2.Uea 21:2 - Te B'aib'ara

² E aki ongotaeka Manate iroun te UEA ngke e katotongi katei aika buakaka ake kateia te botannaomata ake a kanakoaki iroun te UEA mai Iteraera.

2.Uea 21:2 Iomraidhean Croise

2.Uea 17:2

E aki ongotaeka Otea iroun te UEA ao e karaoa te bure, ma tiaki n ai aron te bure are a tia ni karaoia uean Iteraera ake mai m'aaina.

2.Uea 21:11

E a tia te uea are Manate ni karaoi riki b'aai aika a kam'araa riki nakoia kaain Amora, ao e a tia ni karekeia au Aomata n te bure ngke e kairoroia b'a a na taromauria ana bouananti.

2.Uea 21:16

E bure Manate ngkai e karekeia kaain Iuta n te bure ao te aki ongotaeka nakon te UEA. E rawa naba ni kamaiuia aomata aika akea aia bure. A m'aiti aika bon akea aia bure ake e kariaia naba tiringakiia, ao e a on kawain nanon Ierutarem raraaia.

2.Uea 21:20

E aki ongotaeka Amon nakon te UEA n aron are e a tia ni karaoia tamana are Manate.

2.Uea 21:21

E tataromauri taian bouananti Amon ake e katei ngkoa tamana are Manate ao

2.Uea 21:7

e titirakiniia taani kaiwa arona ae e na karaoia ao e anga natina te m'aane b'a ana karea. E karaoi b'aai aika a rangi ni kam'araa, are e a rangi ni kauna iai te UEA. N ririki ake ngkoa ao E taku te UEA nakon Tawita ma natina te m'aane are Toromon I tangira riki Ierutarem nakon taabo ni bane i aon Iteraera. Bon Au b'ai, ao N na riai n taromauriaki iai n taai nako.

2.Uea 22:17

A tia kaain Iuta ni katinanikuai. A tia n angakarea nakon antiia Ianena ao a tia naba n taromauriia oin aia bouananti. I a bon aki konaa n taotaona nanou mai iai. E a rangi ni maraki nanou.’ ”

2.Uea 23:32

E aki ongotaeka Ieoaati iroun te UEA, n aron are a tia ni karaoia tabeman ana bakatibu.

2.Uea 24:9

E aki ongotaeka Ieoiakin iroun te UEA, n aron are e a tia ni karaoia naba tamana are Ieoiakim.

2.Rongorongo 36:14

Ao a rikirake n aki rangi ni kakaonimaki riki kaain Iuta ao bon taian ibonga naba ake taan kairiiri. A katotoongaia botannaomata ake i rarikiia ni karaoi m'akuri aika a rangi n ribaaki ao a karika ana Tembora te UEA b'a e na aki raoiroi i bukin te taromauri.

Te Minita 9:18

E tamaroa riki te wanawana nakon b'aai ni buaka, ma te kaairua ae ti teuana e konaa ni kamaunai am m'akuri ni kabane aika a raoiroi.

Itaia 66:4

Kam rawa n ongo weteami ngke I weteingkami; Kam aki kan ongo nakon au Kaetieti. Ma kam a manga karaoi baika a ribaaki, ngke kam bon ataia b'a a bon kaairua. Ao ngkai N nang katuaaingkami n te aro ae kam na rangi ni maaku iai.

Ieremia 15:4

E na riki te rekenikai aei i bukin b'aai aika a buakaka ake e karaoi ami uea are Manate Ao kam na ribaaki irouia botannaomata ni kabane.

Etekiera 11:12

Ane kam na ataia b'a n iriiran aia tua botannaomata akana i rarikimi, kam bon aki ongotaeka iai nakon au tua ma au reirei. Ao bon te UEA Ngai!

Etekiera 16:51

Kam a tia ngkami aika kaain Ierutarem ni kauoua buakakan ami bure nakoia kaain Tamaria. E a manga taraa n akea ana bure Totom ma Tamaria i bukin buakakan ami m'akuri.

Etekiera 22:3

ao tuangiia te b'ai ae I taekinna: Ierutarem, kam a tia n tiringiia oin ami aomata ao kam a tia n taromauri taiani bouannanti. Kam na katuaaeaki n te tai ae e waekoa!

Te Tua-Kaua 12:31

Kam na bon aki karaoa anne. B'a te UEA, E ribaai aroia botannaomata aikai n taromauriia antiia, i bukina b'a a kabuoki natiia m'aane ao natiia aine b'a aia karea.