2.Uea 10:6 - Te B'aib'ara

⁶ Ao e manga korea riki ana reta Ieu ao e taku, “Ngkana kam mena n au itera ao kam ongotaeka irou, ao kam na kaota koauana. Kam na uoti nako iu atuiia ana kariki nako Aaba. Ao kam na mena ikai i Ietireera n te tai naba ae aron aei nakon te ingabong.” A kaai ni maeka ana kariki Aaba ake itingaun ma aomata aika a rangi ni kakannato n te kaawa.

2.Uea 10:6 Iomraidhean Croise

2.Uea 10:5

Ao mataniwin te bareti, ma mataniwiin te kaawa, ai uana naba ma taani kairiiri nako, ao ake a teetei i bukin Aaba, a kanakoa aia rongorongo nakon Ieu ae e kaangai, “Teuae ko karineaki, bon am toro ngaira. Ao ti na karaoi b'aai ni kabane aika ko tuangiira. Ma bon tiaki ara b'ai te rinea temanna b'a e na uea. Ko a boni karaoa ane ko taku b'a te kabanea n tamaroa.”

2.Uea 10:7

Ao ngke a wareka ana kauoua n reta Ieu aomata akekei, ao a weteia ana kariki Aaba ake itingaun ni kabane. A tiringiia, ao a nnei atuiia i nanon te b'aatiketi, ao a kanakoi nako Ietireera.

2.Uea 10:9

N te ingabong are i mwiina, ao e otinako Ieu, ao e tei n te tabo are a na konaa n ongo iai aomata ni kabane b'anaana, ao e taku, “Bon akea ami bure aomata, b'a boni ngai ae I baairea aron kaaitaraan Ieoram ma tiringakina. Ma antai ae e tiringiia m'aane aikai ni kabane?

2.Uea 9:32

Ao e tararake Ieu nakon te winto ao e titiraki ni kaangai, “Iai ae e tei n au itera ae e mena i eta ikekei?” Ao a kaotinakoi atuuia tabeman taani m'akuri n te bareti man te winto,

Iobi 21:19

Kam taku b'a E katuaaia ataei i bukin aia bure tamaia. Tiaki ngaia anne! Ke E bon katuaaia taani bure te Atua n oin aia bure; ke E bon kaotia b'a E karaoa aei i bukin aia bure.

Warekaia Iteraera 25:4

Ma ngaia are, E taku nakoni Moote, “Kairiia taani kairiri ake a karika te b'ai aei, ao tiringiia boni i matan au Um'antabunrianna ike a na kona n nooraki iai irouia aomata ni kabane. E na mena ngkoa, ao e a ti toki naba iai uniu i rouia Iteraera.”

Mataio 12:30

Ane aki mena i Rou, ao e rawa nako Iu; ao ane aki uaia ni boboti ma Ngai, ao e kamaae nako.

Ruka 9:50

Ma E taku Iesu nako ina, “Tai katokia; b'a te aomata ae aki rawa nako imi ao bon raomi.”

Te Tua-Kaua 5:9

Kam na aki bobaraaki n taromauriia taiani bouananti. Bon te Atua ngai ae Atuami, ao I tangiria b'a kam na kabanea nanomi nako Iu. Ngkana kam aki kubarai ma n taromauriia taiani bouananti, ao N na katuaaia kanoami ni karokoa te katenroro ma te kaaroro.