2.Timoteo 4:6 - Te B'aib'ara

⁶ Ao ngai, e a roko te tai ae N nang kamateaki iai ao N nangi riki b'a kanga ai aron te karea are te ninima are kab'aroaki i aon te baonikarea; aio au tai are N nang kitana iai te maiu aei.

2.Timoteo 4:6 Iomraidhean Croise

Karikani B'aai 48:21

Ao e taku Iakob'a nakon Ioteb'a, “N aron ae kam nooria, ao e a kaan mateu, ma E na memena iroum te Atua ma ni manga kaokiko rikaaki nako abaia am bakatibu.

Karikani B'aai 50:24

Ao e taku nako ia tarina, “E a kaan mateu, ma E na boni kaawakiningkami te Atua ma ni kairingkami ni kaotinakoingkami man te aba aei nakon te aba are E a tia ni berita iai nakon Aberaam, Itaaka, ao Iakob'a.”

Te Tua-Kaua 31:14

Ao E taku te UEA nakon Moote, Ko na waekoa ni mate. Ma ngaia are, kairaamai Iotua nakon te Um'antabunrianna, b'a N na rineia b'a te tia kairiiri i aoia Iteraera. Ao a nako n rin Moote ma Iotua n te Um'antabunrianna,

I-Biribi 1:23

Ma e katikaki nanou ni baika uoua, b'a I kan nako ni mena irouni Kristo; b'a moan te raoiroi aei.

I-Biribi 2:17

Ami onimaki ma ami m'akuri aika kam karaoi b'a kanga ibonga ai aron te karea nakon te Atua; ao tao N na kamateaki, ao n te aro aei N na riki b'a ai aron te karea are te raraa are kab'aroaki i aon te karea. Ngkana arona b'a e riki aei, ao N na boni kim'areirei, ao N na kim'areirei ma ngkami;

Iotua 23:14

Ao ngkai e a bon roko au tai ni mate. Ao kam bon bane n ataia i nanomi ao n tamneimi b'a E a tia te UEA ae Atuami n anganingkami ni kabane baika E berita b'a E na anganingkami aika a raraoi. A bane n tia ni koro bukin Ana berita, ao bon akea teuana ae aki kakoroa bukina.