2.Uea 1:13 - Te B'aib'ara

¹³ Ao e a manga kanakoa riki te kateniman n aobitia i bukin te taanga ni buaka, ao nimangaun riki tautia. Ao e tam'arake te aobitia aei nakon Eria, ao e b'aka ni katorobubua ao e bubuti, ana Aomata te Atua, taiaoka nanoangaai ma tautia aika nimangaun aikai aika am toro, tai tiringiira.

2.Uea 1:13 Iomraidhean Croise

1.Uea 13:6

Ao e buubutii Ieroboam ni kaangai, Taiaoka tataro nakon te UEA ae Atuam ni butiia b'a E na kamaiuia baiu.

2.Uea 1:12

Ao e taku Eria, Ngkana e koaua b'a ana Aomata te Atua ngai ao ke e tiringi ngkami ma tautia akana nimangaun te ai. Ao e kanakoa rikaaki te ai mai karawa te Atua i aon te aobitia arei ma ana m'aane akekei.

2.Uea 1:14

“A tia ni kamannangiia aobitia ma aia tautia ake mai i m'aaira. Taiaoka tai karaoa naba anne nakoira.”

Taian Areru 102:17

E na ongo irouia ana Aomata akana kananoanga, Ao E aki ribaai aia tataro.

Taian Areru 72:14

E kamaiuia man te karawawataaki ao man te b'ainikirinaki; A kakawaki i rouna maiuia.

Te Otinako 11:8

Ao e kabanea ana taeka Moote ni kaangai, “A na bane n roko am mataniwi nako iu ni boobaraaki i matau, ao a na buubutiai b'a N na kairiia nako au aomata ma ni m'ananga nako. Ao i mwiin anne, I a m'ananga nako.” Ao i mwiina, e kiitana te uea Moote ma te marakinnano.

Taeka n Rabakau 27:22

Ko bon aki konaa ni kanakoa te nanobaba mai nanon te nanobaba ngkana ko batibooia ni karawataa.

Te Minita 9:3

E bon rangi n aki riai b'a e na booraoi rikin te b'ai ae ti teuana nakoira n tatabemaniira nako. Ti bon tei ni baba, ao ti rangirang ngkai ti maiu, ao i mwiina ti a manga mate.

Itaia 1:5

E aera ngkai ko na katuaaeaki riki? E aera ngkai ko aki katoka burem? E ikoaki atuum, ao ko a rangi ni mamaara.

Itaia 60:14

A na bane ni katorobubua i matam aia kariki am kairiribai ake a ribaiko ma ni karaoa ae aki raoiroi nakoim. A na kaangai, “Bon Tion ngkoe, are ana kaawa te UEA, are Atuaia Iteraera ae e tabu.”

Itaia 66:2

I a tia ni karaoi b'aai nako; ao anne aron rikiia ni kabane. Bon aei au taeka Ngai ae te UEA. Aomata ae I kawakinia riki bon aika nanorinano are a mena aia mwioko irou ao a ruru ngkana I taetae.

Ieremia 5:3

Ao I kaeka ni kaangai, “I ataia b'a ko kakaaea te koaua. Ko katuaaia am aomata i bukin aia kewe, ma a aki ongea marakiia, a karikirakea riki taningabonoia ao a rawa n rairaki nako im.”

Iakobo 4:7

Ma ngaia ae kam na irira nanon te Atua; ao kam na rarawa nakon te riaboro, ao ane e na biri nako mai roumi iai.

Te Kaotioti 3:9

Noria, N na kanakoia tem'angina man ana botannaomata Tatan b'a a na bobaraaki i rarikini waem, te koraki aika taani kewe, aika taku b'a I-Iutaia ngaiia, ma bon tiaki, ao a na ataia b'a I tangiriko.

1.Tamuera 26:21

Ao e kaeka Tauro ni kaangai, “I a tia ni karaoa ae e kaairua. An ooki Tawita, ae natiu te rorobuaka! N na bon aki manga karaoa riki ae e buakaka nakoim, b'a ko a tia n nanoangaai n te tairiki aei. I a tia n nanobaba! I a tia ni karaoi m'akuri aika a kakamaaku!”