Akai 1:11 - Te B'aib'ara

¹¹ Ma ngaia are, a na bane n rereua b'aai nako n Au taeka-abami ao ami tabo n uteute, ami nne ni kureebe ao nnen arokami te oriwa, ami man ao ai boni ngkami. A na akea manenan ami m'akuri korakora.

Akai 1:11 Iomraidhean Croise

1.Uea 17:1

Eria bon te burabeti mai Titibe i Kireata. Ao e nakon Aaba n te bong teuana ao e taku, Bon ana Toro te UEA ae E maiu, ae Atuan Iteraera ngai. Ao I tuea n arana b'a e na bon aki b'aka te karau ni karokoa te tai are I a manga taetae iai b'a e na b'aka. Ao a na bon akea naba te aoi ae e na ruo nako aon te tano.

2.Uea 8:1

Ao Eritai e tuanga neiere e kamaiuaki natina te m'aane ngkoa i rouna ao e taku, “E a tia n anga ana kauring te UEA b'a ae e na akea te am'arake ikai i nanon itiua te ririki. Ko na kairiia am utu nakon te tabo teuana, ao tiiku iai tabeua te tai.”

Iobi 34:29

Ngkana e bon taku te Atua b'a akea te b'ai ae na karaoia, ao akea temanna ae kona n tiribureia. Ngkana E karaba matana, e na aki reke buokaia aomata.

Ieremia 14:2

A tang Iuta ma Ierutarem ngke e a m'autakataka te aba.

B'aeb'aeti 1:21

“Ongora n au b'aeb'aeti; bon akea temanna ae na kabebeteai. A rangi ni kukurei au kairiribai ngkai Ko karokoa te kaanganga i aou. Karokoa te bong are Ko a tia ni berita iai; ao manga karokoa te kaangaanga i aoia au kairiribai n ai aron are e roko irou.

Amota 5:8

E kariki itoi te UEA, ao ni katikui n aroia. E bita te rotongitong nakon te karangaina ao te ngaina nakon te tairiki E wetei ranin marawa ao e nurakin nako aon te aba. ao Arana bon te UEA

Amota 7:4

E a manga roko naba i rou te mii mai iroun te UEA ae rietaata. Ao I nooria b'a E tabe ni katauraoi nakon kataereaia Ana aomata n te ai. E kauraa te nama ae korakora are i aan te aonnaba, are e a manga ura iai te aonnaba ni korakoran kabuebuena.

Amota 9:6

E karaoa mwengana te UEA i karawa, ao aon te aba b'a te aana. E wetei raan mai i aan taari ao E kab'aroi i aon te aba. Bon te UEA arana!

Akai 2:17

N na karaoi am m'akuri korakora ni kabane b'a baika akea manenaia b'a N na karokoa te bekabeka ni kaai, te bwebwee n aoi, ao te karau te aiti-ma ko bon aki naba rairaki nako iu, Ngai ae te UEA.

Akai 2:19

E ngae ngke ko tuai taiia te uita, te kureebe, te biiku, te bomkuranete, ke te oriwa, N na karimoa kakab'aiam tabeua te bong i m'aaim.

Maraki 3:11

N na katoki taian rookati

Maraki 3:9

Ao anne bukina ngkai e maraia ami botannaomata ni kabane.

Te Tua-Kaua 28:22

Kam na oreaki n kabuebue ao te tibutau i aon rab'atami, ao te maraki ni karokoa matemi n te tabo teuana n te aba are kam taua.