2.Uea 3:3 - Te B'aib'ara

³ Ma e bon teimatoa naba ni karaoi m'akuri aika a bure are e a tia Ieroboam are natin Neb'ata te m'aane ni kareketaatiia Iteraera iai.

2.Uea 3:3 Iomraidhean Croise

1.Uea 13:33

Ma e bon teimatoa naba Ieroboam ni karaoi m'akuri aika a buakaka. E rineia m'aane tabem'aang b'a a na riki b'a ibonga i bukin baangota ake i abaia, e ngae ngke bon tiaki kanoan Rewi. E a karaoia b'a e na konaa n riki n ibonga te aomata ae e tangiria ni kan riki b'a te ibonga.

1.Uea 14:16

E tuuriia Iteraera ana bure Ieroboam, ao a riki b'a taani bure Iteraera iai. Ma ngaia are, E nang kamaunaa Iteraera te UEA.

1.Uea 14:9

Ko a tia n rangi ni kamaraka nanou, ngke ko kaaki taekau; ao ko karaoi bouananti man te koora. Ieroboam. Ko a tia ni karaoa te m'akuri ae moan te buakaka riki nakon are a tia ni karaoia uea ni kabane ake mai i m'aaim.

1.Uea 15:26

Ao e aki ongotaeka Nataba nakon te UEA ngke e karaoa naba katotongan ana m'akuri ae e buakaka tamana, are e a tia ni karekeia Iteraera n te bure.

1.Uea 15:34

E aki ongotaeka naba Baatia nakon te UEA ngke e katotonga Ieroboam, are e karekeia Iteraera n te bure.

1.Uea 16:31

Bon ti te bo are e karaoia ma Ieroboam. Ao ana bure riki ae moan te buakaka bon ieinna ma Nei Ietebera are natin uean Titon are Etabaara, ao e a manga taromauriia B'aara.

2.Uea 13:11

E aki ongotaeka nakon te UEA ngke e karaoa naba are e karaoia ngkoa Ieroboam, are e kareketatiia Iteraera n te bure.

2.Uea 13:2

ao e aki ongotaeka iroun te uea ngke e karaoa te m'akuri ae e kaairua. E aki toki ni katotoonga Ieroboam, are e a tia ni kairiia Iteraera nakon te bure.

2.Uea 13:6

Ma e a tia Ataera n urubekei ana b'ai ni buaka Iteraera ngke e kataenikaia n te aro are e tiku Ieoaati ma ti tebwiina ana kaanibuaka, nimangaun tautia ake a toka i aoia aoti, 10,000 tautia aika a bane aroia aika nikiraia ana tautia.

2.Uea 14:24

E aki ongotaeka naba ni katotoonga ana m'akuri ae e buakaka Ieroboam are natin Nebata te m'aane, are e kareketatiia Iteraera n te bure.

2.Uea 15:18

E teimatoa arona n aki ongotaeka iroun te UEA b'a e katotoonga Ieroboam are natin Nebata te m'aane, are e kareketatiia ngkoa Iteraera n te bure.

2.Uea 15:9

Bon ti te bo naba aron Tekaria ma ana bakatibu n aki ongotaeka iroun te UEA. E katotoonga Ieroboam are natin Nebata te m'aane ni karaoi m'akuri aika a kam'araa, ma ni kareketatiia Iteraera n te bure.

2.Uea 17:21

I mwiina, ngke E a tia ni kaokoroa Iteraera ma Iuta, ao Iteraera a rinea te m'aane are Ieroboam are natin Nebata b'a aia uea i aon Iteraera Meang. E kareketatiia Iteraera Ieroboam ni karaoan te bure korakora i matan te UEA.

2.Uea 17:22

A teimatoa aomata ni kakaraoa te bure n aron Ieroboam,

2.Uea 17:23

ni karokoa te tai are E katuaaia iai te UEA, n aron are E a tia ni kauring iai rinanoia ana toro ake burabeti. Ao bon anne bukina are a uotaki nako iai Iteraera b'a taenikai i Aturia, ao ikanne ike a tiku iai.

2.Uea 21:16

E bure Manate ngkai e karekeia kaain Iuta n te bure ao te aki ongotaeka nakon te UEA. E rawa naba ni kamaiuia aomata aika akea aia bure. A m'aiti aika bon akea aia bure ake e kariaia naba tiringakiia, ao e a on kawain nanon Ierutarem raraaia.

2.Uea 23:15

Ma e bon aki toki ikanne ana m'akuri Iotia. E urua naba te baangota ao te baonikarea ake e kateia Ieroboam are natin Nabata te m'aane are a riki ni bure iai Iteraera. E kabuoka baangotan ao bouan Nei Aatera, ao e kamantinti ni kabubui.