Ab'akuka 1:10 - Te B'aib'ara

¹⁰ A mata ni kakanikoia Uea, ao a ngareakiniia ake a rietaata nakoaia. Bon akea te nano ae e na kona n totokoia, b'a a katabukirake taano i rarikiia ao a taua.

Ab'akuka 1:10 Iomraidhean Croise

2.Uea 24:12

E waekoa Ieoiakin n taenikai, ni ikotaki ma tinana ao ana taani m'akuri, ao ai uana naba ma ana aobitia n te taanga ni buaka, ao a na mataniwi. Ao e katika Ieoiakin te uea are Nebukaneta. A riki baikai n ana kawanua n ririki Nebukaneta n tautaekana B'aburon.

2.Rongorongo 36:10

Ni bongin te aumeaang n te ririki, ao e katika Ieoiakin uean Aikubita are Nebukaneta ao e uotia nako B'aburon, ni ikotaki ma b'aai riki tabeua aika a kakaawaki aika b'ain te Tembora. Ao e a manga rinea Tetekia Nebukaneta b'a e na uea i aon Iuta.

2.Rongorongo 36:6

I nanon ana tai n tautaeka Ieoiakim, ao e buakana Iuta uean B'aburon are Nebukaneta. E katika Ieoiakim ao e kabaea n taian tiein, ao e uotia nakon ana kaawa n tautaeka are ae e buubura are B'aburon.

Itaia 10:9

A tia ni konaaki kaawan nako Kareno, Karekemiti, Amata, Arebata, Taamaria, ao Tamateko.

Itaia 14:16

Ane a na miimi akana a nooriko ao a na taraiko ao a na kaangai, “Aio ngkoa te m'aane are e karurua te aonnaba man ioioi taian abanuea?

Itaia 37:13

A tia naba ni mauna Amata, Arebata, Tebarewaim, Ena, ao Iwa.

Ieremia 30:5

“I ongo te tangi ni maaku, tangin te maroaa b'a akea te rau.

Ieremia 32:24

E a buakanaki ngkai Ierutarem, ao ti a kainano ni baki ma n aoraki. A a tia kaain Aikubita ni katei b'ain ninian oon ara kaawa, ao Ko konaa n nooria b'a E nang tauaki Ierutarem n aron are Ko a tia n taekinna.

Ieremia 33:4

Bon te UEA Ngai ae Atuaia Iteraera, ae I taekinna b'a e na b'aka ni m'akoroua autin Ierutarem ao ana bareti te uea i Iuta b'a mwiin ewekakina ao buakanakina.

Etekiera 21:31

E na kab'atataingkami uniu n ai aron te ai, ao N na anga ngkami nakoia m'aane aika a iowawa aika a bane aroia n te tiritiri.

Etekiera 26:8

Te moanib'ai are e na karaoia bon buakanakin taiani kaawa ake a mena i rarikin taari ma n tiringiia aomata ake a maeka ikekei. Ao i mwiina, e na katabuka te tano n tam'arakei oon te kaawa ake a rietaata, ma ni karaoi otangana ni katobibia.

Teb'ania 1:8

“Ao n te tiritiri arei” bon ana taeka te UEA ao N na oroia b'akuaku, natiia uea ao ni kabane ake a karakaraka.