2.Uea 1:3 - Te B'aib'ara

³ Ao ni bon te tai naba arei, ao e kanakoaki Eria are te burabeti are kaain Titibe b'a e na taetae nakoia ana tia uarongorongo te uea ni kaangai, E a tia Aatia ni kaakeaa are bon oin Atuana ngkai e kanakoko b'a ko na titirakina Baretebub'a i bukin ikoakina.

2.Uea 1:3 Iomraidhean Croise

1.Uea 11:33

A aki katotoonga Tawita are ana bakatibu Toromon ma Iteraera. A aki ongotaeka irou, ke ni karaoi baika a raoiroi. A tia n rairaki nako mai irou ni manga taromauria Nei Atiterota, are antiia Titon ma Kemoti are antin Moaaba, ao Mirekon are antin Ammon.

1.Uea 17:1

Eria bon te burabeti mai Titibe i Kireata. Ao e nakon Aaba n te bong teuana ao e taku, Bon ana Toro te UEA ae E maiu, ae Atuan Iteraera ngai. Ao I tuea n arana b'a e na bon aki b'aka te karau ni karokoa te tai are I a manga taetae iai b'a e na b'aka. Ao a na bon akea naba te aoi ae e na ruo nako aon te tano.

1.Uea 18:1

Ao e aki b'aka te karau i nanon tenua te ririki i aon Taamaria, ao e a moanna n tare te am'arake n taabo ni kabane.

1.Uea 18:36

Ao ngke e a bo tain te angakarea n te tairiki, ao e tataro Eria ni kaangai: Ara UEA, Boni ngkoe Atuan Aberaam, Itaaka, ao Iteraera. Ko na kaotia raoi b'a boni ngkoe Atuan te botannaomata aei, ao ngai ae am toro I boni karaoa aei n am babaaire.

1.Uea 19:5

Ao e wene i aan te nu arei ao e matunako. Ao e karina ni kautaki iroun te anera ao e taku te anera, “Teirake am'arake.”

1.Uea 19:7

Ao e a manga kautaki naba iroun Ana anera te UEA ao e taku te anera, “Teirake am'arake b'a ko a kaawa n rangi ni kua ngkana ko m'ananga.”

1.Uea 21:17

Ao E taku te UEA nakon Eria are te burabeti,

2.Uea 1:2

natin aia uea te m'aane are te uea are Aatia, kaain te aba are Moaaba. Ao n te bong teuana, ao e a b'aka te uea are Aatia i nanon kaai aika a irariki are e katobibiaki ana buia iai i taubukin ana bareti are i Tamaria, ao a rangi ni korakora ikoakina. Ma ngaia are, e a kanakoia ana tia uarongorongo nakon te kaawa are Ekiron ma ana titiraki nakon te anti are Baretebub'a b'a e na kona ni marurung man aorakina ke e na aki.

2.Uea 1:6

Ao a taku, B'a iai te m'aane ae ti kaaitibo ma ngaia i aoni kawaira ma te rongorongo nakoim mairoun te UEA. E kan ataia te UEA b'a bukin tera ngkai ko kanakoira b'a ti na kawara Baretebub'a i bukin ikoakim, ao e aera naba ngkai ko aki kakoauaa ae iai te Atua i aon Iteraera. E bon tuangiira naba te m'aane arei b'a E taku te UEA b'a ko nang mate.

2.Uea 1:8

Ao a taku, Bon te aomata ae e buraerae ao e roona nuukana n te bare ae te kunniman. Ao e taku Aatia, Bon Eria te aomata anne.

2.Uea 5:15

Ao e okirikaaki Naaman ma ana mataniwi nakon Eritai. E tei Naaman i matan Eritai, ao e katanoata ni kaangai, “I a bon ataia ngkai b'a bon ti te Atua n te aonnaba aei Atuaia Iteraera. Teuae ko karineaki! taiaoka butim'aea au b'aintangira aei.”

2.Uea 5:8

Ao ni bon te tai naba are e ongo iai Eritai are te burabeti te b'ai are e riki, ao e kanakoa te rongorongo nakon uean Iteraera ae e kaangai, E aera ngkai ko rangi ni maaku? Kanakomaia te m'aane anne b'a e aonga n ataia ae iai te burabeti i aon Iteraera.”

Taian Areru 76:1

E ataaki te Atua irouia Iuta; E karineaki arana irouia Iteraera.

Itaia 8:19

Ane a na kaangai tabeman nakoimi, “Naako kawariia taani kaiwa ake a wiwiirikiriki ke n titirakini tamneia maate. Ma e ngae n anne, ao e riai te botannaomata ni konaa n titirakina oin antina nako

Iona 2:8

Akana a taromauri bouannanti aika akea maneia, a tia ni kitana karineam.

Mareko 3:22

Iai taani koroboki ake a roko mai Ierutarem ake a kangai, “E taniaki irouni Beretebub'a, ao E kanakoia taimonio ni m'aakan aia mataniwi taimonio.”

M'akuri 8:26

E taetae ana anera te UEA nakoni Biribo, ao e kaangai, “Katauraoiko b'a ko na nako aiaki, nakon te kawai are wairio mai Ierutarem nako Kaata.” Aei te kawai n te rereua.

1.Tamuera 17:46

E na buokai te UEA n te bong aei b'a n na tokanikai i aom. N na oroiko ni kab'akako, ao n na korea atuum ni kanakoa, ao n na anga rab'ataia tautian Biritia ake tekorakina nakoia ma mannikiba ma mannikaakang. Ao e na ataaki n te aonnaba b'a bon te Atua ni koaua Atuaia Iteraera.