2.Uea 11:4 - Te B'aib'ara

⁴ E a tia ni karabaaki Ioati are natin Aatia te m'aane i nanon ana Tembora te UEA i nanon onoua te ririki. Ao i nanon te kaitiua n ririki, ao e a kanakoa weteaia mataniwiia taan teiakina te uea, te ibonga are Ieoiata, ao n reitaki naba ma mataniwiia taan tei n te bareti. A kaaitibo ma ngaia n te Tembora, ao e buubutiia b'a a na berita nako ina n aran te UEA. Ao i mwiina, e kaotinakoa Ioati,

2.Uea 11:4 Iomraidhean Croise

Karikani B'aai 50:25

Ao i mwiina, e a bubuti Ioteb'a nako ia ana aomata b'a a na berita, ao e taku, “Kam na berita nako iu, b'a ngkana E kairingkami te Atua nakon te aba arei, ao kam na uota naba rab'atau ma ngkami.”

2.Tamuera 20:23

Ioaba bon mataniwiin ana taanga ni buaka Iteraera ae e b'anin. Benaia are natin Ieoiata te m'aane boni ngaia are e tararuaia taan tararuaa Tawita.

2.Tamuera 8:18

Benaia are natin Ieoiata bon te kam'anta irouia taan tararua Tawita. Bon taiani ibonga natin Tawita aika m'aane.

1.Uea 14:27

Ao e onei mwin otanga koora Roboam n taian otanga aika buraonti, ao e tuangiia taan tararuaa mataroan b'a a na tararuai raoi taian otanga ake buraonti.

1.Uea 18:10

I tuea nakoim n aran te UEA ae maiu ae Atuam b'a e a tia te uea ni kakaaeko n taabo nako. E kanakoia aomata b'a a na tarataraiko n aaba nako, ao ngke a bon aki roko n te kuneko ao e tuangiia taani kairiiri ni kabane n aaba nako b'a a na tuea ae bon akea ngkoe i abaia.

2.Uea 11:17

Ao Ieoiata are te ibonga, e bubutiia Ioati, ao aomata b'a a na berita b'a a na kakaonimaki bon nakoia n tatabemaniia, ao nakon te UEA.

2.Uea 11:19

ao e a weteia ni kabane mataniwiin te taanga ni buaka, ao taan teiakina te uea aika a bane aroia, ao tan teiakina te bareti, ao aomata. A kaira Ioati man te Tembora, ri nanon aia mataroa taan tei nako nanon te bareti. E tekateka i aon te kaintokanuea, ao e riki b'a uean Iuta.

2.Uea 11:3

E karabaaki Ioati i nanon te Tembora ma Nei Ieotieb'a i nanon onoua te ririki ngke e riki b'a te ueanaine Nei Ataria i aon Iuta.

2.Uea 11:9

A ongotaeka taani kairiiri irouia taan tei akekei iroun Ieoiata. A weteia ni botiia aia taan tei n tatabemaniia nako, ake a m'akuri ma ake a motirawa.

2.Uea 12:7

ao e a wetea Ieoiata ao ibonga ake tabeman ao e taku, E aera ngkai kam aki kabongana te m'ane i bukin onob'aian te Tembora? Kam na aki manga anaa te m'ane bon i bukimi. E na ti kamanenaaki i bukin te onob'ai.”

2.Uea 23:3

Ao ngke e a bane a na wareware Iotia, ao e tei i rarikin te boua teaina. Ao e tuangiia aomata b'a a na berita n aran te UEA b'a a na kakaonimaki nakon te UEA ma ni irii nanon ana kaetieti. Ao a kariaia aomata b'a a na karaoi b'aai ni kabane ake a koreaki i nanon te boki.

1.Rongorongo 9:13

Bootan m'aitiia ibonga bon 1,760, ao bon taani kairiiri ngaiia man aia utu n aia kaainga ao a tia ni kataneiaki b'a taani m'akuri n te Tembora.

2.Rongorongo 15:12

A karaoa te berita ae e matoa b'a a na taromauriia te UEA ae te Atua are e a tia n tataromauriaki irouia aia bakatibu,

2.Rongorongo 29:10

Ma ngaia are, I a tia n baaireia b'a ti na manga kabooua ara boraraoi ma te UEA ae Atuan Iteraera. E na mena ngkoa ao e a ti toki naba iai unna iroura.

Neemia 10:29

Ma ngaia ae, ti anga ngaira nako aan ana kamaraia te UEA ae Atuara, ngkana ti a manga aki ongotaeka naba nakon ana tua ao ana reirei ake ti anganaki iroun ana toro are Moote.

Neemia 5:12

Ao a taku taani kairiiri, “Ti na karaoi b'aai ni kabane akana ko taekin ao ti na kaoki aia b'ai, ao ti na aki tangiri booia.” Ma ngaia are, I tuangiia taani kairiiri b'a a na berita i mataia ibonga b'a a na kaoki aia b'ai aomata.

Neemia 9:38

Ma ngaia are, e a karaoaki te berita ae e kab'aataki irouia taani kairiiri, kanoan Rewi, ao taiani ibonga.

M'akuri 5:24

Ngke e ongo taeka akekei aia mataniwi bureitimanin te Tembora, ma ibonga ake mataniwi, ao a nanokokoraki iai, b'a e na kanga n riki te baerei.

M'akuri 5:26

E nako ngkanne aia mataniwi bureitimanin te Tembora ma raona ake bureitiman naba, ao a kairiia taan tuatua n aki tauia ma te matoa, b'a a makuia aomata, b'a a kaawa ni karebanaki.

Iotua 24:25

Ao e karaoa te boraraoi Iotua i bukiia aomata ma te UEA n te bong arei, ao e anganiia taian tua ma kawai ake a na riai n iri nanoia.

1.Tamuera 18:3

Ao e rangi n tangira Tawita Ionatan n te aro are e berita b'a e na riki b'a raoraona n taai nako.

1.Tamuera 23:18

Ao a kaai ni karaoa aia berita n iraorao imarenaia ni kauoman, E tiku Tawita i Oreti, ao e okira mwengana Ionatan.