2.Uea 4:2 - Te B'aib'ara

² Ao e taku Eritai, “N na kataia ni karekea buokam. Tera am b'ai akana iai iroum n am auti?” Ao e taku neierei, “Teuae ko karineaki! bon akea au b'ai ma ti teaina te b'atoro b'aan te oriwa.”

2.Uea 4:2 Iomraidhean Croise

1.Uea 17:12

Ao e taku neierei, I boni koaua n aran am UEA ae E maiu b'a bon akea kanau te kariki. Bon ti iai irou ngkai te abutana te buraawa, ao teutana b'aan te oriwa. Ao i aon kawaiu ngkai n okira mwengau ma au aia aikai ni kuukana ae iai irou ngkai b'a kanau ao kanan natiu te m'aane. Ao i mwiin anne, ti nang mate ni baki.

2.Uea 2:9

Ao ngke a tia n roko n iteran te karaanga are teuana, ao e taku Eria, “Eritai, ae E nang anaai te UEA n te tai ae e aki maan. Tera ae N na karaoia nakoim i m'aain nakou?” Ao e taku Eritai, “I butiiko b'a ko na anganai uoua te tai okiokin m'aakam are ko anganiia burabeti ake te korakina, b'a I aonga n riki b'a oneani mwiim n riki b'a aia tia kairiiri.”

2.Uea 4:3

Ao e taku Eritai nako ina, Ko na bubutiia kaain rarikim b'a ko na tangoi aia tiaeki aika akea kanoaia. Ao ngkana a reke iroum aika a m'aiti,

Te Otinako 4:2

Ao e kaeka te UEA ni kaangai, “Tera ane i nanon baim?” Ao e taku Moote, “Te oko.”

Mataio 15:34

Ao E taku Iesu nako ia, “Iraai te kariki ae iai i roumi?” A taku, “Itiai, ao tabeman ika aika uarereke.”

M'akuri 3:6

Ma e taku Betero, “Bon akea au tirewa ma au koora i rou, ma N na anganiko ae iai i rou: Nakonako n aran Iesu Kristo are te I-Natareta!”

2.I-Korinto 6:10

ngke ti taonaki n te rawawata n nano, ma ti aki toki ni kukurei; ngke ti riki b'a kanga aomata aika akea aia b'ai, ma ti karikirakei aroia aomata aika bati b'a a na kaub'ai; ngke ti riki b'a ai aroia akana akea aia b'ai, ma ti b'aini b'aai nako.

Iakobo 2:5

Tariu aika kam tangiraki, kam na ongora: tiaki E rineia akana aki kaub'ai ni b'ain aon te aba te Atua b'a a na kau-onimaki, ao a na riki b'a taan abaaba n ueana are E atongnga n te taeka n akoi nakoia ake a tangiria?