2.Uea 7:7 - Te B'aib'ara

⁷ Ao a taetae tautian Turia bon irouia ao a taku, “Ongora. E a bae n tia uean Iteraera ni kabooia tautian Eta ma Aikubita b'a a na buakaniira. Ti a bane ni biri nako mai ikai.”

2.Uea 7:7 Iomraidhean Croise

1.Uea 10:29

ao e bon nakon uoua te kirokuraem te tirewa i bukiia aoti. Ao a kabonakoi naba taian aoti ma kaanibuaka nakoia kaain Eta ma kaain Turia.

1.Uea 20:20

ao a buaka ngaiia ni kabaneia man tiringiia tautia ake aia kairiribai. Ao nikiraia tautian Turia a rairaki man birinako, ao a rimwiaki nako irouia Iteraera. Ao Benatata ma tabeman a birinako i aon taian aoti,

Iobi 18:11

E otab'aniniaki ni b'aai aika kakamaaku, a iririia n taabo nako ike e nako iai.

Taian Areru 33:17

A aki onimakinaki aoti b'a a na karekea te tokanikai n tain te buaka: A aki kona ni kamaiua te aba ni korakoraia ae bati.

Taian Areru 68:12

A biri nako uea ma aia taanga ni buaka! A tib'atib'aaki aia b'aai ake a reke i mwiia irouia aine ni mwengaia; ao aikai baikanne:

Taeka n Rabakau 21:1

Bon te UEA ae e tararuaia taan tautaeka, n aron raangan taiani karaanga aika e a tia ni baairei aroia.

Taeka n Rabakau 28:1

A biri nako aomata aika a buakaka ngkana bon akea ae e kakioia, ma a ninikoria kaanga te raian aomata akana a eti maiuia.

Taeka n Rabakau 6:5

Kamaiuko i bon iroum, n ai aron te ria ke te mannikiba ae e kataia ni birinako mairoun te tia kaeman.

Itaia 2:20

Ao n te bong arei ao a na karenakoi aia bouannanti aomata ni kabane, aia bouannanti ake a karaoaki n te tirewa ma te koora i bukin te taromauri.

Ebera 6:18

b'a ti aonga ni karekea kakorakoraan nanora ae bati ni baika uoua aikai aika aki bibitaki, aika ti aki kona ni keweaki iai iroun te Atua, ngaira aika ti biri nako b'a ti na taua te kaantaninga are kamenaki i m'aira.

Tani Motiki-taeka 7:21

Ao a ientaka aia tautia aia kairiribai, ao a iangoa birinakoia. Ao ana koraki Kiteon a bon tiku ni nneia ni katobibia aia maeka aia kairiribai, ma ni manga katangi riki aia bu.

1.Tamuera 14:15

Ao a bane kaain ana taanga ni buaka Biritia n tiaoki--n reitaki ma ake n te maeka, ma ake uatei, ma ake n taiani katawanang, ao ake taan kurib'ai. A bane ni maaku ma n aki reke aia iango. Ao E kanakoa te m'aeiei te Atua, ao e ruru aontano.