2.Uea 2:9 - Te B'aib'ara

⁹ Ao ngke a tia n roko n iteran te karaanga are teuana, ao e taku Eria, “Eritai, ae E nang anaai te UEA n te tai ae e aki maan. Tera ae N na karaoia nakoim i m'aain nakou?” Ao e taku Eritai, “I butiiko b'a ko na anganai uoua te tai okiokin m'aakam are ko anganiia burabeti ake te korakina, b'a I aonga n riki b'a oneani mwiim n riki b'a aia tia kairiiri.”

2.Uea 2:9 Iomraidhean Croise

1.Uea 19:16

Ao i mwiina, rinea Ieu are natin Nimti b'a e na uea i aon Iteraera, ao Eritai are natin Tiabata b'a e na onea mwiim ni burabeti.

1.Uea 3:9

I butiiko, kawanawanaai ao reireiai b'a N na ataa te kaokoro i marenan te raoiroi ma te buakaka, b'a I aonga n ataa arou n tautaekaniia am Aomata ae e korakora aei.

Taian Areru 72:1

Te Atua, Ko na reireina te uea am Motikitaeka ae Eti, Ao buokanib'ai ma ngaia n am Kaetitaeka ae e raoiroi,

Taian Areru 72:20

Aio tokin ana tataro Tawita are natin Iete.

Tekaria 12:8

N na kaawakina Ierutarem Ngai ae te Atua. E na bon korakora naba te aomata ae te kabanea ni mamaara ikekei n ai aron Tawita, ao e na tautaeka abanuean Tawita b'a kaanga bon Au anera ae e riki b'a ana tia kairiiri.

Tekaria 9:12

ma n anganingkami te kaantaninga. Okira ami nono, b'a N na anganingkami kaniwangami uoua okiokin ami b'ai akana a tia n reke iroumi.

Warekaia Iteraera 11:17

N na anganiia m'aakam teutana ngkana I maroroo ma ngkoe ikekei, b'a aonga ni kona n tararuaia naba aomata ma ngkoe. Ko nang aki manga tararuaia aomata n ti rab'atam.

Warekaia Iteraera 11:25

Ao ngke E taetae te UEA ma ngaia, ao te UEA, E anaa te m'aaka teutana mairoun Moote, ao E anganiia taani kairiri ake 70. Ao ngke a niniaki n te Tamnei, ao a takaarua n ai aroia burabeti. Ma bon ti aei te tai are a karaoa iai te aro aei.

Ioane 16:7

Ma I tuangngkami te koaua: e manena riki i bukimi nakou; b'a ngkana I aki nako, ao E aki roko iroumi te Tia Buobuoki. Ma ngkana I nako, ao N na kanakomaia nakoimi.

M'akuri 1:8

Ma ane kam na anganaki te m'aaka, ngkana E roko te Tamnei are Raoiroi i aomi; ao ane kam na riki b'a taan tataekinai nakoia aomata i Ierutarem ao n taabo nako i Iuta, ao i Taamaria, ao i aonnaba ni kabuta.”

M'akuri 8:17

A katokai baiia ngkanne Betero ma Ioane i aoia, ao a anganaki te Tamnei are Raoiroi.

1.I-Korinto 12:31

Ma kam na tangiri riki b'aai n tituaraoi aika moa ni kakannato.

Te Tua-Kaua 34:9

Ao i m'aain maten Moote, ao e a tia ni katokaa baina i aon Iotua, ao E a tia te UEA n angan Iotua te wanawana. Ao a kakauongo raoi Iteraera nakon baike e taekin Iotua ma n ongotaeka nakon taian tua ake E a tia te UEA n angan Moote.

1.Timoteo 5:17

A riai unimm'aane aika raoiroi aia kairiri n iangoaki b'a e riai ni kataboroaki nakoia booia, ai moa ra riki nakoia te koraki aika korakora aia m'akuri ni kab'arab'ara ma n reirei;