiu.

Tekaria 8:9

Bon te UEA Ngai ae Moan te M'aaka! Ma ngaia are, kam na aki b'arannano. Kam na iangoi au rongorongo ake a taekin au burabeti ngke e moan kaweneaki aan te Tembora.

Mareko 16:20

Ao a nako uakekei ni kab'arab'ara n taabo nako, ao E buokiia te Uea, ao E karaoi kanikina ake a na kakoauaki iai b'a e boni koaua te rongorongo are a taekinna.

M'akuri 7:9

A bakantang natin Iakob'a iroun tariia are Ioteb'a, ma ngaia are a kaboa nako Aikubita; ma E mena te Atua i rouna,

1.I-Korinto 16:13

Kam na tatauraoi, kam na teimatoa n te onimaki, kam na nano ni mm'aane, ao kam na korakora.

I-Ebeto 6:10

Te kabanea: kam na korakora i nanon te UEA, ao ni korakorani m'aakana.

Te Tua-Kaua 31:23

Ao E taku te UEA nakon Iotua, Ko na ninikoria, ao ko na korakora. N na buokiko ni kairiia Iteraera nakon te aba are I a tia ni berita iai nakoia.

2.Timoteo 2:1

Ma ngaia aei, natiu, ko na korakora, n te akoi are reke ngkai ti reitaki ma Kristo Iesu;

2.Timoteo 4:17

Ma E tei te Uea i rarikiu ao E kakorakoraai b'a N na taekina te euangkerio ae b'anin b'a a na ongo aomata aika tiaki I-Iutaia; ao I kamaiuaki man te mate.

Iotua 1:6

Ko na korakora ao ko na ninikoria b'a ko na riki b'a aia tia kairiri aomata aikai ni karokoa te tai are a na tekateka raoi iai n te aba are I a tia ni berita b'a N na anganiia aia bakatibu.

Iotua 1:9

Uringa are I a tia n tuangko, b'a ko na korakora ma n ninikoria! Tai maaku, ao tai b'arannano, b'a N na raoraoniko n taai nako ao n taabo nako ike ko nako iai, Ngai ae te UEA ae Atuam.”

Tani Motiki-taeka 2:18

Ao ngkana a karawawataaki maiuia Iteraera irouia aia kairiribai ao E na manga nanoangaia te UEA. E na rinea te tia motikitaeka ma ni buoka te tia motikitaeka anne ni kamaiuia Iteraera mai rouia aia kairiribai. E na bon nanoangaiia Iteraera te UEA i nanon ana tai ni maiu te tia motikitaeka.

1.Tamuera 16:18

Ao e taku temanna ana aobitia, “Iai temanna natin Iete te m'aane are maeka i Betereem ae rabakau ni katangitang. Bon te tia buaka ae ninikoria, te ataeinim'aane ae botonim'aane, e kona n taetae raoi, ao e mena te UEA i rouna.”