2.Uea 2:8 - Te B'aib'ara

⁸ Ao ngke a uaia n roko ikekei ngaia ake uoman, ao e buuta kunnikaina Eria, ao e niiroaia ni waerake ao e orea iai te ran. Ao n te tai naba arei, ao e uki te kawai i nanon te karaanga, ao a kaai ni m'ananga ngaiia ake uoman i aon te tano ae m'au.

2.Uea 2:8 Iomraidhean Croise

1.Uea 19:13

Ao ngke e ongo Eria, ao e karabai matana n ana kunnikai. Ao e otinako ao e tei i matan te nangananganib'a, ao E taku te UEA nakoina, “Eria, e aera ngkai ko nako mai?”

1.Uea 19:19

Ao e nako Eria, ao e noora Eritai ngke e tabe ni kamaraua tanon ana tawaana n ana kaom'aane aika uoman. Boni iai naba tengaun ma temanna riki m'aane aika a mena i matana, ao a bon tabe naba ni kamaraua te tano n taian kaom'aane aika uoman. Ao e nako Eria ni kawariia ao e katokaa ana kunnikai i aon Eritai.

2.Uea 2:14

E orea te ran n te kunnikai arei, ao e mataku ao e taku, Tera ngkana E karaoi kakai te UEA n aron are E karaoia ngkoa nakon Eria? Ao ni bon te tai are e karaoa aei iai Eritai, ao e a uki naba te kawai ae e m'au i nanon te ran, ao e a m'ananga i nanona.

Te Otinako 14:29

Ao Iteraera, a bon karauia n nakonako i taari i aon te tano ae m'au, ma taari aika a tei kaanga taian o n itera ake uoua.

Itaia 11:15

E na kam'autereterea m'aangan Taari are Uraura te UEA are i rarikin Aikubita, ao e na kanakoa te ang ae e kabuebue b'a e na bwenaua te Karaanga are Iuberetiti nakon itiua m'aangana aika a konaa n nakonako i nuukana aomata.

Ebera 11:29

I bukin aia onimaki Iteraera, ao a ri nukan Tari are Uraura n ai aron ae kanga a nakonako i aon te tano ae m'au; ao ngke a kataia I-Aikubita ni karaoa naba aei, ao a iekaki n te ran ao a mate.

Ebera 11:37

A karebanaki n atibu, a kaririaki, a korouaki n taao, a kamateaki n te kabaang, a tiotio nako ni kunnikaiia ni kunnikai aika karaoaki mani kuniia tiibu ma kooti. Akea aia b'ai, a kamarakaki, a b'ainikirinaki;

Te Kaotioti 16:12

Ao te anera are te kaonoman e kab'aroa kanoan ana boora i nanon te karaanga are ab'ab'aki are te Iuberetiti; ao e oora n akea ranna, b'a e aonga ni katauraoaki kawaia uea ake mai mainiku.

1.Tamuera 28:14

Ao e titiraki ni kaangai, “Ao ti te bo taraana ma antai?” Ao e kaeka neierei ni kaangai, “E kunnikainna n te niiniira.” Ao i mwiin arei, e a ataia Tauro b'a Tamuera, ao e boobaraaki nako aontano ni karinea.