2.Uea 7:9 - Te B'aib'ara

⁹ Ao a taetae bon irouia ao a taku, “E aki eti ae ti karaoia aei. Bon te bong ni kukurei te bong aei, ao ti tuai kaongoia aomata, ma ngaia ae ti na boni katuaaeaki ngkana ti aki kaongoia raora ni karokoa te moaningabong. Ti riai ni waekoa n nakon ana bareti te uea, ma ni kaongoia te rongorongo ae e kakukurei aei.”

2.Uea 7:9 Iomraidhean Croise

2.Uea 5:4

Ao ngke e taetae Naaman nakon te uea ni kaota te b'ai are e taekinna te ataeinaine arei,

2.Uea 7:10

Ao a okira Taamaria ao a takaarua ni waerake nakoia tautia ake a teiakina te mataroa, ao a taku, “Ti a tib'a oki man aia kaemb'a tautian Turia, ao a bane n tia n nako tautia. A akea kaain taian autinrianna, ao a boni bane n rooaki taian aoti ma taian aati. Ao bon akea naba temanna ae ti ongo b'anaana ke n nooria.”

2.Uea 7:3

Ao ni bon te tai naba arei, ao iai aman m'aane aika a reebera aika a mena i tinanikun mataroan te kaawa are Taamaria. A taetae i bon irouia ao a taku, “E aera ngkai ti a bon tekateka n tataningaa matera?

2.Uea 7:6

Ao ngke a tabe ni m'ananga nakon te maeka, ao te UEA e karikiia kaain Turia b'a a na ongo te karongoaa ae kaanga karongoaan te taanga ni buaka aika taan toka i aoia aoti aika a rangi ni m'aiti.

2.Uea 7:8

Ma ngaia are, a biri nako man aia kaemb'a n te tairiki arei, ao a kiitani aia autinrianna ma aia aoti ma aia aati. Ao ngke a roko reebera ake aman i tabon aia kaemb'a kaain Turia ao bon akea naba te aomata temanna. A m'ananga n rin nako i nanon te autinrianna teuana, ao a am'arake ma ni mooi i nanona, ao i mwiina a uotinako taiani kunnikai, ao ai uana naba ma taiani koora ma taian tirewa. A karabai baikekei ni kabane, ao a manga rin i nanon te autinrianna are teuana; a anai b'aai ake a bon tangiri, ao a karabai naba.

Taeka n Rabakau 24:16

E ngae ngkana b'aka aomata aika a raoiroi itiua te tai, ana manga bon teirake naba, ma ngkana e oreaki te aomata ae e buakaka n te kabuanib'ai ao ai bon anne naba tokina.

Itaia 41:27

Boni Ngai ae e moan tuangiia Iteraera ni kaangai, “Nooria, e a koro bukina!” Bon te moan Ngai ni katanoataa te rongorongo ae e raoiroi aei nakon Tion.

Itaia 52:7

Ai kakatekera taraan te tia uarongorongo ri aoni maunga ae e touakina ae e kaangai nako Ierutarem, “Te rongorongo ae e raoiroi! Kam a kamaiuaki. E nang roko te rau. E a UEA ngkai Atuami.”

Naum 1:15

Noria, e ri aon maunga n nakomai te tia uarongorongo, ma te rongorongo ae e raoiroi! I aon kawaina n taekina te tokanikai! Kaain Iuta, karaoi ami toa, ao angan te Atua baike kam a tia ni berita iai nakoina. A na aki konaa ni manga eweka abam aomata aika a buakaka. A tia ni bane ni kamaunaaki.

Warekaia Iteraera 32:23

Ma ngkana kam aki kakoroa bukin ami berita, ao kam na bure iai nakon te UEA, ao kam na katuaaeaki.

Ruka 2:10

Ao e taku te anera nako ia, “Tai maaku; b'a noria, iai irou te rongorongo ae raoiroi are e na karika te kim'areirei irouia aomata ni kabaneia;

I-Biribi 2:4

Ao kam na tai ti mutiakin ami b'ai, ma kam na mutiakin naba aia b'ai raomi.