Akai 2:3 - Te B'aib'ara

³ Iai iroumi ae e uringa mimitongin te Tembora ngkoa aei? Ngkai e taraa n akea bongana.

Akai 2:3 Iomraidhean Croise

1.Rongorongo 22:5

Ao e taku, “E na riai ni kakannato ana Tembora te UEA, b'a a aonga ni bane n ataia aomata nako n te aonnaba. Ma ngkai e rangi ni uarereke natiu te m'aane ae Toromon ao e tuai wanawana, ao n na riai moa ni katauraoi b'ain katean te Tembora ni kabane.” Ao bon anne bukina are e karaoi b'aai ni kabane iai aikai Tawita i m'aain matena.”

Etira 3:11

A neboa te UEA, ao a anga aia kaaitau n aia anene tekorakina i mwiin tekorakina: E raoiroi te UEA, E teimatoa n aki toki Ana tangira nakon Iteraera. Ao a bane n takaarua aomata ni kabane ma n neboneboa te UEA i bukina ngkai e a moanaki te m'akuri i aon aan te Tembora.

Etira 3:12

Ao a tang n takaarua ibonga ake a kara, ao kanoan Rewi, ao atuun taian utu nako i bukina ngke a uringa taraan ngkoa te moan Tembora n ririki ake ngkoa. Ma a rangi ni kukurei tekorakina n te aro are a bukamarua te bootaki ma b'anaaia aika a bane takaaruaia.

Itaia 64:10

A tia n riki b'a n rereua am kaawa nako, ma ai ti Ierutarem nikirana.

Etekiera 7:20

Kam na rangi ni kainikatonga ni kamanenaakin ami b'ai ni katamaroa ni karaoa iai te bouannanti i bukin antiia ianena aika a rangi n ribaaki. Ma ngaia ae, N na karika ami b'ai ni katamaroa b'a baika a akea manenaia.

Akai 2:9

I a tia ni berita b'a e na mimitong riki te Tembora ae e boou aei nakon are mai m'aaina. N na kakab'aiaa naba te kaawa aei n anganna te rau.