2.Timoteo 4:3 - Te B'aib'ara

³ B'a ane e na roko te tai ae a na rawa aomata iai n ongo te reirei ni koaua, ao a na iri nanoia ni kaib'ab'aru, ma ni karekeia aia tia reirei ni kabatiaia aika a na tuangaki i rouia baika a ingainga nanoia iai ni kan ongora.

2.Timoteo 4:3 Iomraidhean Croise

1.Uea 18:22

Ao e a manga reitanako ana taeka Eria man taku, bon ti ngai ana burabeti te UEA ikai, ma a m'aiti ana burabeti B'aara b'a 450.

1.Uea 22:18

Ao e rairaki Aaba nakon Iotiab'ata ao e taku, “E uara ngkanne, ao are I a kaman tuangko are e aki toki n tataekina nako iu te rongorongo ae e aki kakukurei.”

1.Uea 22:8

Ao e taku Aaba, “Ti konaa naba n titirakina te burabeti are Mikaia are natin Imra, ma I rangi n ribaia b'a e aki toki n tataekin taeka aika a aki kakukurei nako iu.” Ao e taku Iotiab'ata, “Ko na aki taetae ni kaanganne.”

Te Otinako 32:33

Ao E kaeka te UEA ni kaangai, “N na kamaunaa araia aomata nako aika a tia ni bure nako iu man au boki.

Itaia 28:12

E a tia ni berita iai nakoimi i bukin te rau ao te motirawa aika a kororaoi, ma kam aki kan ongo.

Itaia 30:10

ao a tia n taetae ni kaangai nako ia ana tia uarongorongo nako ma ana burabeti nako: Kam na aki tuangiira te b'ai ae e a tia ni kaotia te Atua nakoimi ao kam na aki kab'arab'araa te koaua. Kam na ti taekina ae ti tangiria b'a ti na ongo, e aoria ngkana e kaairua.

Ieremia 18:18

A taku aomata tabeman, “Ti a katiaa taekan Ieremia! Bon iai ibonga n taai nako ike a konaa n reireiniira ana Tua te Atua, ao ai uana naba ma aomata ake a rabakau b'a a konaa n anganiira taeka n reirei, ao burabeti b'a a konaa n anganiira ana rongorongo te UEA. Ma ngaia are, ti na aki manga ongo i roun Ieremia, ma ti na bukinna n te bure.”

Ieremia 27:9

A na bon iai aomata i nanon abanueam aika a taku b'a a konaa n taekin kanoan boong aika a na roko ke n taetae ma maate ke taiani mii ke rongorongo mairouia anti. Ma kam na aki katabei nanomi irouia ngkana iai mairouia ae e tuangkami b'a kam na aki ongotaeka i roun Nebukaneta.

Ieremia 29:8

Bon te UEA Ngai ae Atuaia Iteraera, ae I kauringkami b'a kam na aki kam'aneaki irouia burabeti akana a maeka i buakomi ke naake te koraki ake a taku b'a a konaa n taetae ni burabeti i bukin boong aika a na roko. Kam na bon aki tabe ma miia.

Ieremia 5:31

A anga aia rongorongo taiani burabeti n aran te anti ni kewe. a aki tangiria au ibonga ni m'akuri i buku ma ngkami-Au aomata ni koaua kam tangira te kawai aei! Ma i nanon tain te kabuanib'ai anne, kam na rairaki nakon antai i bukin buokami?

Mika 2:11

Aikai aekakin aomata ake a tangira te burabeti ae e b'anga ni kewe ma ni kam'am'ane, are e na kaangai nakoia, “I taetae ni burabeti b'a e na raanga nako i bukimi te wain ae e kangkang ma te wain ae te kamanging.”

Ruka 20:19

A kan taua Iesu n te tai naba arei taani koroboki ma ibonga ake mataniwi, b'a a taku n aia iango b'a E ekinakoia n te rongorongo ni kabotau arei; ma a makuia aomata.

Ruka 6:26

A na reke kaimi, ngkana a bane aomata ni kamoamoaingkami, b'a a karaoa naba aron aei aia bakatibu nakoia burabeti ni kewe.

Ioane 8:45

Ma, i bukina ngkai I taekina te koaua, ao kam aki kakoauaai.

M'akuri 17:21

B'a anuaia I-Atenai ni kabaneia, ma iruwa ake a maeka i Atenai, bon ti te kabanea aia tai ni karakin rongorongoni baika boou ao te ongongora iai.

1.I-Korinto 2:1

Ao ngai, taari, ngke I roko i roumi n taekina te baere raba are mairoun te Atua, ao I aki kamanenai taeka aika N na atongaki iai b'a iai i rou te rabakau n taetae ma te ataib'ai.

1.I-Korinto 2:4

Ngke I taetae ma ngkami, ao ngke I taekina te euangkerio, ao I aki kani kaotai b'a aongkoa I rabakau n taetae; ma I angan Tamnein te Atua b'a E na kaota m'aakana.

I-Karatia 4:16

I a riki ngkai b'a ami kairiribai ngkai I taekina te koaua nakoimi?

1.Timoteo 1:10

ao i bukiia taani wene ni bure ma nikiranroro, ma mm'aane aika karaoi m'akuri ni kammaira ma raoia ni mm'aane, ma taan iraeia aomata, ao i bukiia taani kewe ma taan tuea ni kewe, ao i bukini b'aai ni kabane, ngkana tao iai, aika eekaanako te reirei ni koaua,

2.Timoteo 1:13

Ko na tou mwin au taeka aika reirei ni koaua ake ko a tia n ongo i rou b'a te banna ae ko na kakairi iai, ao ko na teimatoa ni b'aina te onimaki ma te tangira aika kanoan arora n reitaki ma Kristo Iesu.

Iuta 1:18

B'a a kangai nako imi: “N te tai ae te kabanea n tai, ao a na roko taani kakaniko, aika aomata aika iri oin nanoia ni kaib'ab'aru aika akea i rouia karinean te Atua.”