Akai 1:1 - Te B'aib'ara

¹ Ni moanibongin te kaonoua n nam'akaina n ana kauoua n ririki Taraiati ni uea i aon Botia, ao E taetae te UEA n tuanga Akai are te burabeti b'a e na taekina ana rongorongo nakon te kowana i Iuta ao nakon te ibonga are e rietaata. Ma ngaia are, e tuanga te Kowana are Terub'abera ao te ibonga ae rietaata are Iotua te burabeti are Akai.

Akai 1:1 Iomraidhean Croise

1.Uea 10:15

Ao e anganganaki naba ana koora irouia taani boob'ai ao ai uana naba ma uean Arabia ao taan tautaeka i aon Iteraera.

1.Uea 14:18

A bane n roko Iteraera n tang n tain taunakina, n aron are e a tia n taekinna ana Toro te UEA are Aiia.

2.Uea 14:25

E karababaa tian Ierutarem Ieroboam mai Rebo Amata are i meang nakon Taari are Mate i maiaki, n aron are E a tia ni berita iai te UEA nakon ana toro are Iona are natin Amitai te m'aane, are bon te burabeti mai Kaata Ebera.

1.Rongorongo 3:17

E uotaki nako Iekonia nako B'aburon b'a te taenikai ni ikotaki ma natina m'aane ake itiman ake Tearetiera,

1.Rongorongo 3:19

Uoman natin Betaia m'aane b'a Terub'abera, ao Timei. Terub'abera bon tamaia Meturam, Anania, ao m'aneia Nei Teromita.

Etira 1:8

Ao Tairati, e rinea Miteretata, are ana tia kaawakin kaub'ai ae e rietaata b'a e na kaawakin baikai. E wareki m'aitiia Miteretata ao e anga m'aitiia nakon Tetibata, are te koowana i Iuta.

Etira 10:18

Ao aikai araia ibonga ake a tia ni kariaia n raure ma buuia aika Ianena ma n kareana te tiibu te m'aane b'a te karea ni kab'arabure: Maateia, Erietera, Iariba, ao Ketaria man ana utu Iotua are natin Iotataka ma tarina m'aane;

Etira 2:2

Aikai naake a tararuaia koraki ake a oki rikaaki: Terub'abera, Iotua,

Etira 2:63

Ni koauana, ao a tuangaki iroun te koowana ni kaangai, Kam aki konaa ni kang taian am'arake ake taian angab'ai nakon te Atua ni karokoa kam boni kakoaua raoi b'a bon taian ibonga ngkami.

Etira 3:2

Ao ibonga ake Iotua are natin Iotataka te m'aane ao Terub'abera are natin Tearetiera te m'aane, ao ana koraki nako a manga karaoa te baonikarea i bukin Atuan Iteraera. B'a a aonga ni manga konaa iai n anga aia karea ikekei ma n iri taiani kaetieti n aron are e a tia n anga te Atua nakon Moote.

Etira 3:8

I nanon te kauoua n nam'akaina n te kauoua n ririki i mwiin okiia aomata mai B'aburon, ao a moana manga karaoan ana Tembora te UEA. A moana m'akuriia Terub'abera are natin Tearetiera te m'aane, Iotua are natin Tatoka te m'aane, ibonga, kanoan Rewi, ao aomata ni kabane ake a oki. Ni kabane kanoan Rewi ake a raka aia ririki ni maiu i aon uabwi, a anganaki tib'angaia tararuakin tabeua m'akoron te m'akuri.

Etira 4:2

Ma ngaia are, a manga nakon Terub'abera ao nakoia taani kairiiri man taian utu ao a taku, “Ti na buoka te m'akuri. E a tia uean Aturia are Etaaton ni kairiira nako ikai, ao ti a tia n taromauriia Atuami ma n anganna taiani karea.”

Etira 4:24

A kairoroaki taian Iutaia b'a a na katoka te m'akuri i aon te Tembora, ao akea te b'ai ae a konaa ni manga karaoia ni karokoa te ririki are i mwiin rikin Taraiati b'a te uea i aon Botia.

Etira 5:1

Ao i mwiina, ao te UEA ae Atuaia Iteraera e tuangiia burabeti ake Akai ao Tekaria b'a a na taetae n Arana nakoia aomatan Iuta ao Ierutarem. Ao a karaoa arei.

Etira 5:3

A ikotaki te koowana are Tatenai mani m'akoron te tautaeka Maeao, ao ana tia buobuoki are Teeta Botenai ao aia mataniwi. Ao i mwiina, a nako Ierutarem ao a taku nakoia aomata, “Antai ae e tuangingkami b'a kam na manga karaoa te Tembora aei?”

