2.Uea 1:10 - Te B'aib'ara

¹⁰ Ao e taku Eria, Ngkana e koaua b'a ana Aomata te Atua ngai ao ke e b'aka te ai mai karawa i aomi ma tautia akana nimangaun. Ao e b'aka te ai mai karawa n te tai naba arei ni kabuoka te aobitia arei ma m'aane akekei.

2.Uea 1:10 Iomraidhean Croise

1.Uea 22:28

Ao e taku Mikaia, “Ngkana arona b'a ko oki, ao ngaia I a tia n aki ongo raoi te b'ai are E tangiria te UEA b'a N na taekinna.” Ao e a manga taku riki nakoia aomata, “Tai m'am'aninga te b'ai are I a tia n taekinna.”

2.Uea 1:11

Ao e a manga kanakoia riki ana aobitia temanna Aatia, ao nimangaun riki tautia nakon Eria. Ao a taku aobitia ma m'aane akekei, ana Aomata te Atua, e tua te uea b'a ko na nooria ngkai naba.

2.Rongorongo 36:16

Ma a ti ngare aomata ao a kakanikoia burabeti akekei. A aki kubara te b'ai are e kataia n taekinna te UEA nakoia, ni karokoa e a rangi n un n te aro are bon akea ae e konaa ni katokia man katuaeakiia kaain Iuta ao Ierutarem.

Iobi 1:16

Ao i mwiin banen ana taeka, ao e a manga roko te tia m'akuri are temanna ao e taku, “E karokoa te iti mai karawa te Atua, ao e tiringiia taian tiibu ma taan kawakin tiibu ni kabane. Bon ti ngai nikiraia are I a biri nako b'a N na tuangko.”

Taian Areru 105:15

Ao E kaangai, Tai riingia au aomata aika rineaki, aika au burabeti, ao tai tabareia.

Taian Areru 106:18

E ura rake te ai i buakoia, ao e kabuokiia raoia ni kabaneia ake a buakaka.

Taniera 3:22

Ao i bukin matoatoan ana taeka te uea b'a e na kakorakoraaki uran te ai arei, ao e a rangi ni korakora te ai arei n te aro are a bue ni mate iai tautia ake a tewenakoia uaakekei.

Taniera 3:25

Ao e kaekaia ni kaangai, “Ma e aera ngkai I nooriia aman te m'aane n nakonako i nuukan te ai? Kai a b'ara kabaeaia, ao a aki bue, ao kaanga e taraa n anera teuare te kaaman.”

Taniera 6:24

Ao e a manga anga ana taeka te uea b'a a na katikaki te koraki ake a kabuakaka Taniera, ao e karenakoia nako nanon te b'angab'anga are nneia raian, n ikotaki ma buuia ma natiia. A kaman raweaki rab'ataia man raebitiaki irouia raian i m'aain rokoia i aontano.

Nakoaia Ibonga 10:2

Ao E kanakoa te ai te UEA n te tai ae e waekoa, ao e kabuokiia ni kamateia ikekei i matana.

Warekaia Iteraera 11:1

Ao n te bong teuana, ao a ngurengure Iteraera i bukin aia kangaanga. Ao E ongo te UEA ngurengureia, ao E rangi n un iai, ao E kamaunai taian auti n rianna ake i mataniwiin te maeka ni katobibia n te ai.

Warekaia Iteraera 16:35

Ao n te aro ae a aki kantaningaia, ao E kab'aka te ai te UEA ni kabuokiia 250 te mm'aane ake a tia n anga te b'ai ni kaboiarara nako Ina.

Mataio 21:41

A taku nako Ina, “Ane e na kamateia aomata ake a buakaka akekei n te aro ae a na kananoanga iai; ao e na anga taekani nnen te kureebe nakoia tabem'aang b'a a na tararuaia i bukina, ao a na anganna tib'ana man uaa n tain uaa n tawaa.”

Ruka 9:54

Ao ana reirei, are Iakobo ma Ioane, ngke a ata te baerei, ao a taku, “Te Uea, Ko tangirira b'a ti na kab'aka te ai mai karawa b'a e na kamaunaia?”

M'akuri 12:19

E kanakoa ana taeka Erote b'a e na kakaaeaki Betero; ma ngke e aki reke, ao e kananako b'a a na titirakinaki tautia, ao e tua b'a a na kairaki nako ni kamateaki. E wairio ngkanne Erote mai Iutaia nako Kaitareia, ao e tiku iai.

Ebera 12:29

b'a Atuara ai aron te ai ae kamamate.

Te Kaotioti 11:5

Ao ngkana iai te kairiribai ae kataia ni kani kaikoakia, ao e na kamateaki n te ai are oti nako mai wiia.