2.Uea 13:6 - Te B'aib'ara

⁶ Ma e a tia Ataera n urubekei ana b'ai ni buaka Iteraera ngke e kataenikaia n te aro are e tiku Ieoaati ma ti tebwiina ana kaanibuaka, nimangaun tautia ake a toka i aoia aoti, 10,000 tautia aika a bane aroia aika nikiraia ana tautia.

2.Uea 13:6 Iomraidhean Croise

1.Uea 14:16

E tuuriia Iteraera ana bure Ieroboam, ao a riki b'a taani bure Iteraera iai. Ma ngaia are, E nang kamaunaa Iteraera te UEA.

1.Uea 15:3

E aki rangi ni kakaonimaki Abiiam nakon te UEA ae Atuana n aron ae a tia ni karaoia ana bakatibu are Tawita, ma e bon aki toki ni bubure n aron tamana are Roboam.

1.Uea 16:26

Bon ti te bo raoi arona ma Ieroboam ao e kauna te UEA ae Atuan Iteraera ngke e karikiia Iteraera b'a taani bure ao taan taromauri bannaia anti.

1.Uea 16:33

ao e katea te atiibu ae e tabu i bukin taromaurian te anti te aine are Nei Aatera. E boni karaoi b'aai aika e na rangi n un iai te UEA ae Atuan Iteraera nakoia uea ake mai m'aaina.

2.Uea 10:29

Ma e aki katoka taromaurian bouanantin te kaoteteei ae te koora i Taan ao Betaera, are e a tia ni kateia Ieroboam b'a e na taromauriaki irouia aomata.

2.Uea 13:11

E aki ongotaeka nakon te UEA ngke e karaoa naba are e karaoia ngkoa Ieroboam, are e kareketatiia Iteraera n te bure.

2.Uea 13:2

ao e aki ongotaeka iroun te uea ngke e karaoa te m'akuri ae e kaairua. E aki toki ni katotoonga Ieroboam, are e a tia ni kairiia Iteraera nakon te bure.

2.Uea 17:16

A aki ongotaeka Iteraera nakon ana Babaaire te UEA ae Atuaia ni kabane. A karaoi uoua bouananti aika koora, aika katotoongan te kaoteteei, ao a katei baangotan Nei Aatera, a taromauri naba taiani itoi, ao te anti are B'aara.

2.Uea 18:4

E urui taiani baangota, ao i mwiina, e kamaaei bannaia anti ianena, ao e korouaa te boua ae tabu are b'ain taromaurian Nei Aatera. E urubekea naba te naeta te buraati are e karaoia ngkoa Moote. A aranna aomata b'a Neutitan ao a tia n angaanga karea nako ina.

2.Uea 21:3

E a manga katei taian bouananti ake e a tia tamana are Etekia n urui. E a manga karaoa te baonikarea i bukini Baara ao e katea naba te boua ae e tabu i bukin taromaurian te anti are Nei Aatera, n aron are e a tia ni karaoia ngkoa uean Iteraera are Aaba. Ao e kakaonimaki n taromauria itoini karawa.

2.Uea 23:4

Ao Iotia e tuangiia Irekia are te ibonga ma taiani kauoman ni ibonga, ao taan tei ni mataroan te Tembora b'a a na rin i nanon te Tembora ma ni kaotinakoi b'aai ake a kabonganaaki i bukin taromaurian B'aara, ma Nei Aatera, ao taiani itoi. E kabuoki b'aai aikai Iotia ni M'aruan Kiteron n are i tinanikun Ierutarem, ao e anai mannangiia ni uoti nakon te kaawa are Betaera.

Itaia 26:10

E ngae ngkana e akoaki naba te aomata ae e buakaka i aon aban te eti aei, a karaoa ae kaairua ao a matakii nakon mimitongim, ara UEA.

Te Tua-Kaua 7:5

Ma ngaia are, ngkana kam kataenikaiia botannaomata aikai, kam na urui aia baonikarea are a taromauriia iai atuaia. Urui aia baangota, ao kab'akai taiani atiibu ake a tataromauri atuaia te aine are Nei Aatera, ao karenakoi aia bouananti nako nanon te ai.