2.Uea 2:5 - Te B'aib'ara

⁵ Ao a titirakina Eritai te koraki ni burabeti teuana aika a maeka ikekei ni kaangai, Ko ataia ae E nang uotaanako am mataniwi te UEA n te bong aei? Ao e kaeka Eritai ni kaangai, Eng, I bon ataia, ma an tai manga tuangai.

2.Uea 2:5 Iomraidhean Croise

Karikani B'aai 48:19

Ao e rawa tamana, ao e taku, “I ataia, I bon ataia. E na boni m'aiti naba kanoan Manate, ao e na riki naba b'a te botannaomata ae korakora. Ma e na korakora riki te bina aei nakoina, ao e na riki kanoana b'a te botannaomata ae korakora.”

1.Uea 20:35

Ao n te tai aei e a tuangaki te burabeti iroun te UEA b'a e na kaangai nakon raoraona, “Oreai.” Ma e rawa raoraona arei n oreia,

2.Uea 2:3

Ao a titirakina Eritai te bootaki ni burabeti teuana ae a maeka ikekei ni kaangai, Ko ataia ae e nang uotaki nako am mataniwi iroun te UEA n te bong aei? Ao e taku Eritai, Eng, I bon ataia, ma an tai manga tuangai.

2.Uea 4:1

Ao te bong teuana, ao e taku neiere buun ana burabeti te UEA temanna ae e a tia ni mate nakon Eritai, Bon am tia m'akuri naba temanna teuare buu ngke e maiu, ao bon te tia taromauria naba te UEA. Ma e taarau iroun te aomata temanna, ao ngkai e nang anaiia natiu m'aane aika uoman aikai te m'aane anne b'a ana toro.

2.Uea 5:22

Ao e taku Keati, “Eng, b'a e kanakoai au toka b'a N na tuangko i bukiia uoman burabeti aika ataei aika roko man Maungan Eberaim. A roko ni buubuti buokaia, ao e butiiko Eritai ngkana tao ko konaa n anganiia 34 te kirokuraem te tirewa ao kunnikai aika a boou?”

2.Uea 6:1

N te bong teuana a taetae taiani burabeti nakon Eritai ni kaangai, “E rangi ni uarereke te tabo are ti kaboowi iai ma ngkoe.

2.Uea 9:1

N te bong teuana ao e wetea temanna mai buakoia burabeti ake tekorakina Eritai, ao e taku, “Anaa te b'atoro ni b'aa n oriwa aei, ao katauraoiko b'a ko na nako nakon te kaawa are Ramota Kireata.

Te Minita 3:7

te tai n raeuai b'aai ao te tai n ituui b'aai, te tai ni kakauongo ao te tai n taetae.

Itaia 41:1

Tai kakarongoa ao kakauongo, abam'akoro ni kabane i nanon te marawa. Kakorakoraingkami ao kaaningkami, aomata ni kabane aika taiani botannaomata. Ti na iangoa aron te b'ai ae e riki aei!

Amota 7:14

E kaeka Amota, “Tiaki ngai te aekaki ni burabeti ae m'am'akuri i bukin kabooana. Bon tiaki ngai te burabeti, ma bon te tia kaawakin man ngai, ao I kaawakin naba aroka aika taian biiku,

Ab'akuka 2:20

E mena te UEA i nanon ana Tembora are e tabu, ke a bane kaain aonnaba ni kainab'aabu i matana.

Ruka 24:51

Ngke E tabe n taetae ni kakab'aiaia, ao E raure ma ngaiia, ao E uotaki nako karawa.

M'akuri 1:11

ao a taku, “Mm'aane aika I-Kariraia, kam aera ngkai kam tei n tara rake nako karawa? Iesu aei, are uotaki rake mai roumi nako karawa, E na manga nako mai n te aro ae ti te bo naba ma aron ae kam noria iai ngkai, ngkae E nako karawa.”

M'akuri 1:2

ni karokoa te bong are E uotaki rake iai nako karawa, i mwin tiana n anga ana mwioko iroun te Tamnei are Raoiroi nakoia taan tuatua ake E a tia n rineia.

M'akuri 26:25

Ma e kaeka B'auro ao e taku, “Beteto ae ko moani kakannato, I aki rangirang, ma I atongi taeka aika koaua aika eti.

1.Tamuera 10:5

Ao i mwiina, kam na manga nako Kibea, ike a kaemb'a iai aia taanga ni buaka kaain Biritia. Ao ngkana kam tabe ni m'ananga nakon te kaawa, ao ane kam na kaaitibo ma koraki n burabeti aika ruorikaaki man te tabo n taromauri. Ane a na nakonako man taetae ni burabeti ao tabeman ane a na nakonako i moaia ma ni katangtang n taian aabi aika uarereke, ma taian turam aika uarereke, ao taian kaib'ab'aa.