2.Uea 5:7 - Te B'aib'ara

⁷ Ngke e wareka te reta arei uean Iteraera ao e raeuai kunnikaina i bukin maakuna, ao e takaarua ni kaangai, “E boni kakoauaa ngkai uean Turia b'a I konaa ni katoka aorakin te aomata ae e reebera aei. N ana iango ngai te Atua ae iai m'aakau i aon te maiu ao te mate? E kataia ngkai ni kakaaea angan reken te buaka ma ngai.”

2.Uea 5:7 Iomraidhean Croise

Karikani B'aai 30:2

Ao e un Iakob'a iroun Nei Rakera ao e taku, “I aki kona ni karaoa ana m'akuri te Atua b'a boni Ngaia ae aki anganiko te aki kakariki.”

Karikani B'aai 37:29

Ao ngke e a oki Reuben nakon te m'anib'a, ao e nooria b'a akea Ioteb'a ikekei, ao e raeuai ana kunnikai i bukin rawawatan nanona.

Karikani B'aai 50:19

Ma e taku Ioteb'a nako ia, “Kam na aki maaku; I aki kona n anaa nakoan te Atua.

2.Tamuera 1:11

Ao a raeuai aia kunnikai Tawita ma ana tautia i bukin rawawataia.

1.Uea 20:7

Ao e tewea ana boowi Aaba ma taani kairiiri i aon Iteraera ao e taku, “E karika te kaangaanga ae e korakora Benatata. E tuangai b'a N na anganna buu ma natiu, n ikotaki ma au koora ma au tirewa, ao I kariaia.”

2.Uea 11:14

E noora Ioati n tei i rarikin te boua teaina, are boni nnen te uea. A tei taan anene, ao taani katangibu i rarikina, ao a kukurei aomata ma ni katangi taiani bu. E raei kunnikaina Nei Ataria i bukini marakin nanona, ao e takaarua ni kaangai, “Kam kam'aneai ngkami aika taani kam'aam'ane.”

2.Uea 18:37

Ma ngaia are, a raeuai aia kunnikai i bukin rawawatan nanoia, ao a kaongoraea Etekia b'aai ni kabane ake e a tia n taekin mataniwiin te taanga ni buaka mai Aturia.

2.Uea 5:6

E uota naba te reta nakon uean Iteraera. E taku taekan te reta, “I kanakoa au tia m'akuri ae Naaman nakoim. Taiaoka ko konaa ni kamaiua man reeberana?”

Ieremia 36:24

Ma e aki maaku te uea ao a aki maaku naba ana mataniwi ni b'aai ni kabane ake a ongo ao a bon aki kaota naba te mata n nanokawaki.

Taniera 2:11

Te uea ae ko karineaki, boni moan te matoatoa te b'ai ae ko titiraki iai n te aro are bon akea ae e kona ni karaoi ma ti anti aika a aki mamaeka i buakoia aomata.

Otea 6:1

Ti a okira te UEA. E a tia n raeraeira ni kauarerekeira, ma E na kabaei ikoakira ao E na manga kamarurungiira.

Warekaia Iteraera 14:6

Ao a raeuai kunnikaia Iotua ma Kareb'a i bukin rawawatan nanoia

Mataio 26:65

Ao e raea kunnikaina mataniwiia ibonga, ao e taku, “E taetae ni bakanatua! E aera b'a ti na tangiriia riki taani bukibuki? Kam a tia ngkai n ongo ana taeka ni bakanatua!

Ruka 11:54

A kani kam'anea ngkana iai buren ana taeka.

M'akuri 14:14

Ngke a ongo taan tuatua ake B'arenaba ma B'auro taekani baike a nang karaoi aomata, ao a raei kunnikaia, ao a biribiri i buakoia aomata n tatakarua,

Te Tua-Kaua 32:29

Ngke kam karaoia, ao kam na noora kawaimi are kam m'ananga nako iai.

Te Tua-Kaua 32:39

Kam bon aki ataia? Bon ti Ngai te Atua; ao akea riki temanna; Bon Ngai ae I anaa te maiu ao I a manga kaokia. I katuaaingkami n te rawaawata. Ma N na kamaiungkami ngkai, ao bon akea ae kona ni katokai.

1.Tamuera 2:6

Ko anaa te maiu, ao ko anga te maiu. Ko kab'akaia aomata nako abaia maate ao Ko a manga kaokiia.