2.Uea 20:3 - Te B'aib'ara

³ Tai m'aninga te UEA are I a tia ni kakaonimaki nakoim. I a tia n ongotaeka iroum ma nanou ni kabane, ao I karaoi b'aai ni kabane ake Ko tuangai. Ao i mwiin arei ao e a tang ni korakai Etekia.

2.Uea 20:3 Iomraidhean Croise

Karikani B'aai 17:1

Ao ngke ai ruabwi ma ruaiwa ana ririki ni maiu Aberam, ao E kaoti te UEA nakoina ao E taku, “Boni Ngai te Atua ae Moan te M'aaka. Ongotaeka i Rou, ao kakaraoa te raoiroi n taai nako.

Karikani B'aai 5:22

Ao e maiu n iraorao Enoka ma te Atua i nanon 300 riki te ririki i mwiina,

Karikani B'aai 5:24

E kabanea maiuna n iraorao ma te Atua, ao i mwiina, e a bon bua nako naba, b'a E anaia te Atua.

Karikani B'aai 8:1

Ao te Atua, e aki m'aninga taekan Nooa ma maan aika kawakawa ni kabane ake raona i nanon te kaibuke; E karokoa te ang ae korakora, ao e a tabe n ikinako te ran.

1.Uea 11:4

Ao ngke e a kara Toromon, ao a kairiia tabem'aang b'a e na taromauri antiia. Bon tiaki aron tamana are Tawita, are e bon ti tataromauria te UEA ae te Atua.

1.Uea 15:14

Ao e kakaonimaki Ata nakon te UEA ni kabane bongin maiuna, e ngae ngke e aki kamaunai baangotan te aba.

1.Uea 2:4

Ko riai ni kakaonimaki n taai nako nakon te UEA ngkoe ma am kariki. Ngkana ko karaoa anne, ao ane E na kaawakina te berita aei ae E karaoia ma ngai b'a a na uea n taai nako ara utu i aon Iteraera.

1.Uea 3:6

Ao e kaeka Toromon: E kakaraoa te eti tamau are Tawita, ao ni karaoi naba mwiokoana ake ko tuangnga. Ko kakaonimaki nakoina, ao ko anganna te nati te m'aane are e a uea ngkai.

1.Uea 8:23

ao e tataro ni kaangai: Te UEA ae Atuan Iteraera, bon akea atuani karawa ke aonnaba ae ai arom. Ko aki konaa ni m'aninga am Berita are Ko a tia ni karaoia ma am Aomata, ao ko kakaonimaki nakoia ni kabane aika a kakaonimaki nakon am Reirei nako.

1.Uea 8:61

Ongotaeka iroun te UEA ae Atuara ao iri nanon ana Tua ma nanomi ni kabane, n aron ae kam karaoia n te bong aei.

1.Uea 9:4

Ko ongotaeka irou n aron are e karaoia tamam are Tawita, ao ko na b'aina te nano ae e koaua, ao e raoiroi. Ongotaeka nakon Au tua ma Au reirei,

2.Uea 20:2

Ao e rairaki Etekia nakon te o ao e tataro ni kaangai,

2.Uea 20:4

I m'aain rokon Itaia i nuukan te bareti,

2.Rongorongo 16:9

E teimatoa te UEA n tataraia aomata ni kabane, ao e anga te korakora nakoia ake kakaonimaki n ongotaeka i rouna. Ma ngkoe, ko a tia ni karaoa te m'akuri n nanobaba, ao e na bon aki konaa ni manga reke riki te rau n abanueam.

Neemia 13:14

I tataro b'a e na ururing baika a raraoi aika I a tia ni karaoi aikai nakon ana Tembora Atuau ao aomata naba ake a tia n taromauri iai.

Neemia 13:22

I tuangiia kanoan Rewi b'a a na katabuia ao a na teiakin taiani mataroa n te Taabati, b'a e aonga n teimatoa tabuna. E bon akoi ni koaua te Atua, ao I tataro b'a e na karaoa ae e raoiroi nako iu ma ni kakab'aiaai ngkai I a tia ni karaoa aei.

Neemia 13:31

I bon baaireia naba aomata b'a a na uoti taian aia i bukin te baonikarea ni katoa bong ao I baaireia naba b'a a na uoti moan m'akoron uaan aia tai nakon te Tembora. I tataro b'a e na kakab'aiaai te Atua i bukin b'aai aika a raraoi aika I a tia ni karaoi.

Neemia 5:19

I tataro b'a e na kakab'aiaai te Atua ni b'aai ni kabane ake I a tia ni karaoi nakoia au aomata.

Iobi 1:1

N ririki aika b'akanako, te aomata ae arana Iobi e maeka n te aba are Uti. Bon te aomata ae moan te raoiroi, ao e raarawa ni karaoa te m'akuri ae buakaka.

