2.Uea 3:4 - Te B'aib'ara

⁴ E tauaki taekan te aba are Moaaba irouia Iteraera i nanon ririki aika a bati, ao e kairoroaki b'a e na kab'aka te roo n rab'ata nakoia uean Iteraera. E karikirakea te tiibu uean Moaaba are Metia, ma ngaia are, e angaangan uean Iteraera tebubua te ngaa te tiibu teteei, ao taian burae n tiibu man tebubua te ngaa tiibu m'aane.

2.Uea 3:4 Iomraidhean Croise

Karikani B'aai 13:2

Ao bon te aomata ae rangi ni kaub'ai Aberam n te tiibu, ma te kooti, ma te kao, ao ai uana naba ma te tirewa ma te koora.

2.Tamuera 8:2

E kataenikaiia naba kaain Moaba. Ao i mwiina, e kaweneia aia tautia i aon te tano. E tib'aia nakon tenikoraki; uakoraki a na tiringaki, ao tekorakina a na kamaiuaki. A na riai kaain Moaba aikai ni butim'aea Tawita b'a aia tia tautaeka ma ni kab'aka nakoina te taekiti.

2.Tamuera 8:6

E katikuia tabeman ana tautia i Tamateko, ao a kariaia kaain Aramean b'a a na karika Tawita b'a aia tia tautaeka ao a anga taekiti nakoina. E buoka Tawita n taabo nako ike e nako iai, ao e totokanikai n taiani buaka.

1.Rongorongo 18:2

E kataenikaiia naba kaain Moaba Tawita, ao a tia ni kariaia b'a aia tia tautaeka ao a na kab'aab'akaa te roo n rab'ata nakoina.

2.Rongorongo 26:10

E boni karaoi naba taian taua n taratara n te rereua. Iai ana nanai ni man ae moan te korakora i oin taian tabuki ake i maeao, ao n aaba aika a aoraoi, ike iai nnen taian ran aika a kenaki i bukin rawean te karau. E rangi n tatangira te ununiki, ai ngaia are, a m'aiti arokana n te tawaana, ao taian kureebe aika e uniki i aon aaba ake a tabukibuki ike iai te bon ae raoiroi, ao e kabooia taan ununiki b'a a na tararuai.

Iobi 1:3

ao iai naba ana man aika itiua te nga te tiibu, tenua te nga te kamero, teuana te nga te kao, ma a kabaeaki ni kakauoman. Bon iai naba ana taani m'akuri aika rangi ni m'aiti, ao bon ngaia naba te kabanea ni kaub'ai n aomata n aaba ake i mainiku.

Iobi 42:12

Ao E kakab'aia nikirani maiun Iobi te UEA nakon bongin maiuna are rimoa. Ao E b'aini 10,000 te tiibu Iobi, ma 6,000 te kamero, ma 2,000 te kao, ao 1,000 te aati.

Taian Areru 60:8

Ai aron au beetin n uati Moaaba, ao N na tewenakoi au kauniwae i Etom, b'a kanikinaean ae I b'ainna. A iangoia kaain Biritia b'a a na takaakaa n tokanikai i aou?”