2.Uea 7:16 - Te B'aib'ara

¹⁶ Ao a kawaekoaia aomata nakon aia kaemb'a kaain Turia ma ni kabanei b'aai ake a tiku ni uotinako. A rangi ni bati b'aai ake a anai n te aro are e a kabooaki teaina te baeki are e buubura, ao uaai baeki ni b'aare aika a buubura naba n te bo ae e rangi ni uarereke, n aron are e a tia n berita iai te UEA.

2.Uea 7:16 Iomraidhean Croise

2.Uea 7:1

Ao e kaeka Eritai ao e taku, “Iai te rongorongo nakoim. E berita te UEA b'a ane ko na konaa ni kabooa te baeki ni buraawa ae e buubura ke uoua taiani baeki ni b'aare naba aika a buubura nakon te ingabong i aon Taamaria ikai n te boo ae moan te uarereke.”

2.Uea 7:15

Ao a m'ananga nako i aon aia aoti m'aane akekei nakon te Karaanga are Ioretan. Ao a noori taiani kunnikai ma b'aai i aoni kawaia aika a tewenakoaki irouia kaain Turia ngke a tabe ni biri nako. Ao i mwiina, a oki n tuanga te uea b'aai ake a tia n noori.

2.Rongorongo 20:25

Ma ngaia are, a m'ananga Ieotiab'ata ma ana taanga ni buaka nakon aia kaemb'a ni uoti nako b'aai ni kabane aika a kakaawaki. Ao a kunei ana nanai ni man ae moan te korakora, taiani b'ai, kunnikai, ao b'aai riki tabeua aika a kakaawaki. A kabanea tenibong aia bong ni uoti nako, ao bon iai naba nikiraia.

Taian Areru 68:12

A biri nako uea ma aia taanga ni buaka! A tib'atib'aaki aia b'aai ake a reke i mwiia irouia aine ni mwengaia; ao aikai baikanne:

Taian Areru 68:13

katotongaia taobe aika kabiraki aoia n te tirewa, ao a karaneaneaki baiia ni kiba n te koora ae aki renganaki. (A aera ami koraki tem'angina ngke a tiku i buakoni neia tiibu n tain te buaka?)

Itaia 33:1

Ko konaiia au aomata. Ko a reke n te kangaanga! Ko tuai man ururuakaki, ma ko nang uruakaki; ko tuai man kam'aneaki; ma ko nang kam'aneaki. Ngkana e a bane am uruuru ma am kam'aam'ane, ao ko nang manga uruakaki ma ni kam'aneaki n aron anne.

Itaia 33:23

Ma bon te kaibuke am botannaomata ae a matanatana roobuna nako ao e a kani b'aka aneangina manni nena ao e tikibuaka kanoan iena. N te tai teuana ngkami naba aika kam m'auku a na reke naba ami b'ai mai rouia ami kairiribai nako.

Itaia 33:4

Ti buakaniia ara kairiribai kaanga taian taanga n rookati; ti anai b'aai ni kabane ake a b'ain.

Itaia 44:26

N na kakoroi bukin aia rongorongo au burabeti. A taku, “E na kaonaki i rouia aomata, ao e na manga karaoi kaawan nako Iuta te UEA.”

Warekaia Iteraera 23:19

Tiaki aron te aomata te Atua! E aki kona ni kewe, ao E aki bibitaki naba nanona. E aki kona n ae E na aki kakoroa bukin Ana berita.”

Mataio 24:35

A na mauna karawa ma aonnaba, ma a na aki kona ni mauna au taeka.

1.Tamuera 17:53

Ao ngke a oki Iteraera man kakioakiia kaain Biritia, ao a anai b'aai ake a tangiri man aia kaemb'a aia kairiribai.