Etira 6:14

Ao a nakoraoi aia m'akuri taani kairiiri mairouia taiani Iutaia n reitakinakoan karaoan te Tembora, ao a tabe Akai ma Tekaria ni kab'arab'ara ni kaungai nanoia. Ai ngaia are, e a tia te Tembora i aan ana kairiiri Atuan Iteraera, ao mai aan naba ana taeka Taraiati, ao Atatokititi are kaain Botia.

Neemia 12:1

A m'aiti ibonga ao kanoan Rewi ake a oki mai B'aburon ma Terub'abera ao Iotua are aia taani kairiiri. Ibonga aikai bon Teraia, Ieremia, Etira,

Neemia 12:10

Iotua bon taman Ioiakim, ao tibun Eriatiba te unim'aane, ao tibutorun Ioiata te unim'aane.

Neemia 5:14

Bon te kowana ngai i aon Iuta man ana kauabwi n ririki ni uea Atatokititi ni karokoa te katenibwi ma uoua n ririki. Ao i nanon ririki aika tebwi ma uoua aikai, ao I rawa ngai ma au koraki ni kang am'arake ake kanan te koowana.

Neemia 7:7

ao a airi ma Terub'abera uaake, Iotua, Neemia, Ataria, Raamia, Naamani, Moretekai, Biretian, Mitibereta, Bikewai, Neum, ao Baana.

Neemia 8:9

Ao a tang aomata ngke e a warekaki ana Tua te Atua nakoia. Ao i mwiina, e taku Neemia are te koowana, Etira are te ibonga ao te tia reirei, ao kanoan Rewi ake a tia n reireiniia aomata, “Bon aio te bong ae e kaokoro i bukin ami UEA ae Atuami. Ma ngaia ae kam na aki nanokawaki ao kam na aki tang!”

Te Otinako 4:13

Ao e buubuti Moote ao e kaangai, Te UEA, kanakoa temanna b'a e na karaoa anne.”

Akai 1:12

A ongo taeka Terub'abera ao Iotua, n reitaki ma koraki ake a tia n oki man te kataenikaiaki i B'aburon, nakon ana rongorongo te UEA are e taekinaki iroun ana burabeti are Akai, ao a moana karaoan karinean raoi te UEA.

Akai 1:14

Ma ngaia are, E karaoia aomata nako te Atua ae Moan te M'aaka b'a a na rangi ni kan m'akuri n ana Tembora, ai moara ra riki Terub'abera ao Iotua.

Akai 1:15

Ao e moanaki te m'akuri ni kauabwiin bongin te nam'akaina naba anne.

Akai 1:2

te b'ai are E taekinna te UEA ae Moan te M'aaka nakoina ao nakoia aomata:

Akai 1:3

Ko taku b'a tiaki aei te tai ae e riai i bukin katean te Tembora i buku.

Akai 2:10

E tuanga te burabeti are Akai te UEA ae te Atua ae Moan te M'aaka ni kauabwi ma auan bongin te karuaiwa n nam'akaina,

Akai 2:20

Ao E a manga taetae te UEA nakon Akai n te bong naba anne ni kaangai:

Akai 2:21

Ko na tuanga te kowana i Iuta b'a N nang ioioi taiani karawa ao te aonnaba

Akai 2:4

Ma kam na kukurei! I bukina b'a N na mena ikai Ngai ae te UEA ae Moan te M'aaka ni buokingkami n te m'akuri,

Tekaria 1:1

Bon te burabeti are Tekaria Ngai, are natin Berekia ao tibun Ito te mm'aane. N te kawanua nam'akaina n ana kauoua n ririki Taraiati n uea i aon Botia,

Tekaria 3:1

I a manga anganaki te mii riki teuana. N te tai aei e teitei Iotua are te ibonga ae e rietaata i matan ana anera te UEA. Ao e mena naba ikekei Tatan, n iteran Iotua are te angaatai, n tauraoi ni bukibuki.

Maraki 1:8

Kam bon aki ataia b'a e bure kareanakin taiani man aika a mataki, m'auku, ke a aoraki? Ao ngkana ngaia kam na ti kataia n anga taiani man aikai nakon te koowana. Ni koauana e na bon aki kani kukurei ke ni buokingkami.

Ruka 3:27

are natin Ioanan, are natin Reta, are natin Terub'abera, are natin Tearetiera, are natin Neeri,