Ab'akuka 3:2 - Te B'aib'ara

² Te UEA, I a tia n ongo baika Ko a tia ni karaoi, ao I onrake n te maaku. Ngkai ti maiu ao baike Ko a kaman kakaraoi. Ko na nanoanga, e ngae ngkana iai unin nanom.

Ab'akuka 3:2 Iomraidhean Croise

Etira 9:8

Ma ngkai te UEA ae te Atua, ko a tia ni kaota am Nanoanga ae moan te korakora nakoira. Ko anganiira te kukurei ni koaua ngkai ko karaoia tabeman mai buakora b'a a na maeka n te tabo ae e tabu aei, ao ko a tia ni buokiira naba i nanon ara tai n tautoronaki.

Iobi 42:5

Ngkoa, I ti atai baika I kaongoaki mai rouia aomata tabem'aang i bukim, ma ngkai, I a tia n nooriko ni matau.

Taian Areru 119:120

I ruru b'a I makuko: I maaku n am Moti.

Taian Areru 25:6

Te UEA, ururing arom n akoi ma n tangira ake ko a tia ni kaotii ngkoangkoa.

Taian Areru 38:1

Te UEA, ngkana Ko un, ao tai boaai Ke ni kaeta arou n te aro ae N na karawaawataaki iai.

Taian Areru 44:1

Te Atua, ti ongo n taningara, Ti kaongoaki irouia ara bakatibu taekan am M'akuri ake Ko karaoi ni boong ake ngkoangkoa:

Taian Areru 71:20

Ko a tia ni karoko kaangaanga i aou ma baika I a tia ni karawaawataaki iai, Ma Ko na manga kaoka nako iu marurungiu; Ko na kawakinai man te ruanimate.

Taian Areru 78:38

Ma E nanoangaia ana Aomata te Atua. E kab'arai aia bure ao E aki kamateia. A bati ana tai n taotaona unna, n aki karokoa nanona.

Taian Areru 85:6

Ko na manga kakorakoraira, ao ngaira, aika am Botannaomata, ti na neboiko.

Itaia 53:1

Iai ae e a tia ni kakoauaira ke n noora korakoran m'aakan te UEA ni m'akuri?

Itaia 54:8

I tannako ngkoa n te tai ae e aki maan ma te maraki n nano. Ao ngkai e a reke irou te nanoanga ao te tangira ae akea tokina! Boni Ngai ae te tia kaawakiniko ao am UEA, ae I a tia ni berita n aei.”

Itaia 63:15

Taiaoka te UEA, taratara rikaaki man am tabo ane e tabu ma ni mimitong ane mwengam ane n taiani karawa ao noora te b'ai ae e riki. Ko a aki tangiria? E ngaa m'aakam? Kaotia b'a ko bon tabeakiniira ao ko nanoangaira!

Itaia 66:2

I a tia ni karaoi b'aai nako; ao anne aron rikiia ni kabane. Bon aei au taeka Ngai ae te UEA. Aomata ae I kawakinia riki bon aika nanorinano are a mena aia mwioko irou ao a ruru ngkana I taetae.

Ieremia 10:24

Ko na kaeta arou, n aron ae e bon riai ni karaoaki nako iu, ma ko na aki marakinnanoai, b'a I kaawa ni mate.

Ieremia 10:7

Bon aia Uea botannaomata nako Ngkoe. A riai n taromauriiko aomata ni kabane. Bon akea riki te aomata ae e wanawana nakoim.

Ieremia 29:10

I mwiin rikin B'aburon b'a te kabanea ni korakora ni botannaomata i nanon itibwi te ririki, ao N na manga akoingkami ma ni kaokingkami nako Ierutarem.

Ieremia 46:28

Ma ngaia are, kam na aki maaku, e ngae ngke kam riai ni katuaaeaki ngkai ao kam a tia ni kauamaenakoaki i buakoia botannaomata ake tabeua. Ma ngkana I uruaniia, N na kaawakiningkami. Bon aei Au taeka Ngai ae te UEA.

B'aeb'aeti 3:32

Tao E na bon karawawataira, ma E bon teimatoa ao e korakora naba tangirara i rouna.

Taniera 8:17

Ao e roko Kabiriera n tei i rarikiu, ao I a rangi ni maaku n te aro are I a b'aka i aontano. Ao e taku nako iu, “Natin te aomata, ko na atai nanoia. Bon taiani kaotioti i bukin tokin te aonnaba.”

Taniera 9:2

Ao I kamateb'aii booki ake a tabu i nanon ana moan ririki ni uea, ao mani iangoa naba rokon te itibwi n ririki are e na mauna iai Ierutarem, n aron ana taeka ngkoa te UEA nakon te burabeti are Ieremia.

Ab'akuka 3:1

Aio Ana tataro te burabeti are Ab'akuka.

Ab'akuka 3:16

I bane n ongo baikai ao I riki n ruru iai; a ruru matanriau ni maaku. E keerikaaki korakoran rab'atau ma n rurubenebene waeu. N na tataninga ma te rau, n taningaa rokon te tai are E na oroia iai te Atua koraki akea a buakanira.

Tekaria 1:12

Ao e taku te anera i bukin arei, “Te UEA ae Moan te M'aaka, Ko a tia n un iroun Ierutarem ma Iuta i nanon itibwi te ririki. N ningai te tai ae Ko na nanoangaiia iai?

Ioane 10:10

Bukin rokon te tia iraa bon ti te iraa, te kamaamate ao te urub'ai; ma I roko b'a e aonga n reke i rouia te maiu ae koro raoi arona.

I-Rom 10:16

Ma a aki bane aomata n ira nanon te euangkerio. B'a e kaangai Itaia, “Te UEA, antai ae onimakina ara rongorongo?”

I-Biribi 1:6

ao I koaua raoi n aei, b'a Teuare moana te m'akuri ae e raoiroi i nanomi, E na boni wakina karaoana ni karokoa ae e tia n ana bong Kristo Iesu.

Ebera 11:7

I bukin ana onimaki Nooa, ao e ongo ana taeka ni katauraoi te Atua i bukini baika na riki rimwi aika aki konaki n noraki. E ongeaba nakon te Atua ao e kabaa te kaibuke are e a kamaiuaki iai ma ana utu. Ao i bukin aei a motikaki iai taekaia kaain aon te aba ni kabuakakaki, ao Nooa e riki b'a te tia b'aib'ai n te raoiroi are reke n te onimaki.

Ebera 12:21

Ao moan te kakamaaku norana, ma ngaia are e kangai Moote, “I bati ni maaku ma n ruru.”

Te Kaotioti 15:4

Ai antai ae na aki maaku iroum, Te Uea, ma n aki neboa aram? B'a ti Ngkoe ae Ko tabu. A na bane n roko botannaomata nako n taromauriko, b'a a tia n noraki am Babaire aika eti.”