2.Uea 6:1 - Te B'aib'ara

¹ N te bong teuana a taetae taiani burabeti nakon Eritai ni kaangai, “E rangi ni uarereke te tabo are ti kaboowi iai ma ngkoe.

2.Uea 6:1 Iomraidhean Croise

1.Uea 20:35

Ao n te tai aei e a tuangaki te burabeti iroun te UEA b'a e na kaangai nakon raoraona, “Oreai.” Ma e rawa raoraona arei n oreia,

2.Uea 2:15

Ao ngke a noora arei burabetin Ieriko, ao a i taetae i marenaia ni kaangai, E a reke m'aakan Eria iroun Eritai. Ao a nako ni kawaria ao a b'aka ni katorobubua i matan Eritai,

2.Uea 2:3

Ao a titirakina Eritai te bootaki ni burabeti teuana ae a maeka ikekei ni kaangai, Ko ataia ae e nang uotaki nako am mataniwi iroun te UEA n te bong aei? Ao e taku Eritai, Eng, I bon ataia, ma an tai manga tuangai.

2.Uea 2:5

Ao a titirakina Eritai te koraki ni burabeti teuana aika a maeka ikekei ni kaangai, Ko ataia ae E nang uotaanako am mataniwi te UEA n te bong aei? Ao e kaeka Eritai ni kaangai, Eng, I bon ataia, ma an tai manga tuangai.

2.Uea 2:7

Ao a rimwiia Eria ma Eritai nimangaun taiani burabeti mai Ieriko, ao a tei n tarataraia mai kiiraroa ngke a kaai ni m'ananga ngaiia ake uoman nakon te Karaanga are Ioretan.

2.Uea 4:1

Ao te bong teuana, ao e taku neiere buun ana burabeti te UEA temanna ae e a tia ni mate nakon Eritai, Bon am tia m'akuri naba temanna teuare buu ngke e maiu, ao bon te tia taromauria naba te UEA. Ma e taarau iroun te aomata temanna, ao ngkai e nang anaiia natiu m'aane aika uoman aikai te m'aane anne b'a ana toro.

2.Uea 4:38

Rimwi riki, ao e nako Kirekara Eritai, ao e a roko te rongo n te aba arei. N te bong teuana ngke a boowi burabeti ake a maeka ikekei ma Eritai, ao e taku Eritai nakon ana tia m'akuri, “Kukana te am'arake n te b'aata ae e buubura, i bukiia burabeti aikai.”

2.Uea 6:2

E aera ngkai ti aki karaoa riki ara tabo ni boowi ae e boou n te tabo teuana i rarikin te Karaanga are te Ioretan? Ti konaa ni karekei ara kai n tatabemaniira nako ma ni karaoia.” Ao e taku Eritai, “E rangi n raoiroi te iango anne. Waakina karaoana.”

Iobi 36:16

E kaotinakoko te Atua man te kangaanga, ao e karekea te rau nako im b'a ko na kukurei iai; E kaona aon am taibora n te am'arake.

Ebera 11:34

a katoka korakoran uran te ai, a rawei maiuia man te tiringaki n te kabaang, a kakorakoraki ngkana a mamara, a riki n ninikoria n te buaka, ao a katae aia kai aia taanga n tautia I-anena;

Iotua 17:14

A kaangai ana kariki Ioteb'a nakon Iotua, “Bukin tera ngkai ko anganiira abara ae ti teuana te m'akoro n aba? Ao nooria, E kakab'aiaira te Atua ao E kabatiai ara kariki, ma e rangi ni uarereke abara ae ko anganiira.”

Iotua 19:47

Ngke e anaaki abaia te baronga are Taan mai rouia ao a kitana abaia anne i bukina ngke a aki kona n totokoia aiaia ake a kan taua naba te aba arei, ma ngaia are a teirake n nako te baronga aei, ao a manga buakana te kaawa are Raiti. A taua te kaawa anne ao a tiringiia aomatana, ao a anaia b'a abaia. A tekateka iai ao a onika aran te tabo anne are Raiti nakon Taan, are bon ingoan aia bakatibu.

1.Tamuera 19:20

ma ngaia are, e kanakoia tabeman rorobuaka b'a a na katikia. A nooriia koraki ni burabeti aika a m'am'aie ma n tatakarua, ae a kairaki iroun Tamuera. Ao e niiniia ana rorobuaka Tauro Tamnein te Atua, ao a manga ira te m'am'aie ma n tatakarua.