Akai 1:6 - Te B'aib'ara

⁶ E buubura riki ae ko taia nakon ae ko unikia, e aki konaa n tau m'aitin kanam ma nimam, ko na aki mano raoi ni kunnikaim, ao a na kaawakinaki boom n taiani baeki aika a kirib'angab'anga.

Akai 1:6 Iomraidhean Croise

2.Tamuera 21:1

Bon tenua taian ririki aike akea iai kanaia te botannaomata ae Iteraera n ana tai n uea Tawita. Ma ngaia are, e buubutiia te UEA teuare Tawita buokaia, ao E kaeka te UEA ni kaangai, “E bure Tauro ma ana utu i bukin te tiriaomata, i bukina ngke e tiringiia kaain Kibeon.”

1.Uea 17:12

Ao e taku neierei, I boni koaua n aran am UEA ae E maiu b'a bon akea kanau te kariki. Bon ti iai irou ngkai te abutana te buraawa, ao teutana b'aan te oriwa. Ao i aon kawaiu ngkai n okira mwengau ma au aia aikai ni kuukana ae iai irou ngkai b'a kanau ao kanan natiu te m'aane. Ao i mwiin anne, ti nang mate ni baki.

Neemia 5:2

ao a taku, “A rangi ni buubura ara utu nako, ao bon moan te korakora m'aitin te uita ae e na kamaiuia.”

Iobi 20:22

Ane a na manga rabunna ana b'aikoraki, ao ane e na taonaki n taian karawawata.

Iobi 20:28

A na bane ni kamaunaaki kaub'aina ni korakoran unin te Atua.

Taian Areru 107:34

Ao te aba ae uaa b'a te raereke ae tarika, i bukin aia bure akana maeka iai.

Taeka n Rabakau 11:24

Kam konaa n riki ni kaub'ai n te tai teuana ngkana kam ataataiaomata ke n riki ni kainano ngkana kam nanonrang.

Itaia 5:10

Tebwiina te eeka ni nnenaroka ni kureebe, e na ti karekea wanua te riita ranin te kureebe, ao tebubua wanibwi te riita ni koraa e na kona ni karekea tebwi ma wanua te riita te uita.

Ieremia 12:13

Au aomata, kam unika te uita, ma kam boboti taian uteute; a tia ni m'akuri korakora, ma bon akea ae a karekea. I bukin uniu ae korakora ao a mate aia ununiki!

Ieremia 14:4

E a maan te tai ae e aki iai b'aka te karau, ao a aoraki taan ununiki ngke a matakuakina tabwenabwenan aon te aba i aon te tano ae m'auteretere.

Ieremia 44:18

Ma man te tai are ti katoka iai kabuokakin te b'ainikaboiarara ma te anga te karea are te wain nakon Nei Atiterota, ao ti a bon mate naba n te buaka ma te baki.

Otea 4:10

A na aki rauaki n te am'arake, ao e na aki reke karikan naati man te wene ni bure n aia baangota beekan. A tia ni kaitaraai au aomata

Otea 8:7

Ngkana kam kamaae n unika te ang n onea mwiin te uita, kam na bon taia te ukeukenanti ao ana akea ami uita. E ngae ngkana kam taia te uita ana manga kimoaia kairiribai ni kabane.

Nakoaia Ibonga 26:20

A na akea bonganan ami m'akuri korakora—ao a na akea naba ami uaa aika uangingi ma ami uaanikai ae kam na tai.

Nakoaia Ibonga 26:26

E na aki bati kanami, n te aro ae tengaun aine a na kam'ai kanaia n ti teuana te ainumuum. Ngkami n tatabemaningkami nako a na tii reke kanami taamruru, ao ane kam na baki.

Akai 1:10

Ao bon anne naba bukina ngkai e aki b'aka te aoi ao e aki reitinako te tai.

Akai 1:5

ao au Tembora e onrake ni b'aai aika a uruaki? Bon noora te b'ai ae e riki.

Akai 1:7

Ko na iangoi baikai I a tia n taekin!

Akai 1:9

Ko kaantaningaa ae rangi ni m'aiti ma ko ti karekea teutana. Ao ngkana ko a uotia nakon mwengam, N na manga kamaunaa. E aera ngkai I a karaoa aei? I bukina ngke ko kawaekoako ni katea oin mwengam, ao e tiku n uruaki au Tembora.

Akai 2:16

ko kataia n uringa te maiu b'a e kangaa ngkoa arona i nanon boong ake a tia n nako. Ngkana ko kainanoa 200 te rawawata ni uita, ao bon ti 100, ao ngkana ko kainanoa 100 te riita, ao e na bon tii 40.

Akai 2:17

N na karaoi am m'akuri korakora ni kabane b'a baika akea manenaia b'a N na karokoa te bekabeka ni kaai, te bwebwee n aoi, ao te karau te aiti-ma ko bon aki naba rairaki nako iu, Ngai ae te UEA.

Tekaria 5:4

Ao E taku te UEA ae Moan te M'aaka, “I kanakoa te niira ni boki aei nakon aia auti aomata nako aika taani kimoa ke taani kewe n arau, ao e na tiku ikekei ni karokoa e bane ni b'aka kain nako te auti arei.”

Tekaria 8:10

I m'aain rokon te tai anne, bon akea aomata ao akea maan aika a anganaki kaniwangaia i bukin aia m'akuri, ao bon akea temanna ae e rau n te tabo teuana, i bukina ngke I kaaitaraia n tatabemaniia nako.

Maraki 2:2

E raoiroi riki ngke kam kamanenaa raoi karinean arau. B'a rimwi, kam anga te kakab'aia, ao N na onikia nakon te kamaraia. N etina, I a tia ni karaoa aei, i bukina ngke kam taua ma nanomi ni karaoa ami m'akuri n ibonga.

Te Tua-Kaua 28:17

E na aki reke kanami te kariki ae tau ae kam na kanna.