Iobi 1:8

Ao E a manga taku te Atua, “Ao ko nonora Au aomata are Iobi? Bon akea te aomata temanna n te aonnaba ae kakaonimaki man raoiroi riki nako ina. E tataromauriai, ao e kabanea korakora b'a e na aki karaoa te m'akuri ae buakaka teutana.”

Iobi 16:20

A tinanikuai raoraou, ao a tiinako rannimatau nakon te Atua.

Iobi 4:6

Ko karinea te Atua ao ko maiuakina te raoiroi, tai b'arannano!

Taian Areru 102:9

I kana te mannang kanga te am'arake, ao I rengana nimau n rannimatau,

Taian Areru 119:26

Ngke I kaoti nakoim au kaangaanga, ao Ko kaekai au tataro; Reireiai am Tua.

Taian Areru 119:49

Uringa te baere Ko a tia n taku nako iu, ngai ae am Toro, b'a Ko na karaoia; ngaia ae I mwiokoia.

Taian Areru 145:18

E tauraoi ni buokiia akana butiia ma nanoia ni koaua.

Taian Areru 25:7

Kab'arai au bure ake I karaoi ngke te kairake ngai. Te UEA, ururingai n ai aron am Tangira ae teimatoa ma am Raoiroi!

Taian Areru 26:1

Te UEA, Ko na kaeta taekau, B'a I karaoa ae eti, ao I onimakiniko ni koaua.

Taian Areru 26:3

E teitei i matau am Tangira ae teimatoa; Ao am kakaonimaki e teimatoa ni kairirai.

Taian Areru 32:2

E a kab'aia te aomata ane aki kabuakakaaki iroun te UEA, Ane akea naba te aro ni m'am'anaa te aba i rouna.

Taian Areru 39:13

I a butiiko ma tai manga bononnanoai, b'a I aonga ni manga kim'areirei i m'ain ae I nako, ao I a aki manga oki.

Taian Areru 6:6

I kua i bukini korakoran rawawatan nanou; e tingo nneu ni wene n te tairiki ae koraki i bukin tangiu; ao e rangi n roto uningau n rannimatau.

Taian Areru 6:7

I a aikoa bati n noraaba; a tibutau matau imwin tangu ni korakai irouia aiau.

Taian Areru 89:47

Uringa ae e kimototo maiu; uringa ae Ko karikira ni kabaneira b'a aomata aika iriani maiuia te mate.

Taian Areru 89:50

Tai m'aninga arou, ngai ae am Toro, ngke I b'ainingareaki, Ao ngke I taotaona nanou nakon taeka n iowawa mairouia botannaomata ake akea karineam irouia.

Itaia 38:14

I tang n ai aron te tuwaaro; I tanginiwenei n ai aron te taobe. A uraura matau i bukin kakaaeam, te UEA. I a tira. Taiaoka nakomai buokai. E a oneaki maiu nakon ae e maai; N na aki nakonako raoi ni karokoa mateu.

Itaia 63:11

Ma ana aomata a uringa te b'ai are e riki ngkoa n ana tai Moote E bon aki uotiia ngkoa te UEA ma aia taani kairiiri nako ma ni kaawakiniia raoi i nanon taari? E bon aki anganiia ngkoa Tamneina ae e Raoiroi?

Ieremia 4:2

Kam na karaoa te berita ti n arau, ao karaoa nanon are kam berita iai! Ao ane a na bane iai botannaomata n neboai, ao N na kakab'aiaia.

Amota 5:4

E taku te UEA nakoia Iteraera, “Nakomai ao kam na maiu.

Ruka 1:6

Ao a b'aina te maiu ae raoiroi Takaaria ma Nei Eritabeta i matan te Atua n aroia n tou mwin ana tua ma ana moti nako te Uea n aki bubure iai.

Ioane 1:47

Ngke E nora Natanaera Iesu b'a e nakoina, ao aikai ana taeka i bukina, “Noria, bon te Iteraera ni koaua ae b'ab'aina te eti!”

2.I-Korinto 1:12

B'a aio kamoamoara, ao ana kaotioti mataniwin nanora: b'a n arora ni maiu n te aonnaba aei, ao ai moa ra riki n arora nako imi, ao ti a tia ni b'aina te maiu ae tabu ae itiaki are mairoun te Atua, tiaki n te rabakau n aon te aba, ma n ana akoi te Atua.

Ebera 5:7

Ngke E maiu Iesu i aon te aba, ao E tataro ni bubuti ma te tang ae korakora ma ranni matana nakon Teuare kona te kamaiua man te mate, ao E ongo i Rouna i bukina b'a iai makan ma karinean te Atua i Rouna.