2.Uea 1:9 - Te B'aib'ara

⁹ Ma ngaia are, e kawaekoa ni kanakoa te aobitia n te taanga ni buaka ao nimangaun tautia b'a a na kawara Eria. E karaua n tekateka Eria i aon taubukin te maunga n te tai anne. Ao a tam'arake aobitia akekei nako ina ao a taku, ana Aomata te Atua. E tua te uea b'a Ko na ruo ni kawaria ni maroroo ma ngaia.

2.Uea 1:9 Iomraidhean Croise

1.Uea 17:18

Ao e takaarua neierei nakon Eria ni kaangai, Tera ae I a tia ni karaoia nakoim ae e kaairua? I taku ngai b'a Ana burabeti te Atua ngkoe. Ko bon roko b'a ko na tiringa natiu te m'aane, b'a kauringaakiu n au bure nakon te Atua?

1.Uea 18:10

I tuea nakoim n aran te UEA ae maiu ae Atuam b'a e a tia te uea ni kakaaeko n taabo nako. E kanakoia aomata b'a a na tarataraiko n aaba nako, ao ngke a bon aki roko n te kuneko ao e tuangiia taani kairiiri ni kabane n aaba nako b'a a na tuea ae bon akea ngkoe i abaia.

1.Uea 18:4

Bon Ob'aria are e karabaia 100 Ana burabeti te UEA n taian nangananga ni b'a ake uoua ao e kakarekei kanaia ma nimaia ngke e kataia Nei Ietebera n tiringiia. Ao e kanaanako wetean Ob'aria te uea are Aaba

1.Uea 18:42

Ao e nako Aaba, ma e aki nako Eria b'a e a manga oki n tam'arakea taubukin te Maunga are Karemera. Ao ngke e roko i taberana, ao e bobaraaki ni kabo matana ma te tano

1.Uea 19:2

Ao e kanakoa te reta neierei nakon Eria ae e kaangai, “Ko tiringiia au burabeti. Ao ngkai N nang manga tiringko. Bon au tataro b'a a na katuaaeai anti n te aro ae e rangi ni korakora ngkana I aki tiringko n taina naba aei nakon te ingabong.

1.Uea 22:8

Ao e taku Aaba, “Ti konaa naba n titirakina te burabeti are Mikaia are natin Imra, ma I rangi n ribaia b'a e aki toki n tataekin taeka aika a aki kakukurei nako iu.” Ao e taku Iotiab'ata, “Ko na aki taetae ni kaanganne.”

2.Uea 2:25

E tam'arakea te Maunga are Karemera, ao i mwiina e okira Taamaria.

2.Uea 4:25

Ao e kawaekoa ni m'ananga nakon te Maunga are Karemera b'a e na maroroo ma Eritai. Ao ngke e nooria Eritai b'a e a roko ao e taku, “Keati! nooria, kai ainen Tunem!

Ieremia 35:4

I kairiia nakon te Tembora ao I kairiia ni waerake nakon te ruu are i ieta are aia ruu burabeti ake ana reirei Anan are natin Iketaria mm'aane. E mena i rarikin te ruu are aia ruu mataniwi ake tabeman, ao e mena te ruu anne i aon ana ruu Maateia, are temanna mai buakoia ibonga aika a rietaata n te Tembora.

Amota 7:12

E taku Am'atia nakon Amota, “E a bati n tau anne te burabeti! Naako okira abam are Iuta ao taetae ni burabeti iai, ao anaa boom irouia.

Mataio 14:3

B'a e a tia n anga ana taeka Erote b'a e na tauaki Ioane b'a te bure, ao e tua b'a e na kabaeaki ao e na kakiaki i nanon te karabuuti. E karaoa aei Erote i bukin Eroria b'a e a tia ni iein ma ngaia, ao neiei boni buun tarina are Biribo.

Mataio 26:68

ao a taku, “Ko na tuangiira, Ngkoe ae te Kristo! Antai ae oroiko!”

Mataio 27:29

A karaoa te m'ae ni kaai aika kateketeke, ao a katokaa i aon atuna; ao a kaki te kai i baina ae angaataina; a katorobubua ngkanne i matana, ao a kakanikoa ni kangai, “Ko na mauri aia Uea I-Iutaia!”

Mareko 15:29

Ao a taetae n iowawa nako Ina aomata ake a ri rarikina, ao a katoutou atuia ni kaenaena, ao a kangai, “E! Ngkoe ae Ko nang urua te um'antabu ao Ko na manga kateia i nanon tenibong,

Mareko 15:32

Ke E ruo te Kristo ae aia King Iteraera man te kaibangaki, b'a ti na mataku, ao ti a onimaki.”

Ruka 9:54

Ao ana reirei, are Iakobo ma Ioane, ngke a ata te baerei, ao a taku, “Te Uea, Ko tangirira b'a ti na kab'aka te ai mai karawa b'a e na kamaunaia?”

Ebera 11:36

A kataaki tem'angina ni kakanikoaia ao ni kataereaia, ao tem'angina ni kabaeaia n taurekereke ao ni kainakiia n te karabuuti.

1.Tamuera 19:21

Ao ngke e ongo Tauro te b'ai arei, e a manga kanakoia riki tabeman taan uarongorongo, ao a manga m'am'aie ma n tatakarua. E a manga kanakoia naba ana taan uarongorongo te katenua n tai, ao e teimatoa n riki anne nakoia.