2.Uea 16:3 - Te B'aib'ara

³ ao e buakaka riki arona nakoia uean Iteraera. E anga ae bon oin natina b'a te karea, are bon te m'akuri ae moan te kam'araa are a kakaraoia ngkoa botannaomata ake e kakionakoia nako te UEA mai Iteraera.

2.Uea 16:3 Iomraidhean Croise

1.Uea 14:24

Ao ae e a rangi ni buakaka riki, ainen matawa b'a a na m'akuri n te baangota, ma ni karaoi katei aika a kammaira, aika kateia botannaomata Ianena are e a tia ngkoa te UEA ni kanakoia mai aoni Kanaan.

2.Uea 17:16

A aki ongotaeka Iteraera nakon ana Babaaire te UEA ae Atuaia ni kabane. A karaoi uoua bouananti aika koora, aika katotoongan te kaoteteei, ao a katei baangotan Nei Aatera, a taromauri naba taiani itoi, ao te anti are B'aara.

2.Uea 17:17

A kabonganaa te tabunea, ao m'akuri ni ibonga i bukiia anti, ao a anga oin natiia b'a taiani karea. A kakaraoi b'aai ake E ribaai te UEA Iteraera.

2.Uea 17:19

ma a bon aki ongotaeka nakon ana babaaire te UEA, ao a karaoi naba aia m'akuri Iteraera.

2.Uea 17:8

ma ni katotoonga kateia botannaomata ake E kanakoia ngkoa te UEA mai Iteraera, ao kaanga ai aron aia bure uean Iteraera.

2.Uea 21:11

E a tia te uea are Manate ni karaoi riki b'aai aika a kam'araa riki nakoia kaain Amora, ao e a tia ni karekeia au Aomata n te bure ngke e kairoroia b'a a na taromauria ana bouananti.

2.Uea 21:2

E aki ongotaeka Manate iroun te UEA ngke e katotongi katei aika buakaka ake kateia te botannaomata ake a kanakoaki iroun te UEA mai Iteraera.

2.Uea 21:6

ao e boni katea naba te boua ae Nei Aatera ikekei. E kakaraoa te m'akuri n tabunea, ma ni kan riki b'a te tia tabunea;

2.Uea 21:9

Ma a aki ongotaeka kaain Iuta nakon te UEA. A ongo iroun Manate, ao a karaoi riki b'aai aika a kam'araa nakoia botannaomata ake E a tia te UEA ni kanakoia.

2.Uea 23:10

E kanakoia tabeman m'aane Iotia nakon te M'arua are Innom are i tinanikun Ierutarem ma ana taeka ae a na aki kariaiakaki baonikarea ikekei b'a b'aai n taromauri. N te aro anne, are a aki konaa iai aomata ni manga kamanenai i bukin kareanakin aia ataei nakon Moreka.

2.Uea 8:18

E aki ongotaeka Ieoram nakon te UEA b'a e karaoi m'akuri aika a bure. E mareaki ma natin Aaba te aine, ao e bure n ai aroia ana utu Aaba, ao uean Iteraera ake tabeman.

2.Rongorongo 22:3

ao e kaungaa natina te m'aane b'a e na bure nakon te UEA ni katotongi aia m'akuri aika a bubuaka te uea are Aaba ma ana kariki.

2.Rongorongo 33:2

E aki ongotaeka Manate iroun te UEA ngke e katotoongi kateia botannaomata ake e kakioia nako te UEA mai aon Iteraera.

2.Rongorongo 33:6

ao e katea naba te atiibu are taamnein antiia ianena. E kaakaraoa naba taiani m'akuri n tabunea ao ni b'ainikawai,

Taian Areru 106:35

Ma a i raorao ma ngaiia, ao a b'ain aia katei.

Itaia 57:5

Ti te b'ai ae kam iaiangoia bon te wene ni bure i aan taian aroka aika a mawaawa aikai ike a mena iai ami bouannanti aika kam taataromauri. Kam kareaniia natimi i aon taiani baonikarea ake a karaoaki i nanon taian m'arua i aan nanganangan b'aa.

Ieremia 32:35

Ao a kairiia kaain Iuta nakon te bure ngke a manga karaoi taabo i bukin taromaurian B'aara n te M'arua are Innom, ike a karean iai natiia mm'aane ma natiia aine nakon Moreka. I bon tuai man tuangiia b'a a na karaoi buure aika a rangi n ribaaki aikai.

Etekiera 16:21

Ko tiringiia natiu, b'a ko aonga ni konaa n anaia b'a am karea.

Etekiera 16:47

Ko katotoongi maiuia ao kateia aika a buakaka, ao n te tai ae e waekoa ko a manga rangi n ribaaki riki nakoia.

Etekiera 20:26

ao I kariaia b'a a na anga nako iu taiani karea aika a aki kariaiakaki, n reitaki ma naati m'aane ake taiani karimoa. I karaoa aei b'a N na kakamaakuia b'a a na ataia b'a boni Ngai ae te UEA ae I katuaaia.

Etekiera 20:31

b'a a manga taromauri bouannanti ao a anga oin natiia b'a taiani karea. A karaoi taiani bure aikai ao a bon teimatoa naba ni kaantaningaia b'a a bon konaa n bubutiai te rongorongo b'a N na kaotia nakoia. Ngkai bon te UEA ae te Atua Ngai ae I maiu, ao N na bon aki anganiia te kaeka.

Nakoaia Ibonga 18:21

Ko na tai anga natim nakon taromaurian te atua are Moreka, b'a anne boni kamaamaean aran te Atua, are te UEA.

Nakoaia Ibonga 20:2

b'a e na kaangai nako ia Iteraera: Te tuaa nakoia kaain te aba ao iruwa ngkana a anga natiia b'a te karea nakon te anti are Moreka bon te karebanaaki n te atiibu ni karokoa te mate.

Mika 6:7

E koaua b'a E na kukurei te UEA ngkana I uoti nakoina tiibu aika m'aane aika ngaa, ma b'aan te oriwa ae e bure baireana? E koaua b'a N na anganna moan natiu b'a au karea ni kab'arabure?

Te Tua-Kaua 12:31

Kam na bon aki karaoa anne. B'a te UEA, E ribaai aroia botannaomata aikai n taromauriia antiia, i bukina b'a a kabuoki natiia m'aane ao natiia aine b'a aia karea.

Te Tua-Kaua 18:10

Kam na aki kareani natimi m'aane ke natimi aine. Ao kam na aki naba kataia ni karaoi taian m'akuri n tabunea, ke m'akuri ni ibonga irouia anti n tataekin kanoan boong aika tuai roko ke ni kamaraiaia aomata, ke n taetae ma tamneia aika mate.