2.Uea 21:3 - Te B'aib'ara

³ E a manga katei taian bouananti ake e a tia tamana are Etekia n urui. E a manga karaoa te baonikarea i bukini Baara ao e katea naba te boua ae e tabu i bukin taromaurian te anti are Nei Aatera, n aron are e a tia ni karaoia ngkoa uean Iteraera are Aaba. Ao e kakaonimaki n taromauria itoini karawa.

2.Uea 21:3 Iomraidhean Croise

1.Uea 18:21

Ao e tei Eria i mataia ao e taku, “Ai ti maanra riki ngkami ni biribiri i marenan b'aai aika uoua? Ngkana kam taku b'a te Atua te UEA, ao taromauria. Ma ngkana te Atua B'aara ao taromauria.” Ao bon akea te b'ai ae a taekinna aomata.

1.Uea 18:26

Ao a rinea aia kaom'aane ana burabeti B'aara ao a katauraoia, ao a tataro nakoni B'aara ni kabanea te ingabong arei ni butiia b'a e na kauraa ain aia karea. A ruruoia ni katobibia aia baonikarea ao a tatakarua ni kaangai, “Kaekaira B'aara!” Ma bon akea kaekaakiia.

2.Uea 13:6

Ma e a tia Ataera n urubekei ana b'ai ni buaka Iteraera ngke e kataenikaia n te aro are e tiku Ieoaati ma ti tebwiina ana kaanibuaka, nimangaun tautia ake a toka i aoia aoti, 10,000 tautia aika a bane aroia aika nikiraia ana tautia.

2.Uea 17:16

A aki ongotaeka Iteraera nakon ana Babaaire te UEA ae Atuaia ni kabane. A karaoi uoua bouananti aika koora, aika katotoongan te kaoteteei, ao a katei baangotan Nei Aatera, a taromauri naba taiani itoi, ao te anti are B'aara.

2.Uea 18:22

E mwiokoa ngkai te UEA ae Atuami Etekia? E bon tuai kab'akai taiani baonikarea ni kabane, ao ni katuka are ana Baonikarea te UEA. E bon aki naba tuangiia aomatan Iteraera ma Iuta b'a a na taromauri n te tabo ane ti teuana anne.”

2.Uea 18:4

E urui taiani baangota, ao i mwiina, e kamaaei bannaia anti ianena, ao e korouaa te boua ae tabu are b'ain taromaurian Nei Aatera. E urubekea naba te naeta te buraati are e karaoia ngkoa Moote. A aranna aomata b'a Neutitan ao a tia n angaanga karea nako ina.

2.Uea 8:18

E aki ongotaeka Ieoram nakon te UEA b'a e karaoi m'akuri aika a bure. E mareaki ma natin Aaba te aine, ao e bure n ai aroia ana utu Aaba, ao uean Iteraera ake tabeman.

2.Uea 8:27

E boni katotongiia ana utu Aaba n aki ongotaeka iroun te UEA ngke e karaoi m'akuri aika a bure, i bukina ngke bon ana koraki.

2.Rongorongo 32:12

Tiaki e uruaki taiani baonikarea ma taabo n taromauri ni kabane Etekia ao ti teuana nikiran te baonikarea ma te tabo n taromauri? Tiaki e tuangkami naba kaain Ierutarem ao kaain Iuta b'a kam na taromauri n te tabo ane ti teuana anne?

2.Rongorongo 34:3

Ngke ai tib'a tebwi ma onoua ana ririki ni maiu Iotia ao e a moana taromaurian te Atua, n aron are e a tia ni karaoia ana bakatibu are Tawita. Aua te ririki i mwiina, e a baaireia b'a e na urui baangotan te aba i Iuta ao i Ierutarem, ao ai uana naba ma taian boua aika a tabu i bukin taromaurian te anti te aine are Nei Atera ao bouanantin antiia ianena.

Iobi 31:26

I tuai man taromauriia taai i bukin ootana, ke n taromauriia nam'akaina i bukin tamaroana ni kabane.

Itaia 65:11

“Ma e na kaangaanga nakoimi ngkami aika kam m'anuokinai, ao ngkami naba aika kam m'anuokina Tion, au Maunga are Tabu, ao ma n taromauria Kaata, ao Meni, ake atuan te tekeraoi ma tokin te waaki.

Ieremia 7:30

Kam a tia n aki ongotaeka i Rou ngke kam karin taiani bouannanti aika a rangi n ribaaki i nanon au Tembora, ao ngkai e a rangi n ribaaki te Tembora i Rou.

Mika 6:16

E na riki aei nakoim i bukina ngke ko katotoong ana m'akuri te uea are Omri, ma natina naba are te uea are Aaba. Ko reitanako aia m'akuri, ma ngaia are, N na uruko, ao a na bane ni kakeaa manenam aomata nako. Bon akea temanna ae e na karineko.

Te Tua-Kaua 16:21

Ngkana kam karaoa te baonikarea i bukin te karea nakon te UEA ae Atuami, ao kam na aki karaoi taian nikawewe ake b'ain taromaurian te anti are Nei Aatera.

Te Tua-Kaua 17:2

E anganingkami ami kaawa aika kam na maeka iai te UEA. Ma n te tai teuana rimwi, ao iai tabeman ane a na manga waakina taromauriaia atua riki tabeman, ni karokoa a na bon taromauria naba taai, nam'akaina, ke taian itoi. I a tia ni kauringngkami b'a kam na aki taromauriia atua riki tabeman, b'a ane taromaurii, ao e aki ongotaeka iai nakon te UEA, ao e urua te boraraoi are E a tia te UEA ni karaoia ma ngkami.

Te Tua-Kaua 20:18

B'a ngkana kam kariaia b'a a na maeka i rarikimi, ao ane a na kairarangingkami nakon taromaurian taian anti aika ribaaki, ao ane kam na aki kakaonimaki iai nakon te UEA.

Te Tua-Kaua 4:19

Ao ngkana kam noora nam'akaina ke taian itoi, ao kam na aki bobaraaki n taromauriia. E bon katikuia te UEA ikekei b'a aonga n taromauriaki irouia botannaomata tabeua.