2.Uea 10:5 - Te B'aib'ara

⁵ Ao mataniwin te bareti, ma mataniwiin te kaawa, ai uana naba ma taani kairiiri nako, ao ake a teetei i bukin Aaba, a kanakoa aia rongorongo nakon Ieu ae e kaangai, “Teuae ko karineaki, bon am toro ngaira. Ao ti na karaoi b'aai ni kabane aika ko tuangiira. Ma bon tiaki ara b'ai te rinea temanna b'a e na uea. Ko a boni karaoa ane ko taku b'a te kabanea n tamaroa.”

2.Uea 10:5 Iomraidhean Croise

1.Uea 20:32

Ao a karin taiani baeki aika mka, ao a katokai taian roobu i aon atuuia, ao a nako ni kawara Aaba ao a taku, “E buubutiiko am toro are Benatata b'a ko na aki tiringnga.” Ao e taku Aaba, “E boni maiu? Bon ti te bo tangiran Benatata ma tariu.”

1.Uea 20:4

Ao e taku Aaba, “Te uea ae ko karineaki. Bon am b'ai au b'ai ni kabane n ikotaki naba ma ngai.”

2.Uea 10:6

Ao e manga korea riki ana reta Ieu ao e taku, “Ngkana kam mena n au itera ao kam ongotaeka irou, ao kam na kaota koauana. Kam na uoti nako iu atuiia ana kariki nako Aaba. Ao kam na mena ikai i Ietireera n te tai naba ae aron aei nakon te ingabong.” A kaai ni maeka ana kariki Aaba ake itingaun ma aomata aika a rangi ni kakannato n te kaawa.

2.Uea 18:14

E kanakoa ana rongorongo Etekia nakon Tennakeriba, are e mena n te kaawa are Rakiti: I ataia b'a I boni bure ngke I kakaaitarako. Ma N na kabooi mwiin b'aai ni kabane n aron ane ko tangiria, ngkana ko katoka buakanakira. Ao Tennakeriba e tuanga Etekia b'a e na kab'aka nako ina 11 te tan te koora.

Ieremia 27:17

Ngkana kam iangoia b'a kam na ongotaeka i roun uean B'aburon, ao kam na maiu. Ma ngkana kam ongo irouia burabeti aikai, ao e na riki te kaawa aei b'a b'ariko ni b'ai aika a uruaki.

Warekaia Iteraera 11:12

ao bon tiaki natiu. Ko tuangai b'a N na tabeakiniia, ma ni kairiia nakon te aba are Ko berita iai nakoia aia bakatibu.

Ioane 12:26

Ane toro irou, ao e riai n irirai; ao ike I mena iai, ao e na mena naba iai au toro; ane toro irou, ao e na karineaki iroun Tamau.

Iotua 9:11

A tuangiira ara taan kairiri ma aomatan abara b'a ti na uoti ara tianaki aika a tau i bukin te m'ananga, b'a ti na butim'aai ngkami. A tuangiira naba b'a ti na tuangkami b'a e mena taekara i nanon baimi, ao ti na bubuti ngkami b'a kam na karaoa te boraraoi n raoi i marenara ma ngkami.

Iotua 9:8

Ao a kaangai uakekei nakon Iotua, “Taekara ane i nanon baim.” E titirakiniia Iotua ni kaangai, “Antai ngkami ao kam nako mai ia?”