Ao ngkana akea temanna i buakoia ae m'aneingkami n akoingkami, ke e aki ongo ami taeka, ao kam na taei bubun aontano mai waemi ngkana kam kitana te kawa are ab'ab'aki arei, b'a kaotan ae kam a rawa mai rouia.
Ao ngaia, e kaeka mai nanon te auti ni kangai, “Tai nako mai n aki karaua matu! E a in ngkai te mataroa, ao ae I a matu ma natiu. I aki kona n tei rake n anganiko te bae ko tangiria.”
Ao i bukini ngkanne Tito, bon raou ae e m'akuri ma ngai i bukini buokami; ao i bukiia taari ake a na m'ananga ma Tito, bon aomata aika kam'anangaaki i bukin taian ekaretia; taan neboa Kristo n aia m'akuri.
Eng, ao I butiko naba, ngkoe ae raou ni m'akuri ni koaua, b'a ko na buokiia nakanne, b'a a tia ni kakorakoraia ni m'akuri ma ngai i bukin te euangkerio; ao raoia naba Kiremenito ma raou ni m'akuri ake tabem'aang, ake a mena araia n te boki ni Maiu.
E kamauringkami naba Iesu, are arana teuana Iouteto. Bon ti ngaiia kaain te kaitiakaki aika raou ni m'akuri i bukin Uean te Atua. A riki nako iu b'a kaungaan nanou.
ao ti kanakoa Timoteo, ae tarira, ae raora ni m'akuri i bukin te Atua, n tataekinan euangkerioni Kristo, b'a e na kateimatoaingkami ma ni kaungaingkami n ami onimaki;
Ma ngaia aei, ngkana tao I roko iroumi, ao N na kauring b'aai ake e karaoi ngke e wibuakaira n taeka aika bubuaka. Ao e aki toki ikanne. E rawa ni butim'aia taari akekei, ao e tukiia ake a kani butim'aia ma ni kab'akaia man te ekaretia.