2.Uea 7:6 - Te B'aib'ara

⁶ Ao ngke a tabe ni m'ananga nakon te maeka, ao te UEA e karikiia kaain Turia b'a a na ongo te karongoaa ae kaanga karongoaan te taanga ni buaka aika taan toka i aoia aoti aika a rangi ni m'aiti.

2.Uea 7:6 Iomraidhean Croise

2.Tamuera 10:6

Ao a tib'a ataia kaain Ammon ae a rangi ni kauna Tawita, ma ngaia are, a manga kabooia riki tautia mairouia ianena. Uabwi ma uoua te ngaa mai buakoia aika taan nakonako man kaawan Aramean ake Beta Reoba ao Tob'a, teuana tengaa mairoun te uea are Maaka, ao tebwi ma uoua tengaa man te aono are Toba.

2.Tamuera 5:24

Kam na tataninga ikekei ni karokoa ae kam na ongo karongoaia taanga ni buaka aika a m'aati mai taberan taian aroka. Ao kam na kawaekoaingkami ni buaka! Nanon te tang anne b'a I a tia n rimoami ni m'aati ni buakaniia aia taanga ni buaka kaain Biritia.

1.Uea 10:29

ao e bon nakon uoua te kirokuraem te tirewa i bukiia aoti. Ao a kabonakoi naba taian aoti ma kaanibuaka nakoia kaain Eta ma kaain Turia.

1.Uea 20:20

ao a buaka ngaiia ni kabaneia man tiringiia tautia ake aia kairiribai. Ao nikiraia tautian Turia a rairaki man birinako, ao a rimwiaki nako irouia Iteraera. Ao Benatata ma tabeman a birinako i aon taian aoti,

2.Uea 19:7

N na kab'araa nanona n taiani maningongoo i bukin ana kaawa. Ane e na oki, ao N na karaoia b'a e na mate ikekei n te mate ae e rangi ni kakamaaku.

2.Uea 7:5

Ao a teirake m'aane ake aman akekei n te tairiki anne ni m'ananga nakon aia kaemb'a kaain Turia.

Iobi 15:21

A na mena i taningana taiani karongoa aika kakamaaku, A na bane n rau aomata ao bon ti ngaia ae na aki karauaki i rouia kam'arua.

Taian Areru 14:5

Ane kam na kimamaaku, b'a E meemena te Atua irouia aika a kakaraoa ae e raoiroi.

Itaia 31:1

Ko a reke n te kaangaanga ngkana ko nakon Aikubita i bukin buokam, ke ngkana ko mwiokoi taiani kaa ni buaka ake a katikitikaki irouia aoti ke taani buaka i aoia aoti. Ma ko riai n mwiokoa ao n onimakina te UEA ae te Atua ae e tabu ae Atuan Iteraera.

Itaia 36:9

Kam na kangaa ni konaia ara aobitia ake mai inano, ngkana kam onimakina Aikubita i bukin kaanibuaka ao taani buaka i aoia aoti?

Ieremia 46:21

Ane a na rairaki ni biri, aia tautia ianena aika a kabooaki. Ma a reke n te kabuanib'ai, kaanga taian kao ataei aika a kamarikaaki raoi aika a kairaki nakon te tia tiringa te tiibu.

Etekiera 1:24

Ao I ongo tangin baiia ngkana a kiba; kaanga aron rurungaan naon taari, kaanga karongoaan te taanga ni buaka ae rangi ni korakora, kaanga b'anaan te Atua ae Moan te M'aaka. Ao ngkana a toki ni kibakiba, a manga rukumi baiia ni kiba i rarikin rab'ataia.

Etekiera 10:5

Ao e korakora rurungaiia maan ake iai baiia ni kiba n ai aron b'anaan te Atua ae Moan te M'aaka ao e konaa n ongo te aba man katawanangin oon te Tembora.

Te Kaotioti 9:9

a katokai i aoni b'ab'aia baika kanga ai aroni biiti b'a otangaia; ao rurungaani baiia ni kiba kanga ai aron rurungaani kaa-ni-buaka aika bati aika katikaki irouia aoti ngkana a biribiri nakon te buaka.

Tani Motiki-taeka 7:21

Ao a ientaka aia tautia aia kairiribai, ao a iangoa birinakoia. Ao ana koraki Kiteon a bon tiku ni nneia ni katobibia aia maeka aia kairiribai, ma ni manga katangi riki aia bu.

1.Tamuera 14:15

Ao a bane kaain ana taanga ni buaka Biritia n tiaoki--n reitaki ma ake n te maeka, ma ake uatei, ma ake n taiani katawanang, ao ake taan kurib'ai. A bane ni maaku ma n aki reke aia iango. Ao E kanakoa te m'aeiei te Atua, ao e ruru aontano.

1.Tamuera 26:6

Ao e titirakina Aimereka are kaain Eta, ao Abitiai are tarin Ioaba (Tinaia bon Nei Teruia), ao e taku nakoia, “Antai mairoumi ae e na irai nakon ana kaemb'a Tauro?” Ao e kaeka Abitiai ni kaangai, “N na iriko.”