2.Uea 2:1 - Te B'aib'ara

¹ Tabeua te tai i m'aain anaakin Eria nako karawa n te ang ae e korakora iroun te UEA, ao a kaai ni kitana Kirekara Eria ao Eritai.

2.Uea 2:1 Iomraidhean Croise

Karikani B'aai 5:24

E kabanea maiuna n iraorao ma te Atua, ao i mwiina, e a bon bua nako naba, b'a E anaia te Atua.

1.Uea 18:12

Tera ngke E waekoa n anaiko Tamnein te UEA n te tai are I kitaniko naba iai? B'a ngkana e roko Aaba n anaiko ao ko na bon aki reke i rouna. Ao ane e na manga bon tiringai. I bon tataromauria te UEA mangke te ataeinim'aane ngai.

1.Uea 19:11

Ao E taku te UEA, “Ko na otinako, ao naako tei i aon te maunga. I tangiria b'a ko na noorai ngkana I rirarikim.” Ao e karina n roko te ang ae moan te korakora ni ioioa te maunga, ao ni katabwenabwenai taiani b'a. Ma E bon aki mena naba te UEA i nanon te ang ae moan te korakora. Ao i mwiina, e a manga roko te m'aeiei, ma e aki mena naba i nanon te m'aeiei.

1.Uea 19:4

ao e a manga m'ananga i nanon teuana te bong nakon te rereua. Ni karokoa e a roko n te buakoako teuana ae korakora ao e a tekateka i aan nuuna. E a tataro ni buubutii nakon te UEA ni kaangai, “E a bati n tau. An tiringai. A kakab'aiaki riki au bakatibu nako iu.”

2.Uea 1:18

A tauaki mwiini b'aai ni kabane ake e karaoi Aatia i nanon ana tai ni uea i nanon te boki are Rongorongoia Uean Iteraera.

2.Uea 2:11

Ao a tabe ni m'ananga ma n taetae nikawai ngke e a ti rina naba ni kaoti i marenaia te kaanibuaka ae e ura ae e katikitikaki irouia aoti aika a ura rab'ataia. Ao n te tai naba arei, ao e a roko te ang ae e korakora ni uotaarake rab'atan Eria nako karawa.

2.Uea 4:38

Rimwi riki, ao e nako Kirekara Eritai, ao e a roko te rongo n te aba arei. N te bong teuana ngke a boowi burabeti ake a maeka ikekei ma Eritai, ao e taku Eritai nakon ana tia m'akuri, “Kukana te am'arake n te b'aata ae e buubura, i bukiia burabeti aikai.”

Iobi 38:1

Ao e taetae te UEA nakon Iobi mai buakon te angibuaka ni kaangai:

Ruka 9:51

Ngke e a kan roko te tai are E nang uotaki rake iai Iesu nako karawa ao E motika nanona b'a E na nako Ierutarem.

M'akuri 1:9

Ngke E a tia n atongi baikai, n te tai are a tabe n tarataraia iai taan tuatua, ao E uotaki rake; ao a aikoa noria ngke a tukaki mataia n te nang.

Ebera 11:5

I bukin ana onimaki Enoka, ao e uotaki rake ngke e maiu b'a e na aki bo ma te mate; ao e aki manga noraki b'a E uotia rake te Atua. B'a i m'ain uotakina rake, ao iai kakoauaana b'a e kakukureia te Atua.

Iotua 4:19

A ri nanon te Ioretan aomata ni katebwinan bongin te moan nam'akaina. Ao a kaemb'a i mainikun Ieriko i Kirekara

Iotua 5:9

E taku te UEA nakon Iotua, “I kataenakoa mai aomi n te bong aei rawawatan taekami b'a toro ngkami ngkoa i Aikubita.” Ao bon aei bukina are a arana iai te tabo arei Iteraera b'a Kirekara ni karokoa boong aikai.

Te Kaotioti 11:12

Ao burabeti ake uoman akekei a ongo te b'anaa ae korakora mai karawa ae kaangai nakoia, “Kam na rierake nako ikai.” Ao a rierake nako karawa n te nang; ao aia kairiribai a tarataraia.