Ab'akuka 2:2 - Te B'aib'ara

² Ao E kaekaai te UEA ao E kaangai, “Koroi ni kaotai raoi i aon baaba ni koroboki baika N na kaoti nakoim, b'a a aonga ni kai warekaki.

Ab'akuka 2:2 Iomraidhean Croise

Itaia 30:8

E tuangai te UEA b'a N na korea te rongorongo i bukiia ana Aomata aei, b'a e aonga ni meemena ikekei n aki tootoki.

Itaia 8:1

E taku te UEA, “Itaia, karekea te b'ai ae ko na koroboki i aona. Ao koroboki ni kabuuburai manin te ara ae, MAE-TARA-ATI-BATI.

Ieremia 30:2

nako iu: “Ko na koroi ni kabane i aon te boki b'aai ni kabane aika I tuangko,

Taniera 12:4

Ao e taku nako iu, “Ao ngkai Taniera, ko na kaina te boki, ao kanikinaea b'a e na aki kaukaki ni karokoa tokin aonnaba. Ane a na m'aiti aomata aika a na kabanea aia tai ni kan atai b'aai aika a na riki.”

Taniera 7:1

I nanon ana moan ririki te uea are Beretiata i aoni B'aburon, ao I noora te kaotioti n te tairiki teuana. Ao I korea taekan te kaotioti anne, ao aio taekan

I-Rom 15:4

B'a b'aai ni kabane ake a koreaki ngkoa a koreaki i bukin reireiara, b'a e aonga n reke iroura te kaantaninga n taekan te taotaonaki n nano ma te kaunga nano n te B'aib'ara.

1.I-Korinto 14:19

Ma n te botaki n ekaretia ao I tangiria riki b'a N na atongi nimaua te taeka aika aki kamangaongao, b'a I aonga n reireia naba te koraki ae bati, nakon atongan tebwina tengaa te taeka n te taetae ae aki ataaki.

2.I-Korinto 3:12

Ma ngaia ae ngkai iai i rouia te kaantaninga aei, ao ti rangi n ninikoria,

Te Tua-Kaua 27:8

Ao kam na aki m'aninga ni korei naba katotoon taian tua aikai i aon atiibu akana kam na katei. Ao kam na riai naba ni kakoauaa b'a a na kona ni warekaki ami koroboki.

Te Tua-Kaua 31:19

Moote ma Iotua, N na anganingkami taekan te anene ae boou. Kam na koroi ao reireiniia Iteraera. Ngkana a kamateb'aia, ao ane a na atai baika I tangiria b'a a na karaoi. Ma ngaia are, a na bon akea aonaia ngkana a aki ongotaeka irou.

Te Tua-Kaua 31:22

Ao e koroi taekan te anene Moote n te tai ae waekoa, ao e reireiniia Iteraera.

Te Kaotioti 14:13

Ao I ongo te b'ana mai karawa b'a e kaangai, “Ko na korea ae kaangai, A a kab'aia maate akana mate ma ngkai, n aki raure ma aia Uea.” E taku te Tamnei, “Bon te koaua, b'a a na motirawa man aia m'akuri ae korakora; b'a a airi taekan aia m'akuri ma ngaiia.”

Te Kaotioti 19:9

Ao e taku te anera nako iu, “Ko na korea ae kaangai, A a kab'aia akana kaoaki nakon ana am'arake ni mare te Tiibuteteei.” Ao e kaangai naba, “Taeka aikai bon taeka aika koaua aika ana taeka te Atua.”