Ab'akuka 2:6 - Te B'aib'ara

⁶ Aomata ake a taenikai, a b'ainingareia ake a konaia man kakanikoia. A taku nakon B'aburon, “Ko anai baika tiaki am b'ai ma ae E nang oroiko te Atua. Ai ti maanra ngkoe n aia kaub'ai man anaaki am m'ane mai rouia aomata?

Ab'akuka 2:6 Iomraidhean Croise

Taian Areru 94:3

Ai ti maanraa aia tai akana buakaka ni kamoamoaia? Te UEA, ai ti maanraa?

Taeka n Rabakau 22:16

Kam ruuti ngkana kam kewea te aomata ae e maiu ni kainano ke kam anga te b'aintangira nakon te kaub'ai.

Itaia 10:13

ake a kaangai: I karaoi b'aai aikai ni bon oin m'aakau i bukina b'a I wanawana ao I rabakau. I buakaniia uea kaanga te kao ae e aki manana, ao I anai kaub'aia botannaomata nako.

Itaia 44:20

E kaanga te aomata n akea kanoan ana iango n taromauria te b'ai ae e konaa ni kabuokaki ni kamannangaki? Bon akea ae e konaa ni kamaiuia n aron anne. A bon aki ataia b'a te bouannanti are a taui i nanoni baiia bon tiaki taian atua ni koaua?

Itaia 5:8

Kam a reke n te kaangaanga ae buubura! Kam anaa te auti teuana i mwiin teuana ao te tawaana teuana i mwiin teuana, ni karokoa akea nikiran te tabo i bukiia riki tabeman i aon te aba ni kabutaa.

Itaia 55:2

E aera ngkai ko bakataea am m'ane i aoni b'aai aika tiaki raoi taian am'arake? E aera ngkai ko m'akuri korakora i bukin b'aai aika a aki konaa n anganiko te rau n nano? Kakauongo raoi irou ao ane ko na kukurei ni kana te am'arake aika kabanea ni kangkang.

Ieremia 17:11

Kam karawaawataia tabem'aang, a na bane ni kiba nako b'aai ni kabane aika kam karekei, kaanga taiani mannikiba aika a raure man taian bunimoa aika a kimoaaki. Ao i mwiina, kam na ataia b'a ngaia kam rangi n nanobaba.

Ieremia 29:22

Ngkana a tangiria ni kamaraiaa temanna aomata ake a uotaki nako b'a taenikai mai Ierutarem nako B'aburon a na taekina ae e kaangai, “Ke e karaoa nakoim te UEA aron are E karaoia naba ngkoa nakon Tetekia ma Aaba, ake e kabuekiia uean B'aburon ngke a bon taratara mataia!”

Ieremia 50:13

E na urua B'aburon uniu, ao bon akea ae e konaa ni maiu ikekei. A na bane aika a rirarikim n tiaoki ngkana a noora te b'ai ae e a tia n riki.

Etekiera 32:21

A na rangi ni kukurei ni butim'aiko ma taan raoniko n te buaka taan kairiiri aika a ninikoria ake a mate i nanon te buaka nako abaia maate.

Mika 2:4

Ngkana e roko te tai arei, ao ane a na taetaekina rokon te kangaanga iroumi aomata b'a te b'ai ni kabootau. Ane a na anene ni karawaawata ae kam a tia n ri nanona ae e kaangai, A uruaki ara b'ai ni bane. E a tia n anai abara te UEA. Ao E anganiia ake a kataenikaira.

Ab'akuka 1:15

A katikiia rake aomata i B'aburon n te matau, a tauia n te karaun, ao a takaarua ni kukurei i bukin rawatan konaia.

Ab'akuka 2:12

Ko na b'aka, b'a ko aana am kaawa ni m'akuri aika bure, ao ko kateia n te tiritiri.

Ab'akuka 2:13

Botannaomata ake a b'aka iroum, a kabanei aia tai ni m'akuri iroum ao b'aai ni kabane aika a katei, ana bane ni buee n te ai. E na karaoi baikai te UEA ae E m'aaka.

Warekaia Iteraera 23:18

Ao e kaeka B'araam ao e taku: “Kakauongo raoi nakon au taeka.

Warekaia Iteraera 23:7

Ao e taku B'araam: E kairai te uea are B'araka are ueani Moaba man tabukin Tiria b'a n na katekebuakaia Iteraera ma ni katanoata b'akana.

Ruka 12:20

Ma E taku te Atua nako ina, “Te nanobaba! N te tairiki aei, ao e na anaaki maium mai roum; ao b'aai akana ko a tia ni katauraoi, antai ae na b'aini?”

1.Betero 4:7

E a kaan tokini b'aai ni kabane, ma ngaia ae kam na nanowanawana ma n tatauraoi n tataro.