2.Uea 7:8 - Te B'aib'ara

⁸ Ma ngaia are, a biri nako man aia kaemb'a n te tairiki arei, ao a kiitani aia autinrianna ma aia aoti ma aia aati. Ao ngke a roko reebera ake aman i tabon aia kaemb'a kaain Turia ao bon akea naba te aomata temanna. A m'ananga n rin nako i nanon te autinrianna teuana, ao a am'arake ma ni mooi i nanona, ao i mwiina a uotinako taiani kunnikai, ao ai uana naba ma taiani koora ma taian tirewa. A karabai baikekei ni kabane, ao a manga rin i nanon te autinrianna are teuana; a anai b'aai ake a bon tangiri, ao a karabai naba.

2.Uea 7:8 Iomraidhean Croise

2.Uea 5:24

Ngke e roko n te tabuki are e maeka iai, ao e anai taiani baeki mairouia taani m'akuri akekei, ao e karin i nanon ana auti, ao e kaokiia m'aane akekei.

2.Uea 7:9

Ao a taetae bon irouia ao a taku, “E aki eti ae ti karaoia aei. Bon te bong ni kukurei te bong aei, ao ti tuai kaongoia aomata, ma ngaia ae ti na boni katuaaeaki ngkana ti aki kaongoia raora ni karokoa te moaningabong. Ti riai ni waekoa n nakon ana bareti te uea, ma ni kaongoia te rongorongo ae e kakukurei aei.”

Itaia 33:23

Ma bon te kaibuke am botannaomata ae a matanatana roobuna nako ao e a kani b'aka aneangina manni nena ao e tikibuaka kanoan iena. N te tai teuana ngkami naba aika kam m'auku a na reke naba ami b'ai mai rouia ami kairiribai nako.

Ieremia 41:8

E kamaiuia tengaun mm'aane mai buakoia, b'a a na anganganna taian uita, taiani b'aare, b'aan te oriwa, ao ana karewe te manibeeru ake a karabai i nanon te tawaana.

Mataio 13:44

Uean te Atua ai aron te b'ai ae kakawaki are karabaki n te tabo teuana, ao te b'ai are e kunea te aomata temanna ao e karaba; i nanoni kukureina ao e nako ni kabo nako ana b'ai ni kabane, ao e kaboa te aba are e karabaki iai te baerei.

Mataio 25:18

Ma teuare anganaki teuana te tarena, e nako ni kena aontano ao e karaba iai ana m'ane ana toka.

Iotua 7:21

I noora niiniiran B'aburon ae e rangi n tamaroa i buakon taian b'ai ni kuri, ao I noora naba nimaua te rawawata te tirewa, ao te m'akoro ni koora ae nakon teuana te b'auna rawawatana. I rangi ni mataai iai ao I a anai naba ni karabai. Ao I tauni i aan au auti n rianna, ao I kamenaa te tirewa n te kabanea mai nano